ဝၼ်းတီႈ 06/08/2024 ယၢမ်းၵၢင်ၼႂ်ၸဝ်ႉ ၵူၼ်းၸုမ်းၼိုင်ႈ ၼႄၵၢင်ၸႂ်သၢၼ်ၶတ်း ၸုမ်းသိုၵ်းၵဝ်ႈၵၢင်ႉ MNDAA တီႈဝဵင်းလူင်တႃႈၵုင်ႈ။
ၵူၼ်းၸုမ်းၼႆႉ ၶီႇရူတ်ႉၵႃး (ရူတ်ႉတူႈ Bus သႅၼ်းယႂ်ႇ ဢၼ်လႅၼ်ႈၵၢင်ဝဵင်းတႃႈၵုင်ႈ) မႃး 91 လမ်းသေ မႃးၶွၼ်ႈၵၼ် တီႈၼႃႈႁူင်းႁေႃးလူင်ၵၢင်ဝဵင်းယဝ်ႉ ဢွၼ်ၵၼ်ၼႄၵၢင်ၸႂ်သၢၼ်ၶတ်း သိုၵ်းၵဝ်ႈၵၢင်ႉ MNDAA ဢၼ်ႁႅၼ်းသိုၵ်းလေႃႇတိုၵ်း ယိုတ်းဢဝ်တပ်ႉတိူင်းသိုၵ်းမၢၼ်ႈ ယမၶ တီႈဝဵင်းလႃႈသဵဝ်ႈၼၼ်ႉ ဝႃႈၼႆ။
ၵူၼ်းၸိူဝ်းၼၼ်ႉ ပဵၼ်ၵူၼ်းမိူင်း ၸိူဝ်းၵမ်ႉထႅမ်သိုၵ်းမၢၼ်ႈ၊ ၵူၼ်းၸုမ်းမပတ(မဘတ) ဢၼ်ဢဝ် ၸိုဝ်ႈသႃႇသၼႃႇသေ ၵႅတ်ႇၶႄၸိူဝ်ႉၸၢတ်ႈ ၸိူဝ်းၼၼ်ႉ – လႆႈႁူႉဝႃႈ သိုၵ်းမၢၼ်ႈ ၸၢင်ႈၸိူဝ်းၶဝ် မႃးၼႄၵၢင်ၸႂ် သၢၼ်ၶတ်း သိုၵ်း MNDAA ယိုတ်းတိူင်းသိုၵ်း ယမၶ ။ ဢွၼ်ၵၼ်ႁွင်ႉသႅၼ်ႇဝႃႈ သိုၵ်း MNDAA ၶႃႈႁႅမ်ၵူၼ်းမိူင်းဝဵင်းလႃႈသဵဝ်ႈ 100 ပၢႆ – ၼႆၸိူဝ်းၼႆႉ – ၵူၼ်းဝဵင်းတႃႈၵုင်ႈလၢတ်ႈၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ