ၸုမ်းဢူၺ်းလီပွတ်းႁွင်ႇ ဢၼ်ပဵၼ်ၸုမ်းယိပ်းၵွင်ႈၵၢင်ႇၸၢဝ်းၶိူဝ်း 7 ၸုမ်း ၶွတ်ႇၽွတ်ႈဝႆႉ ၶွမ်ႊမတီႊဢုပ်ႇ ဢူဝ်းၵၢၼ်မိူင်း မိူင်းႁူမ်ႈတုမ် FPNCC ၼၼ်ႉ ၸတ်းႁဵတ်းပၢင်ၵုမ်ပွၵ်ႈၵမ်း 2 တီႈၸႄႈဝဵင်းပၢင်ၶမ်း ဝႃႈၼႆ။ ဝၼ်းတီႈ 26-28/03/2018 ၶွမ်ႊမတီႊဢုပ်ႇဢူဝ်းၵၢၼ်မိူင်း မိူင်းႁူမ်ႈတုမ် (Federal Political Negotiation and Consultative Committee =...

ၾၢႆႇတူင်ႉၼိုင်လွင်ႈႁႅင်းၵၢၼ် ၸတ်းပၢင်ႁူပ်ႉထူပ်း ၸဝ်ႈၼႃႈတီႈလူင်ပွင်ၸိုင်ႈလႄႈ ႁႅင်းၵၢၼ် ပိူဝ်ႈႁႂ်ႈႁႅင်းၵၢၼ်ႁူႉသုၼ်ႇလႆႈတူဝ်ၵဝ်ႇလႄႈ ၽွၼ်းၸႃႉသၢၼ်ထၢတ်ႈၶႄႊမီႊၶိူဝ်ႊ (သၢၼ်ၶေးမီး)။ ဝၼ်းတီႈ 28/03/2018 ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF လႄႈ ၸုမ်းႁူမ်ႈတုမ်ႁႅင်းၵၢၼ်ယၢၼ်မိူင်း MWF ၸတ်းႁဵတ်းပၢင်ႁူပ်ႉထူပ်း ပၼ်တၢင်းႁူႉႁႅင်းၵၢၼ် လွင်ႈၽွၼ်းၸႃႉသၢၼ်ၶေးမီး၊ လၢႆးႁႄႉၵင်ႈသၢၼ်ၶေးမီး၊လွင်ႈ  ႁႅင်းၵၢၼ်ၺႃးပူၼ်ႉပႅၼ်ဢမ်ႇလႆႈၵႃႈၸၢင်ႈ  ၸွမ်းၼင်ႇမၢႆမီႈ၊ ဢမ်ႇမီးဝၼ်းလိုဝ်ႈ၊ ႁႅင်းၵၢၼ်ဢမ်ႇလႆႈႁပ်ႉသုၼ်ႇလႆႈၸွမ်းၼင်ႇမၢႆမီႈ ၸိူဝ်းၼႆႉ၊ မီးတူဝ်တႅၼ်း ၾၢႆႇႁႅင်းၵၢၼ်လူင်ပွင်ၸိုင်ႈထႆး၊...

ဢူးဝိၼ်းမိၼ်ႉ လႆႈထုၵ်ႇလိူၵ်ႈပဵၼ် ၸွမ်ၸိုင်ႈမိူင်းႁူမ်ႈတုမ် ၵေႃႉထူၼ်ႈ 10 ယွၼ်ႉလႆႈၶႅပ်းၵၢင်ၸႂ် ၼမ်လိူဝ်ပေႉ ပုၼ်ႈၵိၼ်ၶၢတ်ႇၼႂ်းပၢင်လိူၵ်ႈတင်ႈၸွမ်ၸိုင်ႈဝၼ်းမိူဝ်ႈၼႆႉ။ ဝၼ်းတီႈ 28/03/2018 ၼႆႉ သၽႃးမိူင်းႁူမ်ႈတုမ် တီႈၼေႇပျီႇတေႃႇ ၸတ်းႁဵတ်းပၢင်လိူၵ်ႈတင်ႈ တီႈယူႇၸွမ်ၸိုင်ႈ မိူင်းႁူမ်ႈတုမ် ၼႂ်းၼၼ်ႉ ဢူးဝိၼ်းမိၼ်ႉ ၶႅပ်းၵၢင်ၸႂ်ၼမ်လိူဝ်ပိူၼ်ႈ ထုၵ်ႇလိူၵ်ႈ ပဵၼ်ၸွမ် ၸိုင်ႈမိူင်းႁူမ်ႈတုမ်ၵႂႃႇ ၼႂ်းၶၢဝ်းတၢင်းပႃႇတီႇ NLD ၼူၵ်ႉယုင်း...

ပၢင်ၵုမ်သၽႃးမိူင်းတႆး ၵမ်းထူၼ်ႈ 9 ၸတ်းႁဵတ်းတီႈဝဵင်းတူၼ်ႈတီး ဝၼ်းႁႅၵ်ႈ ဢုပ်ႇၵုမ်လွင်ႈငိုၼ်းၸႂ်ႉၸၢႆႇ။ လွင်ႈၵူႈယိုမ်ငိုၼ်း ၼႂ်းပွၵ်ႉယွမ်ႇဝၢၼ်ႈဢိူင်ႇ၊ လွင်ႈလူင်ပွင်ၸိုင်ႈမိူင်းတႆး မီးၽႅၼ်ယိူင်းဢၢၼ်း ႁဵတ်းသၢင်ႈၼႃႈၵၢၼ်ၵႂႃႇ ၸိူဝ်းၼႆႉ။ ပၢင်ၵုမ်သၽႃးမိူင်းတႆး ၵမ်းထူၼ်ႈ 9 ၼႆႉ တႄႇၸတ်းႁဵတ်း မိူဝ်ႈဝၼ်းတီႈ 26/03/2018 ပဵၼ်ဝၼ်းႁႅၵ်ႈ။ ၽွင်းတႅၼ်းသၽႃးၸႄႈမိူင်း ၸိူဝ်းမီးသုၼ်ႇၶဝ်ႈႁူမ်ႈတင်းမူတ်း 143 ၵေႃႉၼၼ်ႉ ၶိုၼ်ႈႁွတ်ႈၶဝ်ႈႁူမ်ႈ...

မၢၵ်ႇတႅၵ်ႇႁိမ်းတူဝ်းၵဵၵ်ႉ တၢင်းၶဝ်ႈဢွၵ်ႇ ဝဵင်းၵျွၵ်ႉမႄး 3 လုၵ်ႈ တႅၵ်ႇတိူဝ်ႉသႂ်ႇ သိုၵ်းမၢၼ်ႈ ၸၼ်ႉႁူဝ်ႁၢၼ် ၵေႃႉၼိုင်ႈ မၢတ်ႇၸဵပ်း လွင်ႈလူႉတၢႆဢမ်ႇမီး ဝႃႈၼႆ။ ဝၼ်းတီႈ 26/03/2018 ယၢမ်းၵၢင်ၶိုၼ်း 11:30 မူင်းပၢႆၼၼ်ႉ မၢၵ်ႇတႅၵ်ႇႁိမ်းၵဵၵ်ႉ (Oriental Highway Toll Gate) သဵၼ်ႈတၢင်း ၵျွၵ်ႉမႄး- သီႇပေႃႉ...

ၽူႈၸၢႆးၵေႃႉၼိုင်ႈ ဢႃယု 39 ပီ ၽဝ်ႁိူၼ်းၸဝ်ႈၵဝ်ႇၶိုၼ်းသေ ဢွၵ်ႇပၢႆႈပႅတ်ႈ တီႈဝဵင်းတႃႈလိူဝ်ႇ ဝႃႈၼႆ။ ဝၼ်းတီႈ 27/03/2018 ယၢမ်းၵၢင်ၼႂ်ၸဝ်ႉ မွၵ်ႈ 1 မူင်းၼၼ်ႉ ၽူႈၸၢႆးၵေႃႉၼိုင်ႈ ၸိုဝ်ႈႁွင်ႉ ယုတႃႉ ဢႃယု 39 ပီ ပဵၼ်ၵေႃႉ ၽဝ်ႁိူၼ်းၸဝ်ႈၵဝ်ႇၶိုၼ်း တီႈဝၢၼ်ႈၼႃးဢွၼ်ႇ ဢိူင်ႇၼႃးယၢဝ်း ၸႄႈတွၼ်ႈတႃႈၶီႈလဵၵ်း...

ၽူႈယိင်း ဢႃယု 39 ပီ ၵေႃႉၼိုင်ႈ ၵႂႃႇပိတ်းၼဵင်ႈၼႂ်းသူၼ်သေ ယဵပ်ႇၺႃးမၢၵ်ႇတႅၵ်ႇ လႆႈလူႉတၢႆထင်တီႈ ၼႂ်းၸႄႈဝဵင်း ၵျွၵ်ႉမႄး ဝႃႈၼႆ။ ဝၼ်းတီႈ 18/03/2018 ယၢမ်းၵၢင်ၼႂ် ၼၢင်းဢေးႁၢၼ်ႇ ဢႃယု 39 ပီ (ၸၢဝ်းတဢၢင်း) ယူႇဝၢၼ်ႈတေႃႇၽေႇ ၵႂႃႇပိတ်းၼဵင်ႈတီႈ ၼႂ်းသူၼ် သေ ယဵပ်ႇၺႃးမၢၵ်ႇတႅၵ်ႇ တီႈၼႂ်းသူၼ်...

ဝၼ်းတီႈ 28/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.80 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1335 ပျႃး၊ ငိုၼ်းၶႄႇ 1 ယႅၼ်ႉ = 211.37 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ၵူၼ်းမိူင်း ၸႄႈဝဵင်းၼမ်ႉတူႈ ၶွတ်ႇၽွတ်ႈ ၸုမ်းသၢၼ်ၶတ်းယႃႈမဝ်းၵမ် တႃႇႁႄႉၵင်ႈ၊ ၽဵဝ်ႈမူၺ်ႉ ယႃႈမဝ်းၵမ် ၼႂ်းဝၢၼ်ႈၼႂ်းဝဵင်းပေႃးတေလူတ်းလူင်းမွတ်ႇႁၢႆ ဝႃႈၼႆ။ ဝၼ်းတီႈ 26/03/2018 ၸုမ်းတူင်ႉၼိုင်တူင်ႇဝူင်းၵူၼ်း၊ ၸုမ်း NGO’s၊ ၽူႈၵွၼ်းပွၵ်ႉ/ ဢိူင်ႇ၊ ၸုမ်းမေႃသွၼ် လႄႈ ၸဝ်ႈၼႃႈတီႈပလိၵ်ႈ ႁူမ်ႈပႃး ၵူၼ်းမိူင်းပိုၼ်ႉတီႈ ၼႂ်းၸႄႈဝဵင်းၼမ်ႉတူႈ ႁူမ်ႈၵၼ် ၶွတ်ႇၽွတ်ႈၸုမ်း သၢၼ်ၶတ်း...

ၵူၼ်းပၢႆႈၽေးသိုၵ်း မွၵ်ႈ 400 မႆႈၸႂ်ႁိူၼ်းယေး သူၼ်ႁႆႈၼႃးသေ ဢွၼ်ၵၼ်ပွၵ်ႈၶိုၼ်းႁိူၼ်းယေး ဝၢၼ်ႈၽႂ်မၼ်း ၵမ်ႈၽွင်ႈ ဝႃႈၼႆ။ ဝၼ်းတီႈ 25-26/03/2018 ၶၢဝ်းတၢင်း 2 ဝၼ်းၼႆႉ ၵူၼ်းဝၢၼ်ႈၼႃးသၢႆး၊ ပၢင်ၶႅမ်၊ ၼမ်ႉပၢႆ၊ ၼႃးၵုၼ် ၸိူဝ်းၼႆႉ ဢၼ်ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉတီႈ ဝတ်ႉ/ၵျွင်းႁွင်ႇ ဝၢၼ်ႈၸၢမ်၊ ဝတ်ႉၵုင်းၽြႃး လႄႈ...

ၵေႃတႆးၸတ်းႁဵတ်းပၢင်ယုၵ်ႉယွင်ႈ ၶူၼ်ႉၶႆႈပိုၼ်းၵေႃတႆးလႄႈ လွင်ႈႁဵတ်းၵၢၼ်ၵေႃတႆး ၼႂ်းတိုဝ်ႉတၢင်း ဝၼ်းၶွပ်ႈတဵမ် 19 ပီ ၽူႈၶဝ်ႈႁူမ်ႈ 300 ပၢႆ။ ဝၼ်းတီႈ 26/03/2018 ၵေႃတႆး ၸတ်းႁဵတ်းပၢင်ယုၵ်ႉယွင်ႈ ၶူၼ်ႉၶႆႈပိုၼ်း ၼႂ်းတိုဝ်ႉတၢင်း ဝၼ်းၶွပ်ႈတဵမ် 19 ပီ ဝၼ်းၵေႃႇတင်ႈၵေႃတႆး တီႈၸၼ်ႉၸွမ်တူင်ႇၵူၼ်းတႆး ဝဵင်းၵႃလီႉ ၸႄႈဝဵင်းၵုၼ်ႁဵင် ၸႄႈတွၼ်ႈလွႆလႅမ် ၸိုင်ႈတႆး...

ပီ 2018 ၼႆႉမႃး တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း မီးပၢင်တေႃႇလွင်းၼမ် ယႃႈမဝ်းၵမ်လိူင်ႇ ၶီႈလၵ်ႉ ၸၵ်ႉၶုတ်ႈၵေႃႈၼမ် ႁႃလၵ်ႉၶူဝ်းၶွင် ဢၼ်မီးၵႃႈၶၼ် ၽွင်းၸဝ်ႈႁိူၼ်းဢမ်ႇယူႇ ၵူၼ်းဝၢၼ်ႈၵႂႃႇတၢင်ႇပလိၵ်ႈၵေႃႈ ပႆႇၸၢင်ႈၵႄႈပၼ် ပၼ်ႁႃလွင်ႈၼႆႉလႆႈ ၵူၼ်းမိူင်းၼမ်ႉၸၢင် မႆႈၸႂ်လွင်ႈႁူမ်ႇလူမ်ႈ ဝႃႈၼႆ။ ၸၢႆးၸေႃႇဝိၼ်း ႁူဝ်ပဝ်ႈပႃႇတီႇႁူဝ်သိူဝ် ဝဵင်းၼမ်ႉၸၢင် လၢတ်ႈဝႃႈ - “ မိူဝ်ႈလဵဝ်...

ဝၼ်းတီႈ 27/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.84 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1334 ပျႃး၊ ငိုၼ်းၶႄႇ 1 ယႅၼ်ႉ = 213.24 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ပလိၵ်ႈၼႂ်းၸႄႈဝဵင်းလၢဝ်ႇၵၢႆး တီႉၺွပ်းလႆႈ ၸၢဝ်းၶႄႇ 21 ၵေႃႉ ဢၼ်ၶဝ်ႈမႃးယူႇသဝ်းဝႆႉ ၼႂ်းဝဵင်းလၢဝ်ႇၵၢႆး (လဝ်ႉၵႆႇ) ဝႃႈၼႆ။ ဝၼ်းတီႈ 24/03/2018 ယၢမ်းဝၢႆးဝၼ်း 2 မူင်းၼၼ်ႉပလိၵ်ႈမၢၼ်ႈလၢဝ်ႇၵၢႆး ၵူတ်ႇထတ်း ႁိူၼ်းၵူၼ်း ဝၢၼ်ႈ တီႈပွၵ်ႉ 1 ၸႄႈဝဵင်းလၢဝ်ႇၵၢႆး ၼႃႈလိၼ်ၽွင်းငမ်းတူဝ်ၵဝ်ႇ ၵဝ်ႈၵၢင်ႉ ထူပ်းႁၼ်ၵူၼ်းၸၢဝ်းၶိူဝ်းၶႄႇယူႇသဝ်းၼႂ်းႁိူၼ်းၼၼ်ႉ 21 ၵေႃႉ။...

ၸုမ်းၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းမၢၼ်ႈ ပူၼ်ႉပႅၼ်ပေႃႉထုပ်ႉၶႃႈႁႅမ်ၵူၼ်း မိူင်းၸိုင်ႈတႆး တၢင်းပွတ်းၵျွၵ်ႉမႄးလႄႈ မိူင်းၵိုင် ဝႃႈၼႆ။ ဝၼ်းတီႈ 26/03/2018 ၸုမ်းၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လွင်ႈၵူၼ်း ဝၢၼ်ႈသွင်ၵေႃႉ ၺႃးသိုၵ်းမၢၼ်ႈၶလရ 23 ယိုဝ်းတၢႆ တီႈႁိမ်းႁွမ်းၾၢႆယႄးယႂႃႇတွၼ်ႈၼိူဝ် ၼႂ်းၸႄႈဝဵင်းၵျွၵ်ႉမႄး။ လိူဝ်ၼၼ်ႉ ၵူၼ်းဝၢၼ်ႈၺႃးသိုၵ်းမၢၼ်ႈ ၶမရ...