Thursday, March 28, 2024

ၽူႈၸၢႆးၵေႃႉၼိုင်ႈ ၽဝ်ႁိူၼ်းၸဝ်ႈၵဝ်ႇၶိုၼ်း ၼႂ်းဝဵင်းတႃႈလိူဝ်ႇ

Must read

ၽူႈၸၢႆးၵေႃႉၼိုင်ႈ ဢႃယု 39 ပီ ၽဝ်ႁိူၼ်းၸဝ်ႈၵဝ်ႇၶိုၼ်းသေ ဢွၵ်ႇပၢႆႈပႅတ်ႈ တီႈဝဵင်းတႃႈလိူဝ်ႇ ဝႃႈၼႆ။

- Subscription -

ဝၼ်းတီႈ 27/03/2018 ယၢမ်းၵၢင်ၼႂ်ၸဝ်ႉ မွၵ်ႈ 1 မူင်းၼၼ်ႉ ၽူႈၸၢႆးၵေႃႉၼိုင်ႈ ၸိုဝ်ႈႁွင်ႉ ယုတႃႉ ဢႃယု 39 ပီ ပဵၼ်ၵေႃႉ ၽဝ်ႁိူၼ်းၸဝ်ႈၵဝ်ႇၶိုၼ်း တီႈဝၢၼ်ႈၼႃးဢွၼ်ႇ ဢိူင်ႇၼႃးယၢဝ်း ၸႄႈတွၼ်ႈတႃႈၶီႈလဵၵ်း ၸိုင်ႈတႆး ပွတ်းဢွၵ်ႇ ဝႃႈၼႆ။

ၵူၼ်းပိုၼ်ႉတီႈ ၵေႃႉၼိုင်ႈလၢတ်ႈဝႃႈ “ မၼ်းၸၢႆးတင်း မေးမၼ်း ပႅတ်ႈၵၼ် တိုၵ်ႉမီး 3 လိူၼ်ပၢႆၼႆႉၵူၺ်း။ မၼ်းၸၢႆးယူႇႁိူၼ်းၵေႃႉလဵဝ်ၵူၺ်း။ ဝၢႆးမၼ်းၽဝ်ႁိူၼ်းယဝ်ႉ ၶီႇလူတ်ႉၶိူင်ႈပၢႆႈဢွၵ်ႇၵႂႃႇ။ မၼ်းၸၢႆးၼႆႉ ယၢမ်ႈၽဝ်ႁိူၼ်းမႄႈမၼ်းယဝ်ႉ ၵမ်းၼိုင်ႈ” ဝႃႈၼႆ။

ၵဵဝ်ႇၵပ်းလွင်ႈၾႆးမႆႈၼႆႉသေ ယူႇတီႈၵူၼ်းၼႂ်းပိုၼ်ႉတီႈ ၸဝ်ႈၼႃႈပလိၵ်ႈ ၾၢႆႇၶႄၾႆး လႆႈဢဝ်လူတ်ႉၵႃးသေ ၸွႆႈၵၼ်ႁူတ်း ဝႃႈၼႆ။

လိူဝ်ၼၼ်ႉ ယူႇတီႈၾၢႆႇပလိၵ်ႈၼႂ်းဝဵင်းတႃႈလိူဝ်ႇ တိုၵ်ႉၶတ်းၸႂ် လမ်းႁႃ ၽူႈၸၢႆးၵေႃႉဢၼ်ၽဝ်ႁိူၼ်း မၼ်း ၶိုၼ်းၼၼ်ႉ ႁႂ်ႈလႆႈမႃးပၼ်တူတ်ႈတၢမ်ႇ ၸွမ်းၼင်ႇပၵ်းပိူင်မၢႆမီႈ ဝၢၼ်ႈမိူင်းမီးၼၼ်ႉ ဝႃႈၼႆ။

ၶေႃႈမုလ်း – tachileik
ဓါတ်ပုံ – ဦးငြိမ်း

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း