ၶၢဝ်ႇ

ၵူၼ်းၼုမ်ႇ ၸဝ်ႈၵႃးၵူတ်ႉၶၢႆ 2 ၵေႃႉၺႃးၵူၼ်းဢမ်ႇႁူႉၾၢႆႇ တီ့မတ့်ၸူၼ်ဢဝ်ၵႃးသေယိုဝ်းတၢႆပႅတ်ႈ ၼႂ်းၵႄႈၵူတ့်ၶၢႆလႄႈ တႃႈမိူင်းငႅၼ်း။ မိူဝ်ႈဝၼ်းတီႈ 30/12/2022 ၵၢင်ဝၼ်း 2 မူင်းၶိုင်ႈၼၼ့် ၵူၼ်းၼုမ်ႇၸဝ်ႈၵႃးၵေႃႉၼိုင်ႈလႄႈ ဢူၺ်းၵေႃႉမၼ်းၸၢႆး ၺႃးၵူၼ်းဢမ်ႇႁူႉၾၢႆႇမတ်ႉမိုဝ်းပႄႈပိၵ်ႇယိုဝ်းတၢႆသေ ၸူၼ်ဢဝ်ရူတ်ႉၵႃးၵႂႃႇ  ။ ပဵၼ်တီႈႁိမ်း  ဝၢၼ်ႈမေႃႇႁၢၼ် ၼႂ်းၵႄႈၵူတ့်ၶၢႆလႄႈ တႃႈမိူင်းငႅၼ်း ၸိုင်ႈတႆးပွတ်းႁွင်ႇ။ ၵူၼ်းပိုၼ့်တီႈ ၵူၼ်းၸၢႆးဢႃယု 30 ၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-...

ပွႆးၵႂၢႆးတေႃး ပီၼႆႉ တီႈၸႄႈဝဵင်းမိူင်းယၢင်း ၸတ်းယႂ်ႇ မီးပီႈၼွင်ႉတီႈၸမ်/ ၵႆၶဝ်ႈႁူမ်ႈ ၵိုၼ်းၶွၼ်ႈ မီးၵႂၢႆးၶဝ်ႈတေႃး ၶဵင်ႇၵၼ် ဢမ်ႇယွမ်း 20 တူဝ်။ ပူၼ်ႉမႃး မိူဝ်ႈဝၼ်းတီႈ 29/12/2022 ၼၼ်ႉ ယူႇတီႈပီႈၼွင်ႉမိူင်းလူၺ် ႁူမ်ႈၵၼ် ၸတ်းႁဵတ်း ပွႆးၵႂၢႆးတေႃး တီႈၼႂ်းဢိူင်ႇမိူင်း လူၺ် ၸႄႈဝဵင်းမိူင်းယၢင်း ၸႄႈတွၼ်ႈၵဵင်းတုင် ၸိုင်ႈတႆးပွတ်းဢွၵ်ႇၶူင်း...

ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ တီႈၵေႃလိၵ်ႈလၢႆး ဝဵင်းၵျွၵ်ႉမႄးၼၼ်ႉ  ၶၢႆႉၵႂႃႇယူႇၼႂ်းဝဵင်း ၸွမ်းႁိူၼ်းယေးပီႈၼွင်ႉၽႂ်မၼ်း မွၵ်ႈတႃႇ 20 လင်ႁိူၼ်းယဝ်ႉ။ မိူဝ်ႈဝႃး ဝၼ်းတီႈ 1/1/2023 ၵူၼ်းပၢႆႈၽေးသိုၵ်း ဢၼ်မီးဝႆႉတီႈ ႁူင်းႁေႃၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၵျွၵ်ႉမႄး ႁူဝ် ၵူၼ်း 174 ၵေႃႉ လင်ႁိူၼ်း 48 လင်ၼၼ်ႉ ၶၢႆႉလူင်းၵႂႃႇယူႇၸွမ်းႁိူၼ်းယေး ပီႈၼွင်ႉ...

တႄႇဢဝ်ပီ 2021-2022 မႃးၼႆ့ တီႈဝဵင်းၵဵင်းတုင် ၾၢႆႇၾႆးၾႃ့လႄႈ ၶွမ်ႊပၼီႊ ဢိၼ်ႊတၼႅတ်ႉ ဝၢႆႊၾၢႆႊ  ၽႅၼ်သၢႆဝၢႆႊယႃႊ သၢႆၶေႊပႄႊလ်(cable)ၸွမ်းလၵ်းၾႆး ၸွမ်းသဵၼ်ႈတႃႈသၢႆတၢင်းၵၢင်ဝဵင်း၊ ၽႅၼ်ဝႆႉတႅမ်ႇၼႃႇလႄႈ ရူတ်ႉၵႃး ရူတ်ႉၶိူင်ႈၵႂႃႇမႃးယၢပ်ႇ ၸၢင်ႈပဵၼ်ၽေးတေႃႇၵူၼ်းမိူင်း၊ ပေႃးပဵၼ်ရူတ်ႉယႂ်ႇယိင်ႈၶႅၼ်းဢမ်ႇၸၢင်ႈၵႂႃႇမႃးၶဝ်ႈဢွၵ်ႇၸွမ်းၵိဝ်ႇၸွမ်းပွၵ်ႉ  ။ ၵူၼ်း ၵဵင်းတုင်ၵေႃ့ၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ-“ ၸႂ်ႈဢေႃႈ သဝ်ၾႆးၾႃ့ၵေႃႈ ပေႃးတႅမ်ႇဝႆ့ ယူႇယဝ့်ၼႃႇၼေႃႈ။ သၢႆဝၢႆႊၾၢႆႊသမ့်မႃးၽႅၼ်ၸွမ်းထႅင်ႈ...

64 ပီ လူမ်ႉလုၵ်ႉၶုပ်ႉၵၢၼ်း ၼိူဝ်သဵၼ်ႈတၢင်းၶႂၢၵ်ႇၼၢမ်လႄႈတႂ်ႈႁႃႇၾူၼ်မၢၵ်ႇမိုဝ်ႉၵၢၼ်ႉၸိုၼ်းယၢမ်းႁုပ်ႇႁုမ်း သုမ်ႇ မိုတ်ႇၵုမ်းတိုပ်းၼႃဢိုမ်တိုမ်းမူဝ်းမိုတ်ႈမိုၵ်းတၼ် ယင်းပႆႇမုင်ႈႁၼ်ပဝ်ႉမၢႆလၵ်းၼီႈသဝ် ၸႆးၸၼ (ဢွင်ႇပေႉ) ၵေႃႉ ႁတ်းၵေႃႉငၢၼ် ပၢၼ်သိုပ်ႇပၢၼ် လႆႈလူႇတၢၼ်းၼိူဝ်ႉလိူတ်ႈသၢႆၸႂ်မႃးၼပ်ႉဢမ်ႇထူၼ်ႈ ဢမ်ႇငၢႆႈမိူၼ်တၢင်းဢဵၼ်း ဢၢၼ်း မိူဝ်ႈၵေႃႇၵဝ်ႉငဝ်ႈပၵ်းၸႂ် ယိင်ႈယူႇယိင်ႈၵွႆႈၸၢင် ယိင်ႈယူႇယိင်ႈမိူၼ်ၵၢၼ်ၼႃႈႁိူၼ်းၽႂ်မၼ်း ႁႂ်ႈမၢၵ်ႈမီးလီပဵၼ် တၢင်းၸဵပ်းမႆႈၵႅၼ်းၶီၽူႈၵူၼ်းတူဝ်ႈတဵမ်မိူင်းၼမ်ႉလိူတ်ႈၼမ်ႉတႃ မိူၼ်ဢမ်ႇၵဵဝ်ႇ တင်းဝႃႈတိူင်းမၼ်းလႃႈၸၢင်ႈႁဵတ်း ႁိုဝ် ၽူႈၵူၼ်းလႂ်မေႃယူႇၾိုတ်ႉတိုဝ်ၵေႃႈမၼ်းတေလွတ်ႈႁင်းမၼ်း...

ဝၢႆးသေသိုၵ်းမၢၼ်ႈ ယိုတ်းမိူင်းမႃးၼႆႉ ၸုမ်းသိုဝ်ႇၶၢဝ်ႇၸၢဝ်းၶိူဝ်း  ၼႂ်းမိူင်းႁူမ်ႈတုမ်ႁၢႆၵႂႃႇ ၸမ် 10 ၸုမ်းယဝ်ႉဝႃႈၼႆ။ ၵဵဝ်ႇၵပ်းလွင်ႈၼႆႉ မိူဝ်ႈဝၼ်းတီႈ 30/12/2022 ၸုမ်းၶၢဝ်ႇ BNI ၸတ်းပၢင်သပ်းၸႅင်ႈၶၢဝ်ႇ သိုပ်ႇမိုတ်ႈပပ်ႉလိၵ်ႈ (စစ်အာဏာသိမ်းကာလအတွင်း တိုင်းရင်းသားမီဒီယာများကိုလေ့လာခြင်း ) လဵပ်ႈႁဵၼ်း သိုဝ်ႇၶၢဝ်ႇၸၢဝ်းၶိူဝ်း ၶၢဝ်းသိုၵ်းမၢၼ်ႈယိုတ်းမိူင်း တီႈလုမ်း BNI  ဢၼ်မီးတီႈဝဵင်းၵဵင်းမႆႇ ၸိုင်ႈထႆး။ ဝၢႆးသိုၵ်းမၢၼ်ႈ ယိုတ်းမိူင်းမႃးၼႆႉ...

......... ပီႈၼွင်ႉတႆး ယူႇၵႃႈလႂ် မႃးလႄႇႁွတ်ႈၵဵင်းတုင် ဢမ်ႇၸႂ်သုင် ႁပ်ႉတွၼ်ႈယူႇဢေႃႈ ၶႅၼ်းတေႃႈႁွတ်ႈမႃးလႄႈ ပွတ်း ဝၼ်းဢွၵ်ႇ ၼမ်ႉၶူင်းႁဝ်း ႁပ်ႉတွၼ်ႈယူႇဢိူဝ်ႈ။ .........  ၵူၼ်းၶိူဝ်းတႆး ယူႇၼမ်ၵိုၼ်း ယိုၼ်ႈတေႃႇထိုင်ယၢမ်းၼႆႉ ယုမ်ႇယမ်ဝႆႉ ပႂ်ႉထႃႈယူႇဢိူဝ်ႈ ၶႅၼ်းတေႃႈႁွတ်ႈမႃးလႄႈ ပွတ်းဝၼ်းဢွၵ်ႇၼမ်ႉၶူင်းတႄႉ ႁပ်ႉတွၼ်ႈယူႇဢိူဝ်ႈ။ ......... ၵျွင်းၽြႃးလူင် မီးၵၢင် ဝဵင်း...

ၵူၼ်းလၢၵ်ႇလၢႆၼႂ်းလူၵ်ႈ(လုမ်ႈၾႃႉ)ၼႆႉ ၼပ်ႉႁဵင်လၢၼ်ႉၵေႃႉဢၼ်ယူႇၶူၼ်းၶဝ်ႈၵၼ် မီးတင်းလိူင်ႈလၢႆလၢၼ်ႉလၢၼ်ႉ လိူင်ႈ တင်းမိူၼ်ၵၼ်လႄႈဢမ်ႇမိူၼ်ၵၼ် လူၺ်ႈပၢႆးဝူၼ်ႉလႄႈလၢႆးႁဵတ်းသၢင်ႈ ၵၢၼ်ႁႃၵိၼ်လဵင်ႉတွင်ႉၽႂ်မၼ်းသေ တႃႉၵေႃႈ တင်းမီးဝႅပ်ႇပိူင်ဢၼ်လႆႈႁဵၼ်းႁူႉမႃးလႄႈဝႅပ်ႇပိူင်တူဝ်ၵဝ်ႇ ႁူမ်ႈတင်းၵၢၼ်ၶူၼ်ႉၶႂႃႉႁႃလႄႈဝူၼ်ႉၶႆႈၸႂ်ဢဝ် ႁင်းၵွႆးသေႁႃၵိၼ်လၢႆးၽႂ်လၢႆးမၼ်းယူႇ။ ပိူင်လူင်မၼ်းၵေႃႈ “ၸႂ်” လႄႈ “ပၢႆးဝူၼ်ႉ” တေၶူၼ်ႉဢွၵ်ႇမႃးလႄႈလႅၵ်ႈလၢႆႈၸွမ်း သၢႆငၢႆ ငဝ်းလၢႆး ၸွမ်းလူၵ်ႈဢၼ် ပၼ်ႇမုၼ်ၵႂႃႇယူႇၵူႈဝၼ်းၼႆႉလႄႈ မီးၵၢၼ်ၶူင်ဢွၵ်ႇမႂ်ႇမႃးၵူႈမိုဝ်ႉၵူႈဝၼ်း တူဝ်ယၢင်ႇ ၸိူင်ႉၼင်ႇ ၵၢပ်ႈတေႃႈလဵဝ် လႆႈဝႃႈၾူၼ်းမိုဝ်းထိုဝ်...

ပၢင်ဢုပ်ႇဢူဝ်း သိုၵ်းမၢၼ်ႈယိုလႄႈ ၸုမ်းၵိုတ်းတိုၵ်းတူဝ်ႈမိူင်း 5 ၸုမ်း ဢၼ်ၸတ်းၵႂႃႇၶၢဝ်းတၢင်း 4 ဝၼ်း ၼႆ့ လႆႈၸႂ်တူၵ်းလူၵ်းၵၼ် 4 ၶေႃႈ ပႃးတင်းၶေႃႈဢၼ်ဝႃႈ တေၸတ်းပၢင်လိူၵ်ႈတင်ႈၼႂ်းပီ 2023 ။ ပၢင်ၵုမ်ၼႆႉ ၸတ်းၼႂ်းဝၼ်းတီႈ 27 တေႃႇထိုင်ဝၼ်းတီႈ 30 တီႊသႅမ်ႊပိူဝ်ႊ ပီ 2022 တီႈၼေႇပျီႇတေႃႇ။ ပဵၼ်ၸုမ်းပဢူဝ်း...

ၵေႃႁူမ်ႈသၢင်ႈၵူၼ်းၼုမ်ႇတႆး Tai Youth Network ၸတ်းႁဵတ်းပၢင်ၵုမ်ၶွပ်ႈပီ တီႈဝဵင်းၵႃလီ့ ၸိုင်ႈတႆး ပွတ်းၸၢၼ်း။ တႄႇမိူဝ်ႈဝၼ်းတီႈ 27 ထိုင် ဝၼ်းတီႈ 29 လိူၼ်တီႊသိမ်ႊပိူဝ်ႊ ၶၢဝ်းတၢင်း 3 ဝၼ်း ၵေႃႁူမ်ႈသၢင်ႈ ၵူၼ်း ၼုမ်ႇတႆး Tai Youth Network  ၸတ်းႁဵတ်းပၢင်ၵုမ်ၶွပ်ႈပီ တီႈဝဵင်းၵႃလီ့...

သိုၵ်းမၢၼ်ႈယိုတ်းမိူင်း တင်း ၸုမ်းယိပ်းၵွင်ႈ ၵိုတ်းတိုၵ်းတူဝ်ႈမိူင်း 5 ၸုမ်း ႁူပ့်ထူပ်းဢုပ်ႇဢူဝ်းၵၼ် တီႈ ၼေႇပျီႇတေႃႇ ဢုပ်ႇဢူဝ်းၵၼ်ၼႂ်းႁူဝ်ၶေႃႈ 8 ဢၼ်။ ပၢင်ဢုပ်ႇဢူဝ်းပဵၼ် 2 ဝၼ်း ဝၼ်းတီႈ 26 လႄႈ 27 လိူၼ် တီႊသႅမ်ႊပိူဝ်ႊ ၼႆ့။ ဝၼ်းဢၢင်းၵၢၼ်း ဢုပ်ႇဢူဝ်းၵၼ် တႂ်ႈႁူဝ်ၶေႃႈ တႃႇၵႅတ်ႇၶႄၵူၼ်းမိူင်း...

ၵေႃးပၵလႄႈ ၵူၼ်းမိူင်းလၢႆးၶႃႈပတ်းၽဵဝ်ႈႁဵတ်းလွင်ႈမူတ်းသႂ် ၵွင်းမူးၵဝ်ႇၵႄႇလၢႆလၢႆသူႇ ဢၼ်မီးႁိမ်းႁိူၼ်းယေးၵူၼ်းဝၢၼ်ႈၼႂ်းပွၵ်ႉယွမ်ႇသေ ႁၼ်မႅၼ်ႈႁုၼ်ႇႁၢင်ႈပုတ်ႉထၽြႃးၸဝ်ႈၵဝ်ႇၵႄႇ သူႇလဵၵ်ႉ/ယႂ်ႇ မွၵ်ႈ 70 သူႇ တေဢဝ်ၵႂႃႇ ထႃႇပၼႃႇဝႆႉၶိုၼ်းတီႈၵွင်းမူးၵိုၵ်းပိုၼ်း ဢၼ်မီးတီႈ ပၢင်ႇၵႂၢင်ႈၵၢင်ဝဵင်းၼၼ်ႉဝႃႈၼႆ။ ဝၼ်းတီႈ 26-27 / 12/ 2022 ၵူၼ်းလူင်ပွၵ်ႉယွမ်ႇလႄႈၵူၼ်းဝၢၼ်ႈ တၵ်ႉၵႃႇၼႂ်းပွၵ်ႉႁူဝ်ၼွင်ဢွၼ်ႇ ပွၵ်ႉ 5 ဝဵင်းလၢႆးၶႃႈ ပတ်းၽဵဝ်ႈၵွင်းမူးၵဝ်ႇၵႄႇ ဢႃယု...

ႁွင်ႈၵၢၼ်ၽွင်းလူင်ၾၢႆႇၼႂ်းမိူင်း မိူင်းထႆး ပိုၼ်ၽၢဝ်ႇဝႃႈ ပၢင်ႁူမ်ၸူမ်းႁပ့်တွၼ်ႈပီမႂ်ႇလုမ်ႈၾႃ့ၼၼ့် ၸတ်းႁဵတ်းၵႂႃႇလႆႈ ၼင်ႇႁၢင်ႈႁႅၼ်းဝႆႉယူႇ ၊ ၵူၺ်းၵႃႈတေလႆႈႁဵတ်းၸွမ်းပၵ်းပိူင်ဝၢၼ်ႈမိူင်းလႄႈ ပိူင်ႁႄ့ၵင်ႈၶူဝ်းဝိတ့်။ ဝၼ်းတီႈ26/12/2022 ႁွင်ႈၵၢၼ်ၽွင်းလူင်ၾၢႆႇၼႂ်းမိူင်း တႅမ်ႈလိၵ်ႈသူင်ႇထိုင် ၽူႈၵွၼ်းၸႄႈတွၼ်ႈၵူႈၸႄႈတွၼ်ႈဝႃႈ ၸတ်းႁဵတ်းပၢင်မူၼ်ႈသိူဝ်းႁပ့်ပီမႂ်ႇလႆႈၼင်ႇပၵ်းၵဝ်ႇပိူင်ၵဝ်ႇ ၵူၺ်းၵႃႈႁႂ်ႈႁဵတ်းၸွမ်းၼင်ႇပိူင်ဢၼ်တမ်းဝႆ့ မိူၼ်ၼင်ႇ ႁၢၼ့်တၢင်းၵိၼ် ႁၢၼ့်မူၼ်ႈသိူဝ်း ႁႂ်ႈပိၵ့်ၸွမ်းၼင်ႇၶၢဝ်းယၢမ်းဢၼ်မၵ်းမၼ်ႈဝႆႉ ၊ ႁၢမ်ႈၵူၼ်းၼုမ်ႇဢၼ်ဢႃယုပႆႇထိုင်ၶဝ်ႈၵိၼ်ၵျေႃႇမူၼ်ႈသိူဝ်း၊ ႁႂ်ႈၵဵပ်းသဵၼ်ႈမၢႆၵူၼ်းၶဝ်ႈလိုဝ်ႈၸွမ်းႁူင်းသဝ်းလီလီ ၊ၵူတ်ႇထတ်းပၵ်းတႃ လွင်ႈၵူၼ်းၵႃ့ၵူၼ်း၊ လွင်ႈလွၵ်ႇလႅၼ်ၼၢင်းယိင်းၶၢႆတူဝ်...

ၵမ်ႈၼမ်တႆးႁဝ်းတေတိတ်းသူပ်းၸပ်းပၢၵ်ႇလႄႈၾင်ဢူၵ်းၾင်ၸႂ်ယူႇၵပ်း ထွႆႈၵႂၢမ်းဢၼ်ဝႃႈ “လွတ်ႈလႅဝ်းၵွၼ်းၶေႃ” ၼႆမႃး ၸဵမ်တႄႇႁူႉၸၵ်းလွင်ႈၵၢၼ်မိူင်း မိူင်းတႆး တေႃႇထိုင်မၢင်ၸိူဝ်းပေႃးတၢႆၵႂႃႇယဝ်ႉၵေႃႈလီ။ ၵွႆးၵေႃႈ ၵႂၢမ်းၶဝ်ႈ ၸႂ်ယင်းတိုၵ်ႉလႅပ်ႈပႆႇပွင်ႇပိုင်ႈ ႁူးလဵဝ်ၵၼ်ၵေႃႈ ၸၢင်ႈပဵၼ်လႆႈ တင်းတီႈပွင်ႇၶေႃႈၵႂၢမ်း လွတ်ႈလႅဝ်းလႄႈၵွၼ်းၶေႃ။ ယွၼ်ႉၼႆႉ တၢင်းမုင်ႈမွင်းလႄႈဢဵၼ်းဢၢၼ်းတႆးဢၼ်ၶႂ်ႈလႆႈၶႂ်ႈပဵၼ်သုတ်းၼၼ်ႉ ၼင်ႇႁိုဝ်ပေႃးတေလွတ်ႈပူၼ်ႉ ၶီႈၶႃႈ ၵၢၼ်ၶီႇၼဵၵ်းတဵၵ်းတဵင်တႂ်ႈၼမ်ႉမိုဝ်းသိုၵ်းမၢၼ်ႈၵွႆး တၢင်ႇလွင်ႈတၢင်ႇဢၼ်တႄႉဢမ်ႇလႆႈဝူၼ်ႉသႂ်ႇၸႂ်ၵႃႈႁိုဝ်။ ပိူင်ၼိုင်ႈ ယွၼ်ႉလႆႈထုၵ်ႇပူၼ်ႉပႅၼ်လူလၢႆမႃးႁိုင်ပဵၼ်ၸူဝ်ႈၵူၼ်းယဝ်ႉလႄႈ ႁဵတ်းႁိုဝ်ၵေႃႈယဝ်ႉပေႃးလႆႈပူၼ်ႉၸၢတ်ႈ ၶီႈၶႃႈတႂ်ႈၵမ်မိုဝ်းသိုၵ်းမၢၼ်ႈၵေႃႈပေႃးယဝ်ႉၼႆသေတႃႉၵေႃႈ ဢမ်ႇမီးတၢင်းလႂ်...

ပၢႆၵမ်-ၸၢႆးထုၼ်းလႃႉ မိူဝ်ႈပူၼ်ႉမႃးယွၼ်ႉတႆးဢမ်ႇပွင်ႇၵၢၼ်မိူင်းလႄႈ မိူင်းတႆးႁဝ်းၸင်ႇလႆႈတူၵ်းၼႂ်းမိုဝ်းမၢၼ်ႈ​​ၵႂႃႇ ။ သၢႆမႄႈၼမ်ႉၵဵဝ်ၸင်ႇလႆႈတူၵ်းၵႂႃႇၼႂ်းမိူင်းၶၢင်​​ ပၢင်ႇဢူႈလူင်တူၵ်းၵႂႃႇတိူင်းဝဵင်းလိူဝ်ႇ ။  မိူင်းတႆးသုၵ်ႉ ယုင်ႈဢူၼ်ၵဝ်း ပၼ်ႁႃတႆးတေႃႇတႆးဢမ်ႇယဝ်ႉဢမ်ႇဝၢႆး။ ၵူၼ်းမိူင်းႁဝ်းလႆႈပၢႆႈလႆႈၼီ ပဵၼ်ၼမ်ႉႁူၼမ်ႉတႃယူႇဝၼ်းမိူဝ်ႈၼႆႉၵေႃႈပဵၼ်ယွၼ်ႉတႆးဢမ်ႇပွင်ႇၵၢၼ်မိူင်းၵူၺ်း။ မိူဝ်ႈၼၼ်ႉသိုၵ်းမၢၼ်ႈ ဢဝ်​​ၶေႃႈဢၢင်ႈဝႃႈ ​​တေမႃးလိုပ်ႈ ၶႄႇၽိူၵ်ႇ KMT ၼႆ​​သေ သူင်ႇႁႅင်းသိုၵ်း ၶိုၼ်ႈမႃးသိမ်းမိူင်းတႆး​​ ။ ယွၼ်ႉတႆးငိူဝ်ႈသိုဝ်ႈလၵ်းသိုဝ်ႈလႄႈ မိူဝ်ႈထိုင်မႃးပီႊ  1958 ၼၼ်ႉ ၽိူဝ်ႇ...