Friday, March 29, 2024

SSPP/SSA ၵမ်ႉၸွႆႈၵူၼ်းဝၢၼ်ႈၸိူဝ်းၺႃးၾႆးမႆႈႁိူၼ်းယေးယွၼ်ႉပၢင်တိုၵ်း ၼႂ်းၸႄႈဝဵင်းၼမ်ႉတူႈ

Must read

ဝၼ်းတီႈ 18/5/2021 မိူဝ်ႈၼႆႉယၢမ်းၵၢင်ၼႂ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူပ်ႉထူပ်းၵူၼ်းမိူင်း 5 ဝၢၼ်ႈၼႂ်းၸႄႈဝဵင်းၼမ်ႉတူႈၸိုင်ႈတႆးပွတ်းႁွင်ႇသေ ၵမ်ႉၸွႆႈငိုၼ်းတွင်းပၼ်ၵူၼ်ႈဝၢၼ်ႈ ၸိူဝ်းၺႃးၾႆးမႆႈႁိူၼ်း ၽွင်းပၢင်တိုၵ်း တႃႇငိုၼ်း 630 သႅၼ်ပျႃး ဝႃႈၼႆ။

Photo- သူၺ်ႇၽီႇမျေႇ- ဝၼ်းတီႈ 18/5/2021 SSPP ၸွႆႈထႅမ်ငိုၼ်းတွင်းၵူၼ်းဝၢၼ်ႈ 5 ဝၢၼ်ႈၼႂ်းၸႄႈဝဵင်းၼမ်ႉတူႈ ၸိူဝ်းၺႃးၽေးသိုၵ်း ၸိူဝ်းၺႃးၾႆးမႆႈႁိူၼ်းယွၼ်ႉပၢင်တိုၵ်း

သိုဝ်ႇၶၢဝ်ႇသူၺ်ႇၽီႇမေႇတႄႉပိုၼ်ၽၢဝ်ႇဝႆႉဝႃႈ  ဢၼ်SSPP/SSA ၸွႆႈထႅမ်ငိုၼ်းတွင်းၼႆႉပဵၼ်ၵူၼ်းဝၢၼ်ႈမၢၼ်ႈလီႈ၊ မၢၼ်ႈၵႅင်း၊ပၢင်လူင်၊ မၢၼ်ႈသႃႇလႄႈ ဝၢၼ်ႈၼမ်ႉဢုမ် ဢၼ်မီးလင်ႁိူၼ်း 117 လင်။ ယူႇတီႈ SSPP လႆႈၵမ်ႉၸွႆႈပၼ်ၵူၼ်းဝၢၼ်ႈၸိူဝ်းၺႃးၾႆးမႆႈႁိူၼ်း ၽွင်းပၢင်တိုၵ်းဢၼ်ပဵၼ်ၵႂႃႇႁၢင်လိူၼ်ဢေႊပရိူဝ်ႊလ်လႄႈႁူဝ်လိူၼ်မေႊၼႆႉ ဝႃႈၼႆ။

- Subscription -
Photo- သူၺ်ႇၽီႇမျေႇ- ဝၼ်းတီႈ 18/5/2021 SSPP ၸွႆႈထႅမ်ငိုၼ်းတွင်းၵူၼ်းဝၢၼ်ႈ 5 ဝၢၼ်ႈၼႂ်းၸႄႈဝဵင်းၼမ်ႉတူႈ ၸိူဝ်းၺႃးၽေးသိုၵ်း ၸိူဝ်းၺႃးၾႆးမႆႈႁိူၼ်းယွၼ်ႉပၢင်တိုၵ်း

ၽွင်းၵူၼ်းဝၢၼ်ႈမၢၼ်ႈလီႈ ပၢႆႈၽေးသိုၵ်းၵႂႃႇမီးတၢင်းသီႇပေႃႉ ၵျွၵ်ႉမႄးၼၼ်ႉ  ႁိူၼ်းယေးၵူၼ်းဝၢၼ်ႈမၢၼ်ႈလီႈ 44 လင်ၺႃးၽဝ်မိူဝ်ႈဝၼ်းတီႈ 1 လႄႈ 2/5/2021။  ပဵၼ်ၽႂ်ၸုမ်းလႂ်ၵေႃႉၽဝ်တႄႉဢမ်ႇႁူႉ။ၽွင်းၼၼ်ႉ တၢင်းသီႇပေႃႉ ၼမ်ႉတူႈ ၵျွၵ်ႉမႄး RCSS/SSA လႄႈ ၸုမ်းဢူၺ်းလီပွတ်းႁွင်ႇ ဢၼ်ပဵၼ် TNLA လႄႈ SSPP/SSA ၶဝ်ပိုတ်းယိုဝ်းၵၼ်ဝႆႉ။ တေႃႇထိုင်ဝၼ်းမိူဝ်ႈၼႆႉယင်းတိုၵ်ႉၶဵင်ႈၶႅင်ၵၢၼ်သိုၵ်းၵၼ်ယူႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း