Friday, March 29, 2024

ၸုမ်းယိပ်းၵွင်ႈ ပႂ်ႉၵဵပ်းငိုၼ်း ၼိူဝ်သဵၼ်ႈတၢင်း ၼမ်ႉတူႈ – လႃႈသဵဝ်ႈ ၵူၼ်းမိူင်းတူၵ်းၸႂ်

Must read

ၸုမ်းယိပ်းၵွင်ႈၸုမ်းၼိုင်ႈ ပႂ်ႉၵဵပ်းၶွၼ်ႇ ၵဵပ်းငိုၼ်း ၸဝ်ႈၵႃး ဢၼ်ႁေႃႈၵႂႃႇမႃး ၼိူဝ်သဵၼ်ႈတၢင်း ၼမ်ႉတူႈ – လႃႈသဵဝ်ႈ ႁဵတ်းႁႂ်ႈၵူၼ်းမိူင်း ဢမ်ႇႁတ်းၵႂႃႇမႃး ႁူပ်ႉလွင်ႈယၢပ်ႇၽိုတ်ႇလိူဝ်ႁႅင်း  ။

ဝဵင်းၼမ်ႉတူႈ

တႄႇဢဝ် ဝၼ်းတီႈ 9/1/2021 ၼႆႉမႃး မီးသိုၵ်းၸုမ်းၼိုင်ႈ ဢဵၼ်ႁႅင်း ဢမ်ႇယွမ်း 200 ၵေႃႉ ပႂ်ႉႁႄႉရူတ်ႉၵႃးၵႂႃႇမႃး ၼႂ်းၵႄႈသဵၼ်ႈ တၢင်း ၼမ်ႉတူႈ ၼိူဝ်ႈသဵၼ်ႈတၢင်း ၼမ်ႉတူႈ-လႃႈသဵဝ်ႈ။ ပႂ်ႉၵဵပ်းတီႈ ႁိမ်းဝၢၼ်ႈၺွင်ႇသွႆႈ ၸႄႈဝဵင်းၼမ်ႉတူႈ ၸႄႈတွၼ်ႈ ၵျွၵ်ႉမႄး ၸိုင်ႈတႆး ပွတ်းႁွင်ႇ ၵႃးၼိုင်ႈလမ်းလႆႈပၼ်  5 ႁဵင်ပျႃး တေႃႇ 3 မိုၼ်ႇပျႃး ။

- Subscription -

ၸဝ်ႈၵႃးၼမ်ႉတူႈလႃႈသဵဝ်ႈ ဢမ်ႇႁတ်းဢွၵ်ႇၸိုဝ်ႈၵေႃႉၼိုင်ႈဝႃႈ   ဢၼ်ပႂ်ႉၵဵပ်းၶွၼ်ႇၼႆႉ ႁၼ်သႂ်ႇသိူဝ်ႈၶူဝ်းသိုၵ်း TNLA ဢေႃႈ။ ပေႃးပဵၼ် ၵႃးဢွၼ်ႇ ၼိုင်ႈလမ်း 30,000 ပျႃး၊ ပေႃးပဵၼ်ၵႃးပဝ်ႇ ဢမ်ႇမီး ၵူၼ်းၶီႇမႃးၸွမ်းသမ်ႉ ၼိုင်ႈလမ်း 5,000 ပျႃး ၶႃႈဢေႃႈ။ ၼႂ်း သွင်သၢမ်ဝၼ်းမႃးၼႆႉ တိုၵ်ႉၵဵပ်းယူႇၶႃႈ။ ယွၼ်ႉလွင်ႈႁႃ ၵိၼ်ယၢပ်ႇၶႃႈယူဝ်ႉ ၵူၼ်းမိူင်း ၸဝ်ႈၵႃး ပေႃးလႆႈငိၼ်းၶၢဝ်ႇၼႆႉၵေႃႈ ဢမ်ႇမီးၽႂ်ၵႂႃႇမႃးၶႃႈသၢႆၼၼ်ႉ”-  ဝႃႈၼႆ။

ၵဵဝ်ႇၵပ်းလွင်ႈၼႆႉ ၸဝ်ႈၵႃးထႅင်ႈလၢႆၵေႃႉ ဢိၵ်ႇၵူၼ်းၼႂ်းပိုၼ်ႉတီႈၵေႃႈ ဝႃႈ ပဵၼ်ၸုမ်းသိုၵ်း TNLA ပႂ်ႉၵဵပ်းၶွၼ်ႇတေႉ ၼႆသေတႃႉ လွင်ႈတၢင်းပဵၼ်ႁိုဝ်မီးႁိုဝ်၊ ၸႂ်ႈၸုမ်းသိုၵ်း TNLA တေႉဢမ်ႇတေႉၼႆၼၼ်ႉ ၸုမ်းၶၢဝ်ႇၽူႈတွႆႇႁွၵ်ႈ ၶတ်းၸႂ်ၵပ်းသိုပ်ႇ ႁႃတၢင်းတွင်ႈထၢမ် ယိုၼ်ယၼ်တီႈ ၽူႈမီးပုၼ်ႈၽွၼ်း တပ်ႉ TNLA ၵေႃႈဢမ်ႇပိုတ်ႇၾူၼ်း ႁပ်ႉသၢႆ။

ၼႂ်းၸႄႈဝဵင်းၼမ်ႉတူႈၼၼ်ႉ မီးသိုၵ်းၸၢဝ်းၶိူဝ်းၼႂ်းမိူင်းတႆးယူႇသဝ်းလၢႆလၢႆၸုမ်း၊ သိုၵ်း TNLA , သိုၵ်း MNDAA, သိုၵ်း KIA , ပႃးၸဵမ်သိုၵ်း SSA ယူႇသဝ်း။ လိူဝ်ၼၼ်ႉ ယင်းမီးထင်ႈ တပ်ႉပလိၵ်ႈမၢၼ်ႈ၊ သိုၵ်းမၢၼ်ႈ လႄႈ ၸုမ်းပျီႇတူႉၸိတ်ႉ ၸိူဝ်းၼႆႉၵေႃႈၵႂႃႇမႃးတူင်ႉၼိုင်။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း