ၵဝ်ႈၵၢင်ႉ

ၽွင်းၶၢဝ်းလိူၼ်ႁႃ သွၼ်းၼမ်ႉၼႆႉ ဝဵင်းလၢဝ်ႇၵၢႆး ၼႂ်းၼႃႈလိၼ်ၽွင်းငမ်းတူဝ်ၵဝ်ႇ ၵဝ်ႈၵၢင်ႉ ယဵၼ်သီႇသီႇ ဢမ်ႇမီးၵူၼ်း ယွၼ်ႉပိူဝ်ႈဢွၼ်ၵၼ်ပွၵ်ႈဝၢၼ်ႈၽႂ်မိူင်းမၼ်းၶိုၼ်း ဢွၼ်ၵၼ်မႆႈၸႂ်ၵူဝ်ပဵၼ်ပၢင်တိုၵ်းသိုၵ်းသိူဝ် ဝႃႈၼႆ။ ဢၢႆႈထုၼ်း ၵူၼ်းလၢဝ်ႇၵၢႆးလၢတ်ႈဝႃႈ- “သွၼ်းၼမ်ႉပီၼႆႉ ၼႂ်းဝဵင်းလၢဝ်ႇၵၢႆး ဢမ်ႇမီးၵူၼ်း။ ၵူၼ်းဢၼ်လုၵ်ႉတၢင်ႇတီႈမႃးႁဵတ်းၵၢၼ်ၵေႃႈ ဢွၼ်ၵၼ်ပွၵ်ႈႁိူၼ်းၶိုၼ်းသေဢမ်ႇၵႃး ၶႅၵ်ႇတၢင်းမိူင်းၶႄႇ ဢၼ်ယၢမ်ႈမႃးဢႅဝ်ႇယဵမ်ႈယူႇၼၼ်ႉၵေႃႈ ဢမ်ႇႁၼ်မႃး။ ၵူၼ်းၼႂ်းပိုၼ်ႉတီႈယင်းဢမ်ႇယူႇ ၶဝ်ဢွၼ်ၵၼ်ၵႂႃႇလႄႇတၢင်ႇတီႈတၢင်ႇလႅၼ်။ ယွၼ်ႉလႆႈယိၼ်းၶၢဝ်ႇဝႆႉဝႃႈ ငဝ်းလၢႆးသိုၵ်းသိူဝ် ဢမ်ႇပေႃးၶႅမ်ႉ...