မိူဝ်ႈၼႆႉဝၼ်းတီႈ 29/3/2022 လုၵ်ႈၼွင်ႉပွင်ႈပၢႆ လုၵ်ႈလၢင်းမေးၼၢင်း ၸတ်းႁဵတ်းပၢင်ၸႃႇပၼ လုမ်းလႃးသၢင်းၵဵဝ်ႇပၼ် ၽိူင်ၵျႃးသိူဝ်း ၽူႈၼမ်းတပ်ႉသိုၵ်းၵဝ်ႈၵၢင်ႉ MNDAA တီႈ မိူင်းလႃး မီးၸုမ်းဢူၺ်းလီ လုၵ်ႈၸုမ်း FPNCC ၶဝ်ႈႁူမ်ႈ ဢမ်ႇယွမ်း 3000 ၵေႃႉ။
ၼွၵ်ႈလိူဝ် SSPP ၸုမ်းလဵဝ် ၸိူဝ်းပဵၼ် ၽူႈၼမ်းတပ်ႉသိုၵ်းဝႃႉ UWSA ၊ တပ်ႉသိုၵ်းမိူင်းလႃး MNDAA ၊ တပ်ႉသိုၵ်းတဢၢင်း TNLA ၊ တပ်ႉသိုၵ်းၶၢင် KIA လႄႈတပ်ႉသိုၵ်းရၶႅင်ႇ AA ၶဝ် ၶဝ်ႈႁူမ်ႈ ။ လိူဝ်ၼၼ်ႉ တူဝ်တႅၼ်းသိုၵ်းမၢၼ်ႈယိုတ်းမိူင်းသမ်ႉ ပဵၼ် ၸွမ်ႁၢၼ်မျိၼ်ႉထုၼ်း လုၵ်ႉတိူင်းသိုၵ်းသၢမ်ၸဵင်ႇၵဵင်းတုင်ၵႂႃႇၶဝ်ႈႁူမ်ႈ။
ဢၼ်ပဵၼ်မိၵ်ႉသႁၢႆဢူၺ်းလီတၢင်းမိူင်းၶႄႇ မိူင်းထႆးၵေႃႈ သူင်ႇတူဝ်တႅၼ်းၶဝ်ႈႁူမ်ႈပၢင်ၸႃႇပၼ ၽိူင်ၵျႃးသိူင်း လႆႈႁူႉၼင်ႇၼႆ။
ပၢင်ၸႃႇပၼ ၽိူင်ၵျႃးသိူင်းၼႆႉ တေၸတ်းႁဵတ်းၶၢဝ်းတၢင်း 3 ဝၼ်း ဝၼ်းတီႈ 29 ထိုင် 31/3/2022 လႆႈႁူႉၼင်ႇၼႆ။
