တီႈမိူင်းၶျၢင်းသမ်ႉ သိုၵ်းၶျၢင်း CDF - Hakha ၶဝ်ႈယိုဝ်းတပ်ႉပလိၵ်ႈဝဵင်းႁႃးၶႃးသေ ၸွႆႈဢဝ်ၵူၼ်းတူၵ်းၶွၵ်ႈ ၵႂႃႇ 60 ၵေႃႉ ပဵၼ်ၼၢင်းယိင်း 13 ၵေႃႉလႄႈ ၵူၼ်းၸၢႆး 49 ၵေႃႉ။ ၼႂ်းၼၼ်ႉ ပႃးၵူၼ်းၸိူဝ်းဢၼ်ၺႃး တူတ်ႈတၢမ်ႇၶွၵ်ႈ တေႃႇၸူဝ်ႈ 14 ၵေႃႉ။ ပဵၼ်ၼၢင်းယိင်း ၵေႃႉၼိုင်ႈလႄႈ ၵူၼ်းသိုၵ်း...

သိုၵ်းမၢၼ်ႈ ယိုတ်းမိူင်းတင်း သိုၵ်းယၢင်းလႅင် တိုၵ်ႉသိုပ်ႇပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း ၼႂ်းဝၼ်းတီႈ 20 ထိုင် 24 လိူၼ်ၵျူႊလၢႆႊ ပူၼ်ႉမႃးၼႆႉ ဝႃႈၼႆ။ သိုၵ်းမၢၼ်ႈ ၶိုၼ်းသႂ်ႇႁႅင်းတႃႇၶိုၼ်းၵုမ်းလႆႈဝဵင်းလွႆၶေႃ ၸႄႈမိူင်းယၢင်းလႅင် ဢၼ်တူၵ်းၵႂႃႇၼႂ်းမိုဝ်း သိုၵ်းယၢင်းလႅင် ဝႆႉ ၼၼ်ႉ။ လိူဝ်ၼၼ်ႉ ၶႂ်ႈၶိုၼ်းယိုတ်းၵုမ်း သဵၼ်ႈတၢင်းလူင် ပျီႇထွင်ႇၸူႉၶိုၼ်းသေ ၸင်ႇထႅမ် ႁႅင်းသိုၵ်း...

ႁူဝ်ပဝ်ႈၵဝ်ႇ ၸုမ်းၶရိတ်ႉယၼ်ႇ KBC တွၵ်ႊတိူဝ်းၶလမ်ႊသမ်ႊသွမ်ႊ ဢၼ်ၺႃးသိုၵ်းမၢၼ်ႈတီႉၺွပ်း ယဵတ်ႈၶွၵ်ႈဝႆႉ ၼၼ်ႉ ပူတ်ႉလွတ်ႈဢွၵ်ႇမႃးၶိုၼ်းယဝ်ႉ ဝႃႈၼႆ။ တွၵ်ႊတိူဝ်ႊၶလမ်ႊသမ်ႊသွမ်ႊၼႆႉ မၼ်းၸၢႆးၺႃးတီႉ တီႈတႃႈႁိူဝ်းမိၼ် ဝဵင်းလိူဝ်ႇ မိူဝ်ႈဝၼ်းတီႈ 4 လိူၼ်တီႊသႅမ်ႊပိူဝ်ႊ ပီ 2022 ၽွင်းမၼ်းၸၢႆး ဢၢၼ်းၵႂႃႇယႃတူဝ် တီႈမိူင်းထႆး။ သိုၵ်းမၢၼ်ႈ ၸီႉၼႄးတၢင်းၽိတ်းမၼ်းၸၢႆး လူၺ်ႈမၢႆမီႈ ၵပ်းသိုပ်ႇၸုမ်းၼွၵ်ႈမၢႆမီႈ မတ်ႉတႃ...

ၵႅမ်ႁူဝ်ပဝ်ႈၵေႃႉၵဝ်ႇ ၸုမ်းသိုၵ်းယၢင်း KNU လႄႈ ၽူႈၼမ်းၼႂ်း ၸုမ်းၼၢင်းယိင်းယၢင်း - ၽတူဝ်ႇၼေႃႇသီႇၽူဝ်းရႃႇသဵင်ႇ ဢႃယု 69 ပီ လူႉသဵင်ႈလူၺ်ႈတၢင်းပဵၼ် ၶႅၼ်ႊသိူဝ်ႊ။ ၼေႃႇသီႇၽူဝ်းရႃႇသဵင်ႇၼႆႉ ပဵၼ်ၼၢင်းယိင်းယၢင်း ဢၼ်ပဵၼ်ပႃးၽူႈၼမ်းလႄႈ ၽူႈၵိုၵ်းပိုၼ်းၼႂ်းၸုမ်းယၢင်း ၵေႃႉၼိုင်ႈ မၼ်းၼၢင်းၼႆႉ လႆႈႁဵတ်းသၢင်ႈမႃးလွင်ႈ ပၢႆးပၺ်ႇၺႃႇ၊ လွင်ႈၼၢင်းယိင်းလႄႈ လုၵ်ႈဢွၼ်ႇ ၸိူဝ်းၼႆႉမႃးတႃႇသေႇ လွင်ႈ...

ငဝ်းလၢႆးပၢင်တိုၵ်း ၼႂ်းမိူင်းမၢၼ်ႈ ႁၢဝ်ႈႁႅင်းမႃးယူႇ ၵူႈမိုဝ့်ၵူႈဝၼ်းၼႆ ႁဝ်းၶႃႈၵေႃႈဢွၼ်ၵၼ် ႁူ့ႁၼ် ဝႆ့ယူႇ ႁင်းၽႂ်မၼ်း ၵူႈၵေႃ့ၵူႈၵူၼ်း ။ မိူၼ်ၼင်ႇ ပၢင်တိုၵ်း ၼႂ်းမိူင်းတႆးပွတ်းႁွင်ႇပွၵ်ႈၼႆ့ၵေႃႈ တေလႆႈဝႃႈ ၽႄႈလၢမ်းၵႂႃႇၵႂၢင်ႈၶႂၢင် ထိုင်တီႈၼႂ်း တိူင်းတႃႈလိူဝ်ႇ (မၢၼ်းတလေး) ၸိူဝ်းၼႆ့လူး ၵွၼ်ႇ။ ၵွပ်ႈၼၼ် ပၢင်တိုၵ်း ဢမ်ႇႁွတ်ႈမႃးထိုင် တီႈၸဝ်ႈၵဝ်ႇယူႇ...

သွင်ၽူဝ်မေး ယဵပ်ႇၺႃးမၢၵ်ႇမႅင်း တီႈဝၢၼ်ႈၵၢၼ်ႇၵျီး ၽွင်းၵႂႃႇႁဵတ်းၵၢၼ် ၵေႃႉပဵၼ်ၸဝ်ႈၽူဝ် လႆႈတိူဝ်ႉမၢတ်ႇၸဵပ်းႁႅင်း ထိုင်တီႈၶႃပုတ်း ၶွၼ်ၼိုင်ႈ ဝႃႈၼႆ။ ဝၼ်းတီႈ 24/07/2024 ယၢမ်းၵၢင်ၼႂ် 8 မူင်းပၢႆ သွင်ၽူဝ်မေး ဢၼ်ယူႇသဝ်း တီႈႁိမ်းတူဝ်းၵဵတ်ႉ ႁူၺ်ႈၵိုတ်ႈၼၼ်ႉသေ မႃးယဵပ်ႇၺႃးမၢၵ်ႇမႅင်း တီႈဝၢၼ်ႈၵၢၼ်ႇၵျီး ၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ မိူဝ်ႈၽွင်းၵႂႃႇႁဵတ်းၵၢၼ် ၼႆယဝ်ႉ။ ၵူၼ်းပိုၼ်ႉတီႈ...

သိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇပဵၼ်တၢင်းၵၢၼ် ဝၼ်းတီႈ 25/07/2024 ယၢမ်းၵၢင်ၼႂ် ယိုတ်းလႆႈတပ်ႉတိူင်းသိုၵ်း ယမၶ ဢၼ်ပၵ်းဝႆႉတီႈဝဵင်းလႃႈသဵဝ်ႈယဝ်ႉ ပဵၼ်ၸႄႈတွၼ်ႈယႂ်ႇ တပ်ႉတိူင်းသိုၵ်းယႂ်ႇၶွင်သိုၵ်းမၢၼ်ႈ ဢၼ်တူၵ်းတႂ်ႈၵၢၼ်ၽွင်းငမ်း ၼႃႈလိၼ်ၶိုၵ်ႉတွၼ်း ဢၼ်ႁႅၵ်ႈ ဝႃႈၼႆ။ ပၢင်တိုၵ်းတႃႇဢဝ်လႆႈတိူင်းသိုၵ်းမၢၼ်ႈ ယမၶ ၸဵင်ႇႁွင်ႇဝၼ်းဢွၵ်ႇ ဢၼ်ပၵ်းတီႈဝဵင်းလႃႈသဵဝ်ႈ ၼႆႉ သိုၵ်းၵဝ်ႈၵၢင်ႉ လႆႈၸႂ်ႉၶၢဝ်းယၢမ်းလေႃႇတိုၵ်းပိုတ်းယိုဝ်း 23 ဝၼ်း၊...

သိုၵ်းမၢၼ်ႈ ယိုတ်းမိူင်းလႄႈ သိုၵ်းတဢၢင်း TNLA တင်း ၸုမ်းၵႅတ်ႇၶႄၵူၼ်းမိူင်း PDF ယိုဝ်းၵၼ် တီႈ ဝဵင်းမိူင်းမိတ်ႈ၊ ၵူၼ်းမိူင်းတင်းဝဵင်း လႆႈပၢႆႈၽေးသိုၵ်း၊ ႁိူၼ်းယေးၵူၼ်းမိူင်း၊ ၵၢတ်ႇ၊ ဝတ်ႉဝႃးၽႃသိူဝ်ႇလႄႈ ႁူင်းႁဵၼ်းၸိူဝ်းၼႆႉ ၺႃး ၸၢၵ်ႇမၢၵ်ႇ လူႉၵွႆတင်းၼမ်။ ယၢမ်းလဵဝ် ၵူၼ်းဝဵင်းမိူင်းမိတ်ႈ ၵမ်ႈၼမ် ပၢႆႈႁွတ်ႈထိုင် တီႈဝဵင်းလိူဝ်ႇ (မၼ်းတလေး)...

ႁၢၼ်ႉၶၢႆၾူၼ်း တီႈဝၢၼ်ႈသွင်ၵေး ၸႄႈဝဵင်းသီႇပေႃႉ ၺႃးသွၵ်ႈတဝ် သုမ်းၵႂႃႇၾူၼ်း 30 လုၵ်ႈ မႅၼ်ႈငိုၼ်း မွၵ်ႈ 100 သႅၼ်ပျႃး။ ႁၢင်လိူၼ်ၵျူႊလၢႆႊ 2024 ၼႆႉ ႁၢၼ်ႉၶၢႆၾူၼ်း SK Mobile ဢၼ်ပိုတ်ႇၶၢႆဝႆႉ တီႈဝၢၼ်ႈသွင်ၵေး ဢိူင်ႇသႅင်ၵႅဝ်ႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်းၶဝ်ႈသွၵ်ႈတဝ်ၼႂ်းႁၢၼ်ႉ လႆႈၵႂႃႇၾူၼ်း...

မိူဝ်ႈၼႆႉ ဝၼ်းတီႈ 25/07/2024 ပီ ယၢမ်းၵၢင်ၼႂ် မွၵ်ႈ 5 မူင်း မၢၵ်ႇတရူၼ်း တူၵ်းသႂ်ႇ တီႈဝတ်ႉလိၼ်လႅင် ၼႂ်းၸႄႈဝဵင်းလွၵ်ႉၸွၵ်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းသေ ႁဵတ်းႁႂ်ႈဝတ်ႉဝႃးၽႃသိူဝ်ႇ လူႉၵွႆတင်းၼမ်လၢႆ ၼႆယဝ်ႉ။ ၵူၼ်းပိုၼ်ႉတီႈ ဝဵင်းလွၵ်ႉၸွၵ်ႇ လၢတ်ႈတီႈၽူႈတွႆႇႁွၵ်ႈဝႃႈ - “ပဵၼ်မၢၵ်ႇတရူၼ်းၶႃႈဢေႃႈ ဢၼ်မႃးတူၵ်းသႂ်ႇ တီႈၵျွင်းလိၼ်လႅင်ၼႆႉ ပဵၼ်မၢၵ်ႇၽႂ်...

မိူဝ်ႈၼႆႉ ဝၼ်းတီႈ 25/07/2024 ယၢမ်းၵၢင်ၼႂ် 4 မူင်း သိုၵ်းၵဝ်ႈၵၢင်ႉ MNDAA ယိုတ်းၵုမ်းလႆႈ တိူင်းသိုၵ်းလႃႈသဵဝ်ႈ ၸဵင်ႇႁွင်ႇဝၼ်းဢွၵ်ႇ (ယမၶ) တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇယဝ်ႉ - သိုဝ်ႇၶၢဝ်ႇၵဝ်ႈၵၢင်ႉ ဢွၵ်ႇဝႆႉၼင်ႇၼႆ။ “ပၢင်တိုၵ်း တီႈဝဵင်းလႃႈသဵဝ်ႈၼႆႉ ယူႇတီႈ တပ်ႉသိုၵ်းၵဝ်ႈၵၢင်ႉ MNDAA လႆႈၸႂ်ႉၶၢဝ်းယၢမ်း 23 ဝၼ်းသေ...

ၼႂ်းၶၢဝ်းတၢင်း သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃး 3 ပီပၢႆၼႆႉ ႁိူၼ်းယေးၵူၼ်းမိူင်း ၸိူဝ်းၺႃး သိုၵ်း မၢၼ်ႈၽဝ်သေ လူႉသုမ်း မီးႁိမ်းၸမ် 1 သႅၼ် (95,450) လင်ယဝ်ႉၼႆ - ၸုမ်း Data For Myanmar ဢွၵ်ႇၽိုၼ်လိၵ်ႈႁၢႆးငၢၼ်းဝႆႉ ၼႂ်းဝၼ်းတီႈ 24 ၼႆႉ...

ပီၼႆႉ ၼႂ်းၸိုင်ႈတႆးပွတ်းၸၢၼ်း ယူႇတီႈ ႁွင်ႈၵၢၼ် ၽွင်းလူင်ၾၢႆႇၽုၵ်ႇသွမ်ႈ တႂ်ႈသိုၵ်းမၢၼ်ႈ ၵုမ်းၵမ် ႁႄႉႁၢမ်ႈဝႃႈ ဢမ်ႇပၼ်ၶႂၢင်ႉ ၽုၵ်ႇတူၼ်ႈမွၵ်ႇသပေႇ ဝႃႈၼႆ။ ဝၢႆးသေ တႄႇပၢင်ယၼ်ႇသိုၵ်း 1027 ၼႂ်းၸိုင်ႈတႆးပွတ်းႁွင်ႇ လၢႆဝၼ်းၵူၺ်း မီၶၢဝ်ႇဢွၵ်ႇဝႃႈ ၵူၼ်းမိူင်း တေၶွၼ်ႈတုမ် ၵၼ်သေ ႁဵတ်းပၢင်တူင်ႉၼိုင် 1111 (ဢွင်ႇသပေႇ) ၼႆလႄႈ ၼႂ်းၸိုင်ႈတႆး...

တပ်ႉသိုၵ်းမိူင်းလႃး NDAA ဢဵၼ်ႁႅင်းၼပ်ႉပၢၵ်ႇ ၶဝ်ႈဢဝ်တီႈယူႇဝႆႉ ၸွမ်းသၢပ်ႇဝဵင်းမိူင်းယွင်း ၸိုင်ႈတႆး ပွတ်းဢွၵ်ႇၶူင်း ဝႃႈၼႆ။ ယၢမ်းလဵဝ် တပ်ႉသိုၵ်းမိူင်းလႃး NDAA မႃးယူႇဝႆႉ တီႈဝတ်ႉဝၢၼ်ႈတူင်ႈ တင်းၼမ် ၼႂ်းၸႄႈဝဵင်းမိူင်းယွင်း ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ႁူပ်ႉထူပ်းတင်းၵူၼ်းမိူင်းပိုၼ်ႉတီႈသေ လူၺ်ႈလွင်ႈသင်တႄႉ ပႆႇလႆႈႁူႉၸွမ်းၼႆ ၵူၼ်းပိုၼ်ႉတီႈမိူင်းယွင်း ၵေႃႉၼိုင်ႈလၢတ်ႈ။ ဢိင်ၼိူဝ်လွင်ႈၼႆႉ ယူႇတီႈ ၸုမ်းၶၢဝ်ႇၽူႈတွႆႇႁွၵ်ႈ ၵပ်းၸူးတီႈၽူႈမီးပုၼ်ႈၽွၼ်း...

ၼႂ်းလိူၼ်ၼႆႉ တီႈဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇ ဢမ်ႇပဵၼ်ပၢင်တိုၵ်းသေ သိုၵ်းမၢၼ်ႈၸႂ်ႉၶိူင်ႈမိၼ် တင်ႈၸႂ်ပွႆႇမၢၵ်ႇသႂ်ႇ ဢမ်ႇယွမ်း 3 ပွၵ်ႈယဝ်ႉ တုမ်ႉတိူဝ်ႉၵူၼ်းမိူင်း မၢတ်ႇၸဵပ်းလူႉတၢႆ ႁိူၼ်းယေး ႁူင်းႁႅမ်း လူႉၵွႆၼမ်။ ဝၼ်းတီႈ 23/07/2024 ယၢမ်းၵၢင်ၼႂ်ၸဝ်ႉ မွၵ်ႈ 2 မူင်း ၽွင်းၵူၼ်းမိူင်းတိုၵ်ႉၼွၼ်းလပ်းလီယူႇၼၼ်ႉ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇသႂ်ႇ ၼႂ်းဝဵင်းလၢဝ်ႇၵၢႆး ၸၢၵ်ႇမၢၵ်ႇတိူဝ်ႉၵူၼ်းမိူင်း...