မိူဝ်ႈၼႆႉ ဝၼ်းတီႈ 11/11/2024 ယၢမ်းၵၢင်ၼႂ် ၾင်ႇမိူင်းၶႄႇ ဢမ်ႇပၼ်ၶႂၢင်ႉ ရူတ်ႉၶိူင်ႈတၢင်ႇၶူဝ်းၵုၼ်ႇ လုၵ်ႉၸေႊၵဝ်ႇ ၶဝ်ႈမႃးတၢင်းၽၵ်းတူၸၢင်ႉၽိူၵ်ႇ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇယဝ်ႉ ဝႃႈၼႆ။ ၵူၼ်းမူႇၸေႊ ၽူႈၸၢႆး ဢႃယု 40 ပၢႆ ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ - “ရူတ်ႉၶိူင်ႈ တၢင်ႇၶူဝ်းၵုၼ်ႇ ဢၼ်လုၵ်ႉတၢင်း ၸေႊၵဝ်ႇဢွၵ်ႇမႃးတၢင်း...

တႄႇႁူဝ်လိူၼ်ၼူဝ်ႊဝႅမ်ႊပိူဝ်ႊၼႆႉမႃး သိုၵ်းမၢၼ်ႈ ထႅမ်ႁႅင်းသိုၵ်း ၶိုၼ်ႈမိူင်းယႆ ၸိုင်ႈတႆးပွတ်းႁွင်ႇ ၵူၼ်းပိုၼ်ႉတီႈမႆႈၸႂ် ၵူဝ်ပဵၼ်ပၢင်တိုၵ်း ႁိပ်ႈၼႅတ်ႈၵဵပ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႈၼႂ်းသူၼ် ၵူဝ်ဢမ်ႇတၼ်းလႆႈ ဢဝ်ၶၢႆ။    ၼႂ်းႁူဝ်လိူၼ်ၼူဝ်ႊဝႅမ်ႊပိူဝ်ႊ ဝူင်ႈထီႉ 1 ၼႆႉ သိုၵ်းမၢၼ်ႈသမ်ႉ ထႅမ်ႁႅင်းၶိုၼ်ႈမႃး တၢင်းမိူင်းယႆထႅင်ႈ။ ယွၼ်ႉၵူဝ်ပဵၼ်ပၢင်တိုၵ်းၵၼ်လႄႈ ၸဝ်ႈႁႆႈၸဝ်ႈၼႃး ၵူၼ်းမိူင်းယႆ တူင်ႉတိုၼ်ႇ ႁိပ်ႈၼႅတ်ႈဢဝ်မၢၵ်ႇၶဝ်ႈတဝ်ႈၼမ်ႉ ၼႂ်းသူၼ်ၼႂ်းႁႆႈ...

ဝၢႆးၽႅၼ်ယၼ်ႇသိုၵ်း 1027 မႃးၼႆႉ ၶူဝ်းၵုၼ်ႇၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉၾႆး ၸိူဝ်းၼႆႉ ပုင်ႈၶိုၼ်ႈပဵၼ်လၢႆပုၼ်ႈ ႁဵတ်းႁႂ်ႈတုမ်ႉတိူဝ်ႉ ၵူၼ်းမိူင်းလႃႈသဵဝ်ႈ ထူပ်းတၢင်းယၢပ်ႇၽိုတ်ႇႁႅင်း။ ဝၢႆးသိုၵ်းၵဝ်ႈၵၢင်ႉ MNDAA ယိုတ်းၵုမ်းလႆႈ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တင်ႈတႄႇ ဝၼ်းတီႈ 03/10/2024 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် ၶၢဝ်းတၢင်းလိူၼ်ပၢႆၼႆႉ ႁဵတ်းႁႂ်ႈၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉ ၾႆး...

ၵူၼ်းမိူင်းသီႇပေႃႉ ၵႂႃႇႁႃႁဵပ်း - ဢႅဝ်ႇထိူၼ်ႇသေ ယဵပ်ႇၺႃးမၢၵ်ႇမႅင်းၾင်လိၼ် လူႉတၢႆထင်တီႈ 1 ၵေႃႉ မၢတ်ႇၸဵပ်း 2 ၵေႃႉ။ ပူၼ်ႉမႃး ဝၼ်းတီႈ 01/11/2024 ၼၼ်ႉ ၵူၼ်းဝၢၼ်ႈၵုင်းၸူင် ၽူႈၸၢႆး 2 ၵေႃႉ ၵႂႃႇႁႃႁဵပ်းၼႂ်းထိူၼ်ႇသေ ယဵပ်ႇၺႃး မၢၵ်ႇမႅင်းၾင်လိၼ် ၼႂ်းၼၼ်ႉ တႃႇၵေႃႉၼိုင်ႈ ထိုင်တီႈၶႃပုတ်း...

ဝၼ်းတီႈ 07/11/2024 ၼႆႉ ယူႇတီႈ ၸၢတ်ႈၸိုင်ႈလုမ်ႈၾႃႉ UN ပိုၼ်ၽၢဝ်ႇပၼ်ၾၢင်ႉဝႃႈ - ဝၢႆးလင် သိုၵ်း မၢၼ်ႈ ယိုတ်းမိူင်း ၼႂ်းမိူင်းရၶႅင်ႇၼႆႉ ၵူၼ်းမိူင်းၵပ်ႉၵိၼ်းမႃး လၢႆၾၢႆလၢႆလွင်ႈသေ ႁူဝ်ၵူၼ်း 2 လၢၼ်ႉပၢႆ ၸၢင်ႈထူပ်းၽေး ဢိုပ်းယၢၵ်ႈ ဝႃႈၼႆ။ ဢိင်ၼိူဝ် လွင်ႈၼႆႉ UNDP ၵေႃႈ...

ၸဵမ်မိူဝ်ႈၼမ်ႉထူမ်ႈ တၢင်းၵွႆမႃး ၼႂ်းလိူၼ်သႅပ်ႊထႅမ်ႊပိူဝ်ႊၼၼ်ႉသေ ထိုင်မိူဝ်ႈလဵဝ် သဵၼ်ႈတႃႈသၢႆ တၢင်းၼႂ်းၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ပႆႇၶိုၼ်းမိူၼ်ၵဝ်ႇ တိုၵ်ႉၵႂႃႇမႃးယၢပ်ႇၽိုတ်ႇယူႇ။ ၵႃးတၢင်ႇၵုၼ်ႇ ၵႃႉၶၢႆ ပႆႇႁတ်းၵႂႃႇမႃးၶိုၼ်းမိူၼ်ၵဝ်ႇ၊ ၾၢႆႇၼိုင်ႈၵေႃႈ သဵၼ်ႈတၢင်းဢမ်ႇလီၾၢႆႇၼိုင်ႈသမ်ႉ ၵဵတ်ႉလၢၼ်ႇသိုၵ်းမၢၼ်ႈ ၵဵပ်းၶွၼ်ႇႁႅင်းၵေႃႈၼမ်။ ႁဵတ်းႁႂ်ႈၶၼ်ၵုၼ်ႇပုင်ႈၶိုၼ်ႈသုင်။ လႆႈသိုဝ်ႉ ၵိၼ်ၵႃႈယႂ်ႇၵႃႈပႅင်းလႄႈ ၵူၼ်းမိူင်းတူၼ်ယၢပ်ႇၽိုတ်ႇၵိၼ်းၸႂ်။ ၼႂ်းလိူၼ်သႅပ်ႊထႅမ်ႊပိူဝ်ႊ 2024 ၼၼ်ႉ ၾူၼ်တူၵ်းႁႅင်းသေ ၼမ်ႉလုပ်ႇထူမ်ႈ တူင်ႈၼႃးၵူၼ်းမိူင်းတူၼ်...

ၵူၼ်းမိူင်း - ၸဝ်ႈၼႃး တီႈဝဵင်းလၢႆးၶႃႈ ဢွၼ်ၵၼ်ၶၢင်း ၵဵဝ်ႇလူၺ်ႈၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉၾႆး ၸိူဝ်းၼႆႉ ၶိုၼ်ႈၵူႈလွင်ႈ ၽွင်းၶၢဝ်းၵၢၼ် လူဝ်ႇဢဝ်မၢၵ်ႇၶဝ်ႈတဝ်ႈၼမ်ႉၼႆႉ ဝႃႈၼႆ။ ယၢမ်းလဵဝ်ၼႆႉ ပဵၼ်ၶၢဝ်းလူဝ်ႇဢဝ်မၢၵ်ႇၶဝ်ႈတဝ်ႈၼမ်ႉၵၼ်ယဝ်ႉလႄႈ ၸဝ်ႈၼႃး တီႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢွၼ်ၵၼ်ၶၢင်း ယွၼ်ႉလႆႈၸၢင်ႈၵူၼ်းႁဵတ်းၵၢၼ် ၵႃႈႁႅင်းမႃးလိူဝ်ၵဝ်ႇ ၵဵဝ်ႇလူၺ်ႈၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉ ပုင်ႈၶိုၼ်ႈႁႅင်း...

ဝၢႆးသိုၵ်းယိုတ်းမိူင်း တႄႇမိူဝ်ႈႁူဝ်ပီ 2021 ၼၼ်ႉမႃး ယွၼ်ႉသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း ပွႆႇမၢၵ်ႇယိုဝ်းသႂ်ႇ ၼႂ်းမိူင်းၶျၢင်းသေ ၵူၼ်းမိူင်းလူႉတၢႆ 108 ၵေႃႉယဝ်ႉၼႆ ၸုမ်းသုၼ်ႇလႆႈသုၼ်ႇပဵၼ်ၶျၢင်း CHRO ပိုၼ်ၽၢဝ်ႇ ဢွၵ်ႇဝႆႉ မိူဝ်ႈႁၢင်လိူၼ်ဢွၵ်ႊထူဝ်ႊပိူဝ်ႊပူၼ်ႉမႃးၼႆႉ ၼင်ႇၼႆ။ ၼႂ်းၵူၼ်းလူႉတၢႆ 108 ၵေႃႉၼၼ်ႉ လုၵ်ႈဢွၼ်ႇပႃး 29 ၵေႃႉ မၢတ်ႇၸဵပ်းထႅင်ႈ 230...

သိုၵ်းမၢၼ်ႈဢႅဝ်ႇႁႃ တီ့ၺွပ်းၵူၼ်းသူႇၵိၼ်ယႃႈမဝ်းၵမ်ၼႂ်းပိုၼ်ႉတီႈ ဝဵင်းလွႆလႅမ် ၸိုင်ႈတႆးပွတ်းၸၢၼ်းသေ ႁႂ်ႈပႂ်ႉၵဵတ်ႉလၢၼ်ႇ  တၢင်းၶဝ်ႈ/ဢွၵ်ႇဝဵင်း ။ ႁၢင်လိူၼ်ဢွၵ်ႊထူဝ်ႊပိူဝ်ႊၼႆ့မႃး  ၵူၼ်းသိုၵ်းမၢၼ်ႈ တူၵ်းသုမ်းတၢႆႁၢႆၼမ် ၊ သိုၵ်းမၢၼ်ႈႁႅင်းဢႄႇမႃးတိၵ်းတိၵ်းယဝ်ႉလႄႈ   သိုၵ်းမၢၼ်ႈလိုပ်ႈလမ်းတီ့ၺွပ်းၵူၼ်းသူႇယႃႈမဝ်းၵမ်မႃးၾိုၵ်းၵၢၼ်သိုၵ်းသေ ၸႂ်ႉပႂ်ႉၵဵတ်ႉ/လၢၼ်ႇ တၢင်းၶဝ်ႈ-ဢွၵ်ႇဝဵင်း    ၵူၼ်းၸၢႆးပိုၼ့်တီႈ လၢတ်ႈၽူႈတွႆႇႁွၵ်ႈၼင်ၼႆ ။ “ဢမ်ႇမီးၵူၼ်း တႃႇႁၢပ်ႇၵၢၼ်သိုၵ်း ယဝ့်လူး ၊ သိုၵ်းမၢၼ်ႈၶဝ် ႁႃၺွပ်းၵူၼ်းၶီႈလဝ်ႈၶီႈယႃႈ  မႃးၾိုၵ်း ၵၢၼ်...

ႁၢင်လိူၼ်ဢွၵ်ႊထူဝ်ႊပိူဝ်ႊ ပီ 2024 ၼႆႉ မိူင်းၶႄႇ ၸီႉသင်ႇ ၵဵတ်ႉလၢၼ်ႇ ၸိူဝ်းပဵၼ်ၽၵ်းတူလႅၼ်လိၼ်တႆး - ၶႄႇ မႃးလႄႈ ယၢမ်းလဵဝ် ၵူၼ်းမိူင်းၸိူဝ်းယူႇၸွမ်းလႅၼ်လိၼ် ဢမ်ႇၸၢင်ႈၵႃႉၶၢႆသင်လီလီ။ မိူၼ်ၼင်ႇ တီႈမိူင်းလႃး ၸိုင်ႈတႆးပွတ်းဢွၵ်ႇၶူင်းလႄႈ ၼႃႈလိၼ်သိုၵ်းဝႃႉၵုမ်းၵမ် ၼႆႉၵေႃႈ ယွၼ်ႉဢမ်ႇၸၢင်ႈတေႃႉ ၵုၼ်ႇမိူင်းၶႄႇ ၶဝ်ႈမႃးယဝ်ႉလႄႈ ၵူၼ်းမိူင်းမႆႈၸႂ် ၵူဝ်ၶူဝ်းၵုၼ်ႇၵူႈသႅၼ်းၶၢတ်ႇ။ ယၢမ်းလဵဝ်...

ဢူးမိၼ်ႉၵျၢႆႇ ၽွင်းလူင်ၾၢႆႇႁႅင်းၵူၼ်းလႄႈ ၾၢႆႇၵူၼ်းၶဝ်ႈဢွၵ်ႇမိူင်း သိုၵ်းမၢၼ်ႈ ၸီႉသင်ႇ ႁႂ်ႈၽူႈႁၢပ်ႇၵၢၼ်လဝၵ တီႈၶူင်ႇႁိူဝ်းမိၼ်တႃႈၵုင်ႈ တိူဝ်းၶဵင်ႈၶႅင်ၵူတ်ႇထတ်း ဢမ်ႇပၼ်ၵူၼ်းမိူင်း ၸိူဝ်းသဵၼ်ႈၸိုဝ်ႈၶဝ်ႈပႃးၼႂ်း blacklist ဢွၵ်ႇၼွၵ်ႈမိူင်း - သိုၵ်းမၢၼ်ႈပိုၼ်ၽၢဝ်ႇ ၼႂ်းဝၼ်းတီႈ 05/11/2024 ၼႆႉၼင်ႇၼႆ။ လွင်ႈၸိူင်ႉၼႆ မိူဝ်ႈဢွၼ်တၢင်းယၢမ်ႈမီးမႃးယူႇသေတႃႉ ယၢမ်းလဵဝ် တိူဝ်းၸီႉသင်ႇ ႁႂ်ႈၶဵင်ႈၶႅင် ၵၢၼ်ၵူတ်ႇထတ်းထႅင်ႈ - ဝႃႈၼႆ။ မေႃယႃ...

ယၢမ်းဝၢၼ်ႈမိူင်းလူႉ ပၢႆးမၢၵ်ႈမီးၵူႈပႃႈၾၢႆႇတူၵ်းသုမ်းယူႇၼႆႉ သိုၵ်းမၢၼ်ႈ တိုၵ်ႉၶႂ်ႈၼႄလုမ်ႈၾႃႉဝႃႈ ဝၢၼ်ႈမိူင်း တိုၵ်ႉၼိမ်သဝ်းၵတ်းယဵၼ်ၼႆသေ ၶိုင်ၸႂ်ႉၵူၼ်းမိူင်း ၸတ်းပွႆးလၢမ်းတီႈၼိုင်ႈယဝ်ႉတီႈ ၼိုင်ႈ။ မိူဝ်ႈၸမ်ဢွၵ်ႇဝႃႇၼၼ်ႉၵေႃႈ တဵၵ်းၸႂ်ႉၵူၼ်းၼွင်ႁၢႆးယႃႈ ၸတ်းပွႆးၽြႃးၸၢမ်ၵဝ်ႈတွၼ်ႈ ၽွင်ႇတေႃႇ ဢူး ။ တီႈတူၼ်ႈတီးၼႆႉၵေႃႈ ၸမ်ထိုင်လိူၼ်သိပ်းသွင်မူၼ်းယဝ်ႉလႄႈ သိုၵ်းမၢၼ်ႈၶိၼ်ၸႂ်ႉၵူၼ်းမိူင်း ၸတ်းပွႆးႁူင်းၾႆးမိၼ်ထႅင်ႈ။ တႄႇဢဝ် ဝၼ်းတီႈ 09/10/2024 ၼႆႉ သိုၵ်းမၢၼ်ႈ ၸီႉသင်ႇ ၵေႃပွင်ၵၢၼ်ပၢင်ပွႆး...

ၸုမ်းၸွႆႈထႅမ်ၵူၼ်းတူၵ်းၶွၵ်ႈ ၵၢၼ်မိူင်း AAPP  ပိုၼ်ၽၢဝ်ႇဢွၵ်ႇမႃး ၼႂ်းဝၼ်းတီႈ 04/11/2024 ၼႆႉဝႃႈ ဝၢႆးလင် သိုၵ်းမၢၼ်ႈ ယိုတ်းမိူင်းမႃး ၵူၼ်းမိူင်းမၢၼ်ႈ ပတ်းပိုၼ်ႉ ၺႃးၶႃႈတၢႆ 5,919 ၵေႃႉ ဝႃႈၼႆ။ ၵူၼ်းမိူင်း ၺႃးသိုၵ်းမၢၼ်ႈၶႃႈတၢႆ ၼမ်သုတ်းၼႆႉ ပဵၼ်ၼႂ်းတိူင်းတႃႈၵုင်ႈ (ယၼ်ႇၵုင်ႇ) သေ ၼႂ်းမိူင်းမွၼ်းသမ်ႉ ပဵၼ်ထီႉသွင်။ တႄႇဝၼ်းတီႈ 01/02/2021...

ၸူဝ်ႈသိုၵ်းဝႃႉၵုမ်း ဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈ မႃးၼႆႉ ဢိင်ၼိူဝ်ၶေႃႈၸီႉသင်ႇ ၸဝ်ႈၸႄႈဝဵင်း ၵမ်းသိုဝ်ႈ သေ လွင်ႈၵၢႆႇၶူဝ်မႄးတၢင်း ပူၵ်းပွင်ဝၢၼ်ႈဢိူင်ႇ မီးၽွင်ႈယူႇသေတႃႉ ၸူဝ်ႈၸဝ်ႈၸႄႈဝဵင်း ဢမ်ႇယူႇၼႆႉ ၵႅမ်ၸဝ်ႈၸႄႈဝဵင်း ဢၼ်ၵိုတ်းဝႆႉၼႂ်းပိုၼ်ႉတီႈ ၸီႉသင်ႇၵူၼ်းဝၢၼ်ႈႁႂ်ႈသႂ်ႇသဵၼ်ႈၸိုဝ်ႈ တႃႇၾိုၵ်းၵၢၼ်သိုၵ်းလႄႈ ႁဵတ်းႁႂ်ႈၵူၼ်းမိူင်းၵႅတ်ႈ ဢမ်ႇယူႇသႃႇၵိၼ်းၸႂ်။  တႄႇလိူၼ်ဢွၵ်ႊထူဝ်ႊပိူဝ်ႊမႃး ၵႅမ်ၸဝ်ႈၸႄႈဝဵင်း (ၾၢႆႇၽွင်းငမ်း) သိုၵ်းဝႃႉ UWSA တီႈဢိူင်ႇမိူင်းၵႅတ်ႈ...

ႁိူၼ်းယေးၵူၼ်းဝၢၼ်ႈ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၺႃးၾႆးမႆႈလူႉသုမ်း ဢမ်ႇယွမ်း 3 ဝၢၼ်ႈ ႁဵတ်း ႁႂ်ႈၵူၼ်းမိူင်းႁၢမ်းႁႅၵ်းတီႈယူႇ။ ၸဝ်ႈႁိူၼ်းသမ်ႉ ပၢႆႈဝႄႈမူၵ်းသွၼ်ႈဝႆႉတၢင်ႇတီႈ ၸဵမ်မိူဝ်ႈ ၶၢဝ်းပၢင်တိုၵ်း ပဵၼ်ႁႅင်းလႄႈ ဢမ်ႇမီးၸဝ်ႈႁိူၼ်းယူႇပႂ်ႉ။ ယၢမ်းလဵဝ် ၵူၼ်းဝၢၼ်ႈ တေပွၵ်ႈမိူဝ်းတူၺ်း ၵေႃႈဢမ်ႇႁတ်း လႆႈၵူဝ်ၽေးၵွင်ႈၽေးမၢၵ်ႇ။ ႁူဝ်လိူၼ်ၼူဝ်ႊဝႅမ်ႊပိူဝ်ႊ 2024 ၼႆႉၵူၺ်း ဝၢၼ်ႈသေႃလမ်၊ ဝၢၼ်ႈႁူဝ်ဝူဝ်း၊...