ဝၼ်းတီႈ 09/08/2024 ၼႆႉ ႁူင်းႁဵတ်းႁိူဝ်း ဢၼ်မီးတီႈ ဝဵင်းပၢၼ်ႉသႆး ၸႄႈတွၼ်ႈဢယုတ်ႉထယႃး ပဵၼ်လွင်ႈတႅၵ်ႇၽူင်ႉသေ ႁႅင်းၵၢၼ်မိူင်းမၢၼ်ႈ လူႉတၢႆ 2 ၵေႃႉ မၢတ်ႇၸဵပ်း 4 ၵေႃႉ - ဝႃႈၼႆ။ ၾၢႆႇလူင်ပွင်ၸိုင်ႈထႆး ပိုၼ်ၽၢဝ်ႇဝႃႈ ပဵၼ်လွင်ႈတႅၵ်ႇၽူင်ႉၵႂႃႇ ၽွင်းႁႅင်းၵၢၼ်ၶဝ် တိုၵ်ႉၵပ်းလဵၵ်း/ သေႃႇလဵၵ်း တီႈႁူင်း ႁဵတ်းႁိူဝ်း။...

ၼႂ်း 2-3 လိူၼ်မႃးၼႆႉ ငိုၼ်းၶဝ်ႈတီႈ ၶွမ်ႊပၼီႊ Meta ၼမ်၊ ၶၼ်ႁုၼ်ႈပုင်ႈၶိုၼ်ႈလႄႈ Mark Zuckerberg မၢၵ်ႊၶ် သူႊၵပၵ်ႉ ၸဝ်ႈၶွင်ၶွမ်ႊပၼီႊ Meta ၶိုၼ်ႈမႃးပဵၼ် ၽူႈမၢၵ်ႈမီးသုတ်းထီႉ 3 ၼႂ်းလုမ်ႈၾႃႉၼႆ - မႅၵ်ႉ ၵၸိၼ်း Forbes တႅမ်ႈဢွၵ်ႇပိုၼ်ၽၢဝ်ႇၼင်ႇၼႆ။ ၼႂ်းဝူင်ႈၼႆႉ ၶွမ်ႊပၼီႊ...

ဝၼ်းတီႈ 07/08/2024 ယၢမ်းဝၢႆးဝၼ်း လုမ်းတြႃးပိူင်ငဝ်ႈပိုင်းမိူင်း ၸိုင်ႈထႆး ပိုၼ်ၽၢဝ်ႇယႃႉပႃႇတီႇၵၢဝ်ႉၵႆ ဢၼ်ဢွင်ႇပေႉပၢင်လိူၵ်ႈတင်ႈ လႆႈတီႈၼင်ႈၼမ်သုတ်း ၼႂ်းသၽႃးဝႆႉ။ လိူဝ်ၼၼ်ႉ ပိုၼ်ၽၢဝ်ႇပႃးဝႃႈ ႁၢမ်ႈႁူဝ်ၼႃႈပႃႇတီႇ ၶုၼ်ႊၽိထႃးလႄႈ လုၵ်ႈၸုမ်းပွင်ၵၢၼ်ပႃႇတီႇ တင်းမူတ်း ႁႂ်ႈၵိုတ်းလိုဝ်ႈ လွင်ႈႁဵတ်းသၢင်ႈၵၢၼ်မိူင်း ၶၢဝ်းတၢင်း 10 ပီ ဝႃႈၼႆဝႆႉ။ လွင်ႈတၢင်း ဢၼ်ထုၵ်ႇယုၵ်ႉလိူၵ်ႈပႃႇတီႇၼႆႉသမ်ႉ လုမ်းတြႃးၼႄးဝႃႈ ပႃႇတီႇၵၢဝ်ႉၵႆၼႆႉ ႁဵတ်းၽိတ်းပၵ်းပိူင်...

လူင်ပွင်ၸိုင်ႈ မိူင်းဢိင်းၵလဵတ်ႈ ပိုၼ်ၽၢဝ်ႇဝႃႈ တေပၼ်ငိုၼ်းၵမ်ႉၸွႆႈ တႃႇၵူၼ်းၼုမ်ႇ မိူင်းမၢၼ်ႈ ႁႂ်ႈလႆႈသုၼ်ႇတိုဝ်ႉတၢင်းႁဵၼ်းလိၵ်ႈလၢႆး တွၼ်ႈတႃႇၸုမ်ႈၶူးမႁႃႇ တီႈၸၼ်ႉၸွမ် မိူင်းဢိင်းၵလဵတ်ႈ ၼႂ်းႁူဝ်ၶေႃႈ Chevening ၵူၼ်းၼုမ်ႇမီးတိုဝ်ႉတၢင်း တႃႇတၢင်ႇယိုၼ်ႈယွၼ်း ၼႂ်းဝၼ်းတီႈ 6 လိူၼ်ဢေႃႊၵတ်ႊသ် ထိုင် ဝၼ်းတီႈ 5 လိူဝ်ၼူဝ်ႊဝႅမ်ႊပိူဝ်ႊ ဝႃႈ ၼႆ။ လွင်ႈၼႆႉ ယူႇတီႈ...

ၶႄႇၵမ်ႉၸွႆႈငိုၼ်းတွင်းလႄႈ လွၵ်းလၢႆးပၢႆးသၢင်ႈသေ ၸိုင်ႈမိူင်းၵမ်ႊပေႃႊတီႊယႃႊ ႁဵတ်းႁွင်ႈမိူင်လူင် သဵၼ်ႈတၢင်းၼမ်ႉ ဢၼ်မီးၸိုဝ်ႈဝႃႈ - Funan Techo Canal ဢၼ်တေတေႃႇသဵၼ်ႈတၢင်းၼမ်ႉ လုၵ်ႉဢဝ်ၼမ်ႉၶူင် ဢၼ်မီးၾၢႆႇ ၸၢၼ်းဝဵင်းၾၼွမ်ႊပိၼ်ႊ လူင်းၵႂႃႇၸူး ဢၢဝ်ႇထႆး (ၵူတ်ႉၼမ်ႉ ပၢင်ႇလၢႆႇထႆး)။ ၸွမ်ၽွင်းလူင်မိူင်းၵမ်ႊပေႃႊတီႊယႃႊ ပၼ်ၶႂၢင်ႉဢၼုၺၢတ်ႈသေ ပိုၼ်ၽၢဝ်ႇၵေႃႇသၢင်ႈ ၼႂ်းဝၼ်းတီႈ 5 လိူၼ်ၼႆႉ မႅၼ်ႈဝၼ်းၵိူတ်ႇ...

ၾူၼ်တူၵ်းႁႅင်း ၼမ်ႉႁူၺ်ႈၼမ်ႉလွႆၼွင်းထူမ်ႈလႄႈ ဝၼ်းတီႈ 4 လိူၼ်ၼႆႉ ၼမ်ႉၼွင်တႅၵ်ႇ ၼမ်ႉထူမ်ႈ သဵၼ်ႈတၢင်းၶူဝ်လႄႈ တူင်ႈႁႆႈတူင်ႈၼႃး တၢင်းၼွၵ်ႈဝဵင်းၶျီႊထရႄႊ ၸႄႈမိူင်းၶျီႊပႃႊပတ်ႉသ် တူင်ႊၶႂႃႊ ၸိုင်ႈမိူင်းပႃႊၵိတ်ႉသ်ထၢၼ်ႊ။ ၼမ်ႉယႂ်ႇထွင်းလေႃႈပုင်ႈထူမ်ႈၸွမ်းၵႄႈလွႆ သျီႊသျီႊၶူဝ်ႊလႄႈ ၸွမ်းသဵၼ်ႈတၢင်းရူတ်ႉၵႃး ႁဵတ်းႁႂ်ႈၵူၼ်း မိူင်းဢမ်ႇၸၢင်ႈၵႂႃႇမႃးၵႃႉၶၢႆ ပဵၼ်ဢၼ်ယၢပ်ႇၽိုတ်ႇ။ ၼမ်ႉထူမ်ႈၵမ်းၼႆႉ ႁဵတ်းႁႂ်ႈတုမ်ႉတိူဝ်ႉပႃး သူၼ်ႁႆႈၼႃးၵူၼ်းမိူင်း၊ ႁွင်ႈၼမ်ႉ မိူင်ၼမ်ႉတႃႇၽုၵ်ႇသွမ်ႈ၊ တေႃႈလွတ်ႇၼမ်ႉမၼ်းလႄႈ ၵႅတ်ႉသ်...

ႁိတ်ႉသ်ပူဝ်ႊလႃႊလႄႈ သိုၵ်းဢိတ်ႉသ်ရေႊ ပိုတ်းယိုဝ်းၵၼ် ႁၢဝ်ႈႁႅင်းတီႈမိူင်းလႅပ်ႊပၼုၼ်ႊ ငဝ်းလၢႆး ၵၢၼ်သိုၵ်း ဢမ်ႇပေႃးၶႂ်ႈၶႅမ်ႉလႅပ်ႈလႄႈ လူင်ပွင်ၸိုင်ႈ မိူင်းဢမေႊရိၵၼ်ႊ ဢွၵ်ႇလိၵ်ႈႁွင်ႉဢဝ်ၽွင်းတၢင် ၶႃႇႁၢပ်ႇၵၢၼ်ၶုၼ်လႄႈ ၵူၼ်းမိူင်းမၼ်း ၸိူဝ်းမီးတီႈမိူင်းလႅပ်ႊပၼုၼ်ႊ။ သင်ၸိူဝ်ႉ သိုၵ်းဢီႊရၼ်ႊလႄႈ ဢူၺ်းလီမၼ်း ႁိတ်ႉသ်ပူဝ်ႊလႃႊ သိုပ်ႇပိုတ်းယိုဝ်းတိုၵ်းတေႃးၵၼ်ထႅင်ႈၸိုင် တီႈမိူင်းလႅပ်ႊပၼုၼ်ႊ ငဝ်းလၢႆးၸၢင်ႈႁၢႆႉၸႃႉမႃးလိူဝ်ၵဝ်ႇ ယူႇတီႈဢမေႊရိၵၼ်ႊ ၸၢင်ႈလႆႈသူင်ႇႁႅင်းသိုၵ်း ႁိူဝ်းသၢင်းၽေႃးသိုၵ်း မႃးၸွႆႈဢိတ်ႉသ်ရေႊယူႇၼႆ ငဝ်ႈငုၼ်းသိုၵ်းပႅၼ်ႊတၵွၼ်ႊၵေႃႈ...

တႃႇၵႅတ်ႇၶႄႁႄႉၵင်ႈ ပိုၼ်ႉတီႈတၢင်းၵၢင်ႁၢဝ် ဢၼ်ပဵၼ်ၶွင်ၸိုင်ႈမိူင်းယူႊၶရဵၼ်ႊၼၼ်ႉၼႆသေ ၼၢင်းယိင်းၵူၼ်းမိူင်းယူႊၶရဵၼ်ႊ ႁူမ်ႈၵၼ်သေ ၶွတ်ႇၽွတ်ႈဝႆႉ ၸုမ်းၵႅတ်ႇၶႄတၢင်းၵၢင်ႁၢဝ်။ ပဵၼ်ၼၢင်းယိင်း ၸိူဝ်းယူႇသဝ်းတီႈဝဵင်းပူႊၶျႃႊ ဢၼ်ၺႃးသိုၵ်းရတ်ႉသျႃး ပိုတ်းယိုဝ်းႁၢဝ်ႈႁႅင်းသေ ယိုတ်း လႆႈမိူဝ်ႈပီ 2022။ ၽွင်းၼၼ်ႉ ႁိူၼ်းယေးၵူၼ်းမိူင်း ဝဵင်းပူႊၶျႃႊ လူႉၵွႆမူတ်း။ ၵူၼ်းၼႂ်းၼႃႈႁိူၼ်းၼိုင်ႈလင်ၼႆႉ ဢၼ်လွတ်ႈ တၢႆ တေမီးၵေႃႉသွင်ၵေႃႉၵူၺ်း။ ၵမ်ႈၼမ် ၵူၼ်းၸၢႆးလႄႈ လုၵ်ႈဢွၼ်ႇၶဝ်တၢႆ။ ၵွပ်ႈၼႆ...

ၶွမ်ႊပၼီႊ Meta ပိုၼ်ၽၢဝ်ႇဝႃႈ ၼႂ်းႁူဝ်ပီ 2024 ၼႆႉ လႆႈႁပ်ႉၶူတ်ႊသၼႃႊ တႃႇလူင်းၼႂ်းၾဵတ်ႉသ်ပုၵ်ႉ ဢိၼ်ႊသ တႃႊၵရမ်ႊ ၼမ်လႄႈ လႆႈငိုၼ်းၼမ်ႉတွၼ်းတွၼ်ႈတႃႇၶွမ်ႊပၼီႊ ႁိမ်းၸမ် 4 မိုၼ်ႇလၢၼ်ႉတေႃႊလႃႊ ဝႃႈၼႆ။ ၸွမ်းၼင်ႇ ပၵ်းပိူင်မၢႆမီႈ ၶွမ်ႊပၼီႊ သူဝ်ႊသျႄလ်ၼႆႉ- သင်ဝႃႈ ၶူတ်ႊသၼႃႊထိုင်ၼႂ်းဢၵွင်ႉၵူၼ်းၸႂ်ႉၾဵတ်ႉသ်ပုၵ်ႉ ၼမ်ၵႃႈႁိုဝ်ၵေႃႈ ၶွမ်ႊပၼီႊ Meta...

တီႈၼႂ်းၸႄႈမိူင်းၵူႊၵျႃႊရတ်ႉ ဢၼ်မီးၼႂ်းတွၼ်ႈတၢင်းတူၵ်းၸိုင်ႈမိူင်းၵြႃး ဢိၼ်ႊတီႊယႃႊၼၼ်ႉ ၼႂ်းလိူၼ်ၵျူႊလၢႆႊ ၼႆႉ ၵူၼ်းမိူင်းၸပ်းတၢင်းပဵၼ် ၸိူဝ်ႉမႅၼ်းဝၢႆႊရၢတ်ႉသ် ဢၼ်ႁဵတ်းႁႂ်ႈ ဢွၵ်းဢေႃၵႂ်ႈ ၽႄႈလၢမ်းၸပ်းၵၼ်လႄႈ တၢႆ ႁိမ်းၸမ် 60 ၵေႃႉ၊ ႁဵတ်းႁႂ်ႈၸုမ်းၾၢႆႇယူႇလီလႄႈၾၢႆႇလိူမ်ႈလႆႈ ပိုၼ်ၽၢဝ်ႇပဵၼ်ငဝ်းလၢႆးၶိုၵ်ႉၶၵ်ႉသေပႂ်ႉတူၺ်းတၢင်းပဵၼ် ၼႆႉယူႇ ဝႃႈၼႆ။ တႃႇတေႁႄႉၵင်ႈလႆႈတၢင်းပဵၼ်ၸိူဝ်ႉမႅင်းဢၼ်တၢင်ႇၸိုဝ်ႈဝႆႉဝႃႈ ၶျၼ်ႊတီႊပူႊရႃႊၼႆႉ ၸဝ်ႈၼႃႈတီႈၸိုင်ႈမိူင်းလႆႈလူင်းပိုၼ်ႉတီႈၼႂ်းဝၢၼ်ႈၼႂ်းဢိူင်ႇ တီႈၵူၼ်းၸၼ်ႉထၢၼ်ႈပိုၼ်ႉၶဝ်ယူႇသဝ်းသေ ၸွႆႈႁဵတ်းလွင်ႈမူတ်းသႂ်၊ သိတ်းယႃႈယႃ ၶႃႈမူင်ႈမႅင်းလႄႈၶႃႈယုင်းလၢႆး...

ၸွမ်ၸိုင်ႈမႂ်ႇမိူင်းဢီႊရၼ်ႊ - မႃႊသုတ်ႉ ပီႊသျိတ်ႉသ်ၶဵၼ်ႊ Masoud Pezeshkian ၵၢဝ်ႇၵိၼ်ႇ ႁပ်ႉပုၼ်ႈၽွၼ်းပဵၼ် ၸွမ်ၸိုင်ႈ မိူဝ်ႈဝၼ်းတီႈ 30 လိူၼ်ၵျူႊလၢႆႊၼႆႉ ဝႃႈၼႆ။ မၼ်းၸၢႆးလၢတ်ႈဝႃႈ - ၸိုင်ႈမိူင်းယႂ်ႇ ဢၼ်ၵမ်ႉၸွႆႈၶိူင်ႈၵွင်ႈၵၢင်ႇၸူးပၢင်တိုၵ်း တႃႇၶႃႈႁႅမ်လုၵ်ႈဢွၼ်ႇတၢႆ ယူႇၼၼ်ႉ မႃးသွၼ်ပၼ်ၸၢဝ်းမုတ်ႉသလိမ်ႇ ႁႂ်ႈႁူႉလွင်ႈဢီးလူၼႆတႄႉ မၼ်းတိုၼ်းဢမ်ႇပဵၼ်လႆႈ - ဝႃႈၼႆ။ ဝၢႆးလင် ၸွမ်ၸိုင်ႈဢီႊရၼ်ႊၵေႃႉၵဝ်ႇ...

ၽွင်းလူင်ၾၢႆႇၼွၵ်ႈမိူင်း မိူင်းထႆး ပိုၼ်ၽၢဝ်ႇဝႃႈ တေၸွႆႈၵူၼ်းမိူင်းမၢၼ်ႈ တႃႇၵႃႈၶၼ်ငိုၼ်း 9 လၢၼ်ႉဝၢတ်ႇ တွၼ်ႈတႃႇ ၵူၼ်းထူပ်းၽေးသိုၵ်း ဝႃႈၼႆ။ ပၢင်ၵုမ်ဢႃႊသီႊယၼ်ႊ ၽွင်းလူင်ၾၢႆႇၼွၵ်ႈမိူင်း ၵမ်းထူၼ်ႈ 57 ဢၼ်ၸတ်းႁဵတ်းယူႇ တီႈဝဵင်းၸၼ် မိူင်းလၢဝ်း ယၢမ်းလဵဝ်ၼႆႉၼၼ်ႉ ၽွင်းလူင်ၾၢႆႇၼွၵ်ႈမိူင်း မိူင်းထႆး မႃႊရိတ်ႉ သငဵမ်ႊၽူင်ႊ ပိုၼ်ၽၢဝ်ႇလၢတ်ႈ မိူဝ်ႈဝၼ်းတီႈ...

ၵူၼ်းမိူင်းမၢၼ်ႈ ဢၼ်မီးတီႈမိူင်းၵူဝ်ႊရီႊယႃႊ ၼႄၵၢင်ၸႂ် မိူဝ်ႈဝၼ်းတီႈ 28 လိူၼ်ၵျူႊလၢႆႊဝႃႈ ႁႂ်ႈလူင်ပွင်ၸိုင်ႈမိူင်းၵူဝ်ႊရီႊယႃႊၸၢၼ်း ႁၢမ်ႈႁႅတ်ႉပၼ်ပၢႆးမၢၵ်ႈမီး ၼႂ်းၸိုင်ႈမိူင်း ဢၼ်ႁူမ်ႈၵၼ်ႁဵတ်းၵၢၼ် ၸွမ်းသိုၵ်းမၢၼ်ႈ ႁႂ်ႈႁၢမ်ႈပၼ် ၼင်ႇႁိုဝ် သိုၵ်းမၢၼ်ႈ တေဢမ်ႇမီးငိုၼ်းၶဝ်ႈၼၼ်ႉသေၵမ်း ဝႃႈၼႆ။ ၶုၼ်သိုၵ်းလူင် လိၼ်းထႅတ်ႉဢွင်ႇ CDM ၵေႃႉၼိုင်ႈလၢတ်ႈဝႃႈ ပႆတၢင်းၼႄၵၢင်ၸႂ်တေႃႇ လူင်ပွင်ၸိုင်ႈၵူဝ်ႊရီႊယႃႊ မီးမႃးၶၢဝ်းတၢင်း 22 ဝၼ်းယဝ်ႉ။...

ၾႆးမႆႈပႃႇ တီႈၸႄႈမိူင်းၵႄႊလီႊၾူဝ်ႊၼီႊယႃႊ ၸိုင်ႈမိူင်းဢမေႊရိၵၼ်ႊ လၢမ်းၽႄႈႁၢဝ်ႈႁႅင်း ၵူၼ်းၶႄၾႆးလႆႈထႅမ်ႁႅင်းၶႄ တေႃႇထိုင်ဝၼ်းတီႈ 27-28 လိူၼ်ၵျူႊလၢႆႊၼႆႉ ၾႆးယင်းပႆႇမွတ်ႇ။ ၼႂ်းၶၢဝ်းတၢင်း 24 ၸူဝ်ႈမူင်းၵူၺ်း ၾႆးလၢမ်းမႆႈပႃႇထိူၼ်ႇၵႂႃႇၶိုင်ႈပၢႆ မွၵ်ႈဢေႊၶိူဝ်ႊ 3 သႅၼ်ပၢႆ။ ၵူၼ်းမိူင်း မွင်းၾူၼ်တႃႇၸွႆႈၶႄၾႆး။ ၾႆးၼႆႉ လၢမ်းမႆႈပႃး ႁိူၼ်းယေးၵူၼ်းမိူင်းလူႉၵွႆ 134 လင်။ သိုဝ်ႇၶၢဝ်ႇရၢႆႊထိူဝ်ႊပိုၼ်ၽၢဝ်ႇဝႃႈ - ၸဝ်ႈၼႃႈတီႈၼႂ်းၸိုင်ႈမိူင်း...

ရတ်ႉသျႃႊလႄႈ ၶႄႇ ႁူမ်ႈၵၼ်ၾိုၵ်းၵၢၼ်သိုၵ်း ဢဝ်ႁူမ်ႇလူမ်ႈ တၢင်းၵၢင်ႁၢဝ် ၼိူဝ်ၼႃႈပၢင်ႇလၢႆႇ ပႄႊရိၼ်ႊ ႁိမ်းၸႄႈမိူင်းဢႃႊလႃႊသၵႃႊ။ ၽူႈၶၢၼ်ပၢၵ်ႇ ႁွင်ႈၵၢၼ်ၽွင်းလူင်ၾၢႆႇၵႅတ်ႇၶႄ မိူင်းၶႄႇ ၸၢင်းသျႅဝ်းၵိူင်ႇ လၢတ်ႈတီႈသိုဝ်ႇၶၢဝ်ႇရၢႆႊထိူဝ်ႊဝႃႈ - ယိူင်း ဢၢၼ်းတႃႇႁႂ်ႈ သွင်ၸိုင်ႈမိူင်းမီးလွင်ႈယုမ်ႇယမ်ၵၼ် ႁဵတ်းၵၢၼ်ႁူမ်ႈ ၵၼ်လႆႈမၼ်ႈၵိုမ်း ယိုၼ်းယၢဝ်းၵူၺ်း။ ဢမ်ႇၸႂ်ႈယိူင်းဢၢၼ်း တေႃႇၽႂ်မိူင်းလႂ်၊ ဢမ်ႇၵဵဝ်ႇၵၼ်တင်း ၵၢၼ်မိူင်း ၼႂ်းလုမ်ႈၾႃႉ...