လူင်ပွင်ၸိုင်ႈထႆး ပိုၼ်ၽၢဝ်ႇ တေႁဵတ်းပၼ်ဝတ်းဝႂ်ႁႅင်း ၵၢၼ်မႂ်ႇ ၼႂ်းလိူၼ်တီႊသႅမ်ႊပိူဝ်ႊၼႆႉ

မီးၶၢဝ်ႇဢွၵ်ႇမႃးဝႃႈ ထႆးတေႁဵတ်းပၼ်ဝတ်းဝႂ်ႁႅင်းၵၢၼ်ၵူၼ်းမႂ်ႇၼႆ ႁိုင်ယဝ်ႉသေတႃႉ ၼႂ်းသၽႃးၸိုင်ႈထႆး ၸင်ႇႁႃတႅပ်းတတ်းလႆႈၸႂ်ၵၼ် လွင်ႈၼႆႉ မိူဝ်ႈဝၼ်းတီႈ 26/11/2024 ၼႆႉၵူၺ်းလႄႈ ၸင်ႇတေၸၢင်ႈလူင်းမိုဝ်းႁဵတ်းသၢင်ႈတႄႉတႄႉ ၼႂ်းဝၼ်းတီႈ 31/12/2024 ၼႆႉ ဝႃႈၼႆ။

ႁွင်ႈၵၢၼ် ၽွင်းလူင်ၾၢႆႇႁႅင်းၵၢၼ် မိူင်းထႆး ပိုၼ်ၽၢဝ်ႇပဵၼ်တၢင်းၵၢၼ်ဝႃႈ – ႁႅင်းၵၢၼ်ယၢၼ်မိူင်း ၵူၼ်းမိူင်းလၢဝ်း မိူင်းမၢၼ်ႈ မိူင်းဝႅတ်ႉၼၢမ်း မိူင်းၵမ်ႇပူးၶျႃး ႁၢင်ႈႁႅၼ်း တႃႇလူင်းၸိုဝ်ႈသဵင် တႃႇႁဵတ်းဝတ်းဝႂ်ႁဵတ်းၵၢၼ် ၼႂ်းဝၼ်းပီ 2024 သဵင်ႈ။ ဝတ်းဝႂ်ၵူၼ်းမႂ်ႇၼႆႉ တေမီးဢႃယုတေႃႇထိုင်ဝၼ်းတီႈ 31/03/2026 ဝႃႈၼႆဝႆႉ။

လိူဝ်ၼၼ်ႉ ၵူၼ်းၸိူဝ်းဢႃယုဝတ်းဝႂ် တေမူတ်းၼႂ်းလိူၼ်ၾႅပ်ႊပိဝ်ႊရီႊ လိူၼ်ထူၼ်ႈ 2 ပီ 2025 ၵေႃႈ ႁၢင်ႈႁႅၼ်းဝႆႉ တႃႇတေႃႇဢႃယုဝတ်းဝႂ် မိူၼ်ၵၼ်။ တေလႆႈဢႃယုဝတ်းထႅင်ႈ 2 ပီ။ တေႃႇထိုင်ပီ 2027 ၸင်ႇၶိုၼ်းတေလႆႈတေႃႇထႅင်ႈ ၵမ်းၼိုင်ႈ။