ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းၼင်ႇၵၼ် ၼႂ်းမိူင်းတႆး ပိုတ်းယိုဝ်ၵၼ် ႁၢဝ်ႈႁႅင်း ၾႆးမႆႈႁိူၼ်းယေး ၵူၼ်းဝၢၼ်ႈ မၢၼ်ႈလီႈ ၼမ်ႉတူႈ 5 လင်ၶႃးႁိူၼ်း ။
မိူဝ်ႈဝႃး ဝၼ်းတီႈ 6/4/2021 ယၢမ်းဝၢႆးဝၼ်း မွၵ်ႈ 3 မူင်းၼၼ်ႉ ၸုမ်းဢူၺ်းလီ ပွတ်းႁွင်ႇ TNLA, SSPP တင်း RCSS ပဵၼ် ပၢင်တိုၵ်းၵၼ်ႁၢဝ်ႈႁႅင်း။ ၵူၼ်းမၢၼ်ႈလီႈ ၸႄႈဝဵင်းၼမ်ႉတူႈ ႁူဝ်ၵူၼ်း 468 ၵေႃႉ လႆႈပၢႆႈၽေးသိုၵ်း ႁွတ်ႈၽႅဝ်ဝႆႉ တီႈသီႇ ပေႃႉ ။ မၢၵ်ႇလူင် တူၵ်းသႂ်ႇႁိူၼ်းယေးၵူၼ်းဝၢၼ်ႈ ၾႆးမႆႈ လူႉၵွႆ 5 လင်ၶႃးႁိူၼ်း ။
ၼၢင်းမွၼ်းပဝ်း ၽူႈတႅၼ်းသၽႃး သီႇပေႃႉ ဢၼ်ဢွင်ႇပေႉ ပၢင်လိူၵ်ႈတင်ႈ ပီ 2020 လၢတ်ႈတီႈၽူႈတွႆႇႁွၵ်ႈဝႃႈ – “ပီႈၼွင်ႉ ၵူၼ်းဝၢၼ်ႈဢွၼ်ၵၼ်ႁွင်ႉႁႆႈ ၸႂ်လဵၵ်ႉ၊ ဝႃႈတေၵႂႃႇယူႇတီႈလႂ်လႃႇ ႁိူၼ်းႁဝ်းၶႃႈ ၾႆးမႆႈမူတ်းယဝ်ႉၼႆႁေ ”- ဝႃႈၼႆ။
ဢိင်ၼိူဝ် လွင်ႈမၢၵ်ႇတူၵ်းတႅၵ်ႇသႂ်ႇႁိူၼ်းယေး ၵူၼ်းဝၢၼ်ႈ လႆႈလူႉၵွႆ ၾႆးမႆႈၵႂႃႇၸိူင်ႉၼႆ ပဵၼ်မၢၵ်ႇၸုမ်းလႂ် ယိုဝ်းသႂ်ႇ ဢၼ် ဝႃႈၼၼ်ႉ ဢမ်ႇလႆႈႁူႉၸွမ်း ၵူၼ်းပၢႆႈၽေး ဢၼ်ပၢႆႈႁွတ်ႈမႃးထိုင် တီႈသီႇပေႃႉၼၼ်ႉ လၢတ်ႈၼႄၼင်ႇၼႆ။
ၼွၵ်ႈလိူဝ်ၼၼ်ႉ တီႈဝၢၼ်ႈပၢင်လူင် ၸႄႈဝဵင်းၼမ်ႉတူႈၵေႃႈ မိူၼ်ၵၼ် ။ မၢၵ်ႇလူင်တူၵ်းသႂ်ႇႁိူၼ်းၵူၼ်းဝၢၼ်ႈ ၾႆးမႆႈ တင်းမူတ်း 10 လင် ယွၼ်ႉၸုမ်း ဢူၺ်းလီ ပွတ်းႁွင်ႇ TNLA,SSPP တင်း RCSS ပိုတ်းယိုဝ်းၵၼ် ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ