Friday, March 29, 2024

ၵူၼ်းဝၢၼ်ႈၺႃးၸၢၵ်ႇမၢၵ်ႇၸွမ်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ပိုတ်းယိုဝ်းၵၼ်

Must read

မၢၵ်ႇလူင် တူၵ်းတႅၵ်ႇ သႂ်ႇၼႂ်းဝၢင်းႁိူၼ်းၵူၼ်းဝၢၼ်ႈ ၼႂ်းၸႄႈဝဵင်းၼမ်ႉတူႈ ၸၢၵ်ႇမၢၵ်ႇသဵၼ်တိူဝ်ႉသႂ်ႇ ၵူၼ်းဝၢၼ်ႈ လႆႈမၢတ်ႇၸဵပ်း ၸွမ်းၵေႃႉ ၼိုင်ႈ ။

မိူဝ်ႈဝႃး ဝၼ်းတီႈ 28/3/2021 ယၢမ်းဝၢႆးဝၼ်း မွၵ်ႈ 3 မူင်းၶိုင်ႈၼႆႉ ပၢင်တိုၵ်း သိုပ်ႇပဵၼ်ၼႂ်း ၸႄႈဝဵင်းၼမ်ႉတူႈ မၢၵ်ႇလူင် တူၵ်းတႅၵ်ႇ သႂ်ႇၼႂ်းဝၢင်းႁိူၼ်းၵူၼ်း ဝၢၼ်ႈပၢင် လူင် ၸႄႈဝဵင်းၼမ်ႉတူႈ ၸၢၵ်ႇမၢၵ်ႇသဵၼ်တိူဝ်ႉ သႂ်ႇတီႈပုမ် ပႃႈၼၢင်းၸၢမ်ႇ လႆႈသူင်ႇယူတ်းယႃတူဝ်တီႈဝဵင်းလႃႈသဵဝ်ႈ  ။

- Subscription -

ၵူၼ်းဝၢၼ်ႈပၢင်လူင် ၵေႃႉၼိုင်ႈ လၢတ်ႈဝႃႈ – “မၢၵ်ႇလူင်ၼႆႉ တူၵ်းသႂ်ႇ ၼႂ်းဝၢင်းႁိူၼ်း ထႅင်ႈလင်ၼိုင်ႈ။ၸၢၵ်ႇမၢၵ်ႇၼၼ်ႉ သဵၼ်တိူဝ်ႉသႂ်ႇ ပႃႈၸၢမ်ႇ တိူဝ်ႉၺႃးတီႈပုမ်ႇမၼ်း။ယၢမ်းလဵဝ်တႄႉ လႆႈတေႃႉသူင်ႇယူတ်းယႃဝႆႉတီႈလႃႈ သဵဝ်ႈ” ဝႃႈၼႆ။

  ၸုမ်းဢူၺ်းလီ ပွတ်းႁွင်ႇ TNLA, SSPP တင်း RCSS ပိုတ်းယိုဝ်းၵၼ် တၢင်းၾၢႆႇဢွၵ်ႇဝၢၼ်ႈပၢင်လူင်  မႃးလၢႆဝူင်ႈယဝ်ႉ ပႆႇယဝ်ႉပႆႇတူဝ်ႈ။ တိုၵ်ႉသိုပ်ႇၶဵင်ႈၶႅင်ၵၼ်ယူႇတိၵ်းတိၵ်းထိုင်တီႈၵူၼ်းဝၢၼ်ႈပေႃးလႆႈပၢႆႈၽေးသိုၵ်း ။

“သိုၵ်းလွႆ ယိုဝ်းၵွင်ႈလူင်သႂ်ႇၼႂ်းဝၢၼ်ႈၶႃႈဢေႃႈ။ ယၢမ်းလဵဝ် ၵူၼ်းဝၢၼ်ႈဢမ်ႇ ႁတ်းယူႇၶႃႈ ဢွၼ်ၵၼ်ပၢႆႈဢွၵ်ႇဝၢၼ်ႈ ၵႂႃႇသွၼ်ႈဝႆႉတၢင်းဝၢၼ်ႈမႂ်ႇၵေႃႈမီး၊ တၢင်းဝၢၼ်ႈၸၢမ်ၵေႃႈမီးၶႃႈ။ တီႈၼႂ်းဝၢၼ်ႈပၢင်လူင်တႄႉ ဢမ်ႇမီးၽႂ်ၶႃႈ”- ၵူၼ်းဝၢၼ်ႈ ပွတ်းမၢၼ်ႈၸၢမ် ၵေႃႉၼိုင်ႈ လၢတ်ႈၼႄၼင်ႇၼႆ။

ဝၢႆးသေ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးသေ မွၵ်ႈၵၢင်လိူၼ်ၾႅပ်ႊၿိဝ်ႊရီႊၼၼ်ႉမႃး ၼႂ်းၸိုင်ႈတႆး ပွတ်းႁွင်ႇ လၢႆ ၸႄႈဝဵင်း ၵိူတ်ႇပဵၼ်ပၢင်တိုၵ်းၵၼ် ၶိုၼ်ႈမႃးႁၢဝ်ႈႁႅင်း၊ ၼႂ်းၵႄႈသိုၵ်းမၢၼ်ႈ တင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း RCSS, SSPP,TNLA, KIA ၸိူဝ်းၼႆႉသေဢမ်ႇၵႃး ၼႂ်းၵႄႈၸၢဝ်းၶိူဝ်းၼင်ႇၵၼ်ၵေႃႈ ပိုတ်းယိုဝ်းၵၼ်မႃးဢမ်ႇထၢတ်ႇ။

ၼွၵ်ႈလိူဝ်ၼၼ်ႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼင်ႇၵၼ်ၵေႃႈ ပိုတ်ႇပၢင်တိုၵ်းတေႃႇၵၼ်မႃးႁၢဝ်ႈႁႅင်း တေႃႇထိုင် ယၢမ်း လဵဝ် ပႆႇယဵၼ် ၵူၼ်းမိူင်း လႆႈပၢႆႈၽေးသိုၵ်း ၼပ်ႉႁဵင်  ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း