ဝၼ်းတီႈ 16/2/2022 မိူဝ်ႈၼႆႉယၢမ်းၵၢင်ၼႂ် PNLO/PNLA လႄႈ RCSS ယိုဝ်းၵၼ်တၢင်းဝၢၼ်ႈ ယၢၼ်ႇၵိၼ်း ပွတ်းတွၼ်ႈ ၵၼ်ႇတူးလူင် ၸႄႈဝဵင်းမွၵ်ႇမႆႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။
ပၢင်တိုၵ်းပဵၼ်မွၵ်ႈၶၢဝ်းယၢမ်း 11 မူင်းၵၢင်ဝၼ်း။ ၵူၼ်းဝၢၼ်ႈဢၼ်ပၢႆႈၽေးသိုၵ်းၵေႃႈဢမ်ႇမီး။ လွင်ႈမၢတ်ႇၸဵပ်းလူႉတၢႆၵေႃႈပႆႇလႆႈႁူႉတႅတ်ႈတေႃး။
ၵူၼ်းမွၵ်ႇမႆႇၵေႃႉၼိုင်ႈလၢတ်ႈဝႃႈ -“ပၢင်တိုၵ်းတႄႉပဵၼ်ဢမ်ႇပေႃးႁိုင်ၶႃႈႁိုဝ်ၶႃႈ ။ ၵူၼ်းပၢႆႈၽေးသိုၵ်းၵေႃႈဢမ်ႇမီး။ ငဝ်းလၢႆးၵေႃႈ ဢမ်ႇထိုင်တီႈလႆႈတူၵ်းၸႂ်ႁႅင်းၼင်ႇၵဝ်ႇ။ တၢင်းၵၼ်ႇတူးဢွၼ်ႇၼႆႉ လႆႈငိၼ်းဝႃႈ ယင်းတေႁဵတ်းပွႆးၵျွင်း ၵွၼ်ႇၶႃႈဢေႃႈ ”- ဝႃႈၼႆ။
PNLO/PNLA ၼႆႉ တူင်ႉၼိုင် တၢင်းထုင်ႉ ၵၼ်ႇတူးလူင် ၊ လွႆၾၢႆႇၸၢၼ်းဝဵင်းလၢင်းၶိူဝ်း ၵႂႃႇထိုင်တၢင်း ဝၢၼ်ႈမႆႉပူၵ်ႇ ၼွင်လိူဝ်ႇ ဝဵင်းမိူင်းပၼ်ႇ ၸိူဝ်းၼႆႉ ။ PNLO/PNLA လႄႈ RCSS ၼႆႉ ပဵၼ်ၸုမ်းလူင်းလၢႆးမိုဝ်းၵိုတ်းတိုၵ်း NCA ဝႆႉတင်း 2 ၸုမ်း။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ