ၸုမ်းပၢႆးမွၼ်းတႆး တုၵ်းယွၼ်းထိုင် ပီႈၼွင့်ၵူၼ်းမိူင်း ၼႂ်းမိူင်း/ ၼွၵ်ႈမိူင်း ႁူမ်ႈၵၼ် ၵမ့်ထႅမ် ၵူၼ်းထူပ်းၽေးသိုၵ်း၊ ၽေးသႃႇၽဝ လႄႈ ၽေးၵူႈလွင်ႈ ၼႂ်းမိူင်းတႆးဝႃႈၼႆ။
ၸဝ်ႈပၢႆးမွၼ်းတႆး ၼႂ်းမိူင်း/ ၼွၵ်ႈမိူင်း တင်းၼမ် ႁူမ်ႈၵၼ် ၶွတ်ႇၽွတ်ႈၶိုၼ်ႈမႃး ၸုမ်းပၢႆး မွၼ်းတႆးသေ တေတူင်ႉၼိုင်ႁဵတ်းသၢင်ႈ တႃႇၸွႆႈထႅမ် ၵူၼ်းမိူင်းတႆး ထူပ်းတၢင်းယၢပ်ႇၽိုတ်ႇ ၽေးပၢင်တိုၵ်း၊ ၽေးသ ၽႃႇဝ ပႃးၸဵမ် တႃႇၸွႆႈထႅမ် ၸဝ်ႈပၢႆးမွၼ်းတႆး ၽွင်းၸဵပ်းမႆႈၶႆႈၼၢဝ် လႄႈ ၵၢၼ်ပဵၼ်ၵၢၼ် လူ့ ၸိူဝ်းၼႆ့ ဝႃႈၼႆ။
ၸၢႆးသၢႆၾူၼ်း ၽူႈႁွင့်ၽဵင်းၵႂၢမ်းတႆး/ ၽူႈႁပ့်ပုၼ်ႈၽွၼ်း လွင်ႈၵမ့်ၸွႆႈ ၵပ်းသၢၼ် ၼႂ်း ၸႄႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ ယိူင်းဢၢၼ်းဢၼ်လႆႈတင်ႈၶိုၼ်ႈမႃး ၸုမ်းပၢႆး မွၼ်း တႆးႁဝ်းၶႃႈၼႆ့ တႃႇၸွႆႈထႅမ် ၵူၼ်းပၢႆႈၽေးသိုၵ်း၊ ၵူၼ်းမိူင်းထူပ်းတၢင်းယၢပ်ႇၽိုတ်ႇ၊ ၽေးသ ၽႃႇဝ၊ ၸဝ်ႈပၢႆးမွၼ်းထူပ်းတၢင်းယၢပ်ႇၽိုတ်ႇၵၼ် ၸိူဝ်းၼႆ့၊ ႁူင်းႁဵၼ်း ၸိူဝ်းထူပ်း တၢင်း ယၢပ်ႇၽိုတ်ႇ လိူဝ်ၼၼ့် ဢွင်ႈတီႈ ၵူၼ်းမိူင်းတႆးႁဝ်းၶႃႈ ၸိူဝ်းထူပ်းတၢင်းယၢပ်ႇၽိုတ်ႇ ၸိူဝ်း ၼၼ့်ၶႃႈ”- ဝႃႈၼႆ။
ယၢမ်းလဵဝ် ယွၼ်ႉပိူဝ်ႈၽေးၶဵၼ်ၵၢၼ်မိူင်း ၵၢၼ်သိုၵ်း ဢိၵ်ႇပႃး ၽေးရေႃးၵႃႇတၢင်းပဵၼ်ၵႃႇလ ၽႄႈလၢမ်းႁၢဝ်ႈႁႅင်းလႄႈ ၵူၼ်းမိူင်းၵူႈၸၼ်ႉထၢၼ်ႈ ယၢပ်ႇၽိုတ်ႇ ၊ ဢမ်ႇၸၢင်ႈႁဵတ်းၵၢၼ်၊ ပၢႆးမၢၵ်ႈမီးတူၵ်း။ ၵွပ်ႈၼႆ ၼင်ႇႁိုဝ်တေၸၢင်ႈၸွႆႈထႅမ်ၸိူဝ်းယၢပ်ႇၵိၼ်းလိူဝ်ႁႅင်း ၼၼ်ႉ ၸဝ်ႈပၢႆးမွၼ်းတႆးၸင်ႇလႆႈႁူမ်ႈၵၼ်ၶိုင်ပွင်မႃး ဝႃႈၼႆ။
“ၶၢဝ်းၶိဝ်းၼႆ့ ၽႂ်ၽႂ်ၵေႃႈ တေမီးတၢင်းယၢပ်ႇၽိုတ်ႇၵၼ် ၵူၺ်းၼႃႇ ဢၼ်ယၢပ်ႇၽိုတ်ႇလိူဝ်ႁဝ်း ၼၼ့် တိုၵ့်မီးၵူၼ်းပၢႆႈၽေးထူပ်းမီး ၸိူဝ်း ၼႆ့ၶႃႈဢေႃႈ။ သင်ပဵၼ်လႆႈၶႂ်ႈတိုၵ်းသူၼ်းထိုင် ၼမ် ဢမ်ႇဝႃႇ ဢေႇဢမ်ႇဝႃႈ ၵမ့်ထႅမ်ၶဝ်ႈမႃးၵႃႈႁိုဝ်ၵေႃႈ ႁဝ်းၶႃႈ ႁပ့်တွၼ်ႈယူႇၶႃႈ။ ယွၼ်း ႁႂ်ႈလွတ်ႈၽေးသိုၵ်း ၽေးၵူႈမဵဝ်းမဵဝ်းၶႃႈ”- ၸၢႆးသၢႆၾူၼ် သိုပ်ႇတိုၵ်းသူၼ်းၼင်ႇၼႆ။
မိူဝ်ႈၼႆ့ ဝၼ်းတီႈ 27/9/2021 ယူႇတီႈၸုမ်းပၢႆးမွၼ်းတႆးသေ လႆႈႁၢင်ႈႁႅၼ်းၵႂႃႇၸွႆႈထႅမ် ၵူၼ်း ပၢႆႈၽေးသိုၵ်း တီႈဝဵင်းမိူင်းၵိုင်ပႃး ၼႆယဝ့်။
ၸဝ်ႈပၢႆးမွၼ်းတႆး ဢၼ်ႁပ့်ပုၼ်ႈၽွၼ်းဝႆ့သမ့် ၼၢင်းႁွမ်သႂ် ၼမ့်ၶမ်း 09694208640 ၊ ၸၢႆး သၢႆၾူၼ် မူႇၸေႊ 09778899600 ၊ ၸၢႆးမိူင်းႁၢၼ် ၵျွၵ့်မႄး 09776177460 ၊ ၸၢႆးထႅမ် ၶိူဝ်း တႃႈၵုင်ႈ 09254167779 ၊ ၸၢႆးဝုၼ်းၵႅဝ်ႈ 095252786 ၊ ၼၢင်းမူဝ်ၶၢဝ် ၼူၼ်း 0819501147 (ထႆး)၊ ၼၢင်းၶမ်းၼွင့်လႅင်း 09422664945 ၊ ၼၢင်းလၢဝ်လၢဝ် 09777753899 ၊ ၸၢႆးႁၢၼ်လႅင်း မိူင်းထႆး 0909161250 ၊ ယိင်းသႅင်ၼူၼ်းၶမ်း မလေးသျႃး 0179738073 ၸိူဝ်းၼႆ့။ သင်ဝႃႈၽူႈမီးၸႂ်ၸေႇတၼႃႇတီႈၸမ်ၵႆ ၶႆႈႁူမ်ႈလူႇတၢၼ်းၸိုင် ၵပ်းသိုပ်ႇမႃးတီႈမၢႆၾူၼ်းဢၼ်ပၼ်ဝႆႉၸိူဝ်းၼႆႉ လႆႈႁူႉၼင်ႇၼႆ။
