Tuesday, June 18, 2024

ၵူၼ်းပဵၼ်ၶူဝ်ႊဝိတ်ႉ 19 တီႈၵျွၵ်ႉမႄး လူင်းႁူင်းယႃၵႂႃႇ 3 ဝၼ်းၵူၺ်း လူႉသဵင်ႈ

Must read

ၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 တီႈၵျွၵ်ႉမႄး ၵေႃႉၼိုင်ႈ တၼ်းလူင်းႁူင်းယႃ လႆႈ 3 ဝၼ်းၵူၺ်း လႆႈလူႉသဵင်ႈၵႂႃႇ တီႈႁိူၼ်းယေး။

Photo KME youth-ၵူၼ်းပဵၼ်ၶူဝ်ႊဝိတ်ႉသေလူႉတၢႆ တီႈၵျွၵ်ႉမႄး

မိူဝ်ႈဝႃး ဝၼ်းတီႈ 12/8/2021 ၵူၼ်းပဵၼ်ၶူဝ်ႊဝိတ်ႉ 19   ထဝ်ႈၸၢႆးၵေႃႉၼိုင်ႈ ယူတ်းယႃတူဝ်ၶႅၼ်းၸိုၼ်ႈယဝ်ႉသေ လူင်းႁူင်းယႃ ပွၵ်ႈမိူဝ်းယူႇႁိူၼ်းတၼ်းလႆႈ 3 ဝၼ်းၵူၺ်း  လူႉသဵင်ႈၵႂႃႇ တီႈႁိူၼ်းယေးမၼ်းၸၢႆး ပွၵ်ႈ 9 ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ  ။ ႁဵတ်းႁႂ်ႈပီႈၼွင်ႉၵူၼ်းႁိူၼ်းလႄႈၵူၼ်းၼႂ်းပွၵ်ႉ တူၵ်းၸႂ်။

- Subscription -

ၸုမ်းပရႁိတ ၵျွၵ်ႉမႄး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “လႆႈႁူႉဝႃႈ လူင်းႁူင်းယႃ ပွၵ်ႈမႃးႁိူၼ်းသေ ၸႂ်ႉဢွၵ်ႊသီႊ ၵျိၼ်ႊၸွႆႈထူၺ်ႈၸႂ် တီႈႁိူၼ်း။ ဢွၵ်ႊသီႊၵျိၼ်ႊဢၼ်ၸႂ်ႉတီႈႁိူၼ်းၼၼ်ႉ မီးသွင်လုၵ်ႈ ယၢမ်းလဵဝ်တႄႉ လႆႈၶိုၼ်းသူင်ႇ ပၼ် တီႈၸုမ်းဢၼ်ၵဵဝ်ႇၶွင်ႈတႃႇၸွႆႈထႅမ်ၵူၼ်းပဵၼ်ယဝ်ႉ”-  ဝႃႈၼႆ။

ၵူၼ်းပဵၼ်ၼႆႉ လူင်းႁူင်းယႃမႃး မိူဝ်ႈဝၼ်းတီႈ 10/8/2021 သေ လႆႈလူႉသဵင်ႈၵႂႃႇ မိူဝ်ႈဝၼ်းတီႈ 12/8/2021 ၼႆႉ ဝႃႈၼႆ။

“မၼ်းၸၢႆးၼႆႉ တၼ်းလူင်းႁူင်းယႃမႃး မီးၶၢဝ်းတၢင်း 3 ဝၼ်းၵူၺ်း ပဵၼ်ၵူၼ်းထဝ်ႈၶႃႈ။ မိူဝ်ႈဝႃး ယၢမ်းၵၢင်ၼႂ်ၼႆႉ ႁဝ်းၶႃႈ လႆႈပူၼ်ႉၶၢပ်ႈတူဝ် ၵူၼ်းတၢႆ ယွၼ်ႉၶူဝ်ႊဝိတ်ႉ 19 ၵႂႃႇတေမီး 2 ၵေႃႉ”- ၸုမ်းပရႁိတ ၵျွၵ်ႉမႄး သိုပ်ႇလၢတ်ႈၼႄၼင်ႇၼႆ။

ၾၢႆႇလူင်ႉလႅၼ်ႇပၢႆးယူႇလီၶဝ်တႅမ်ႈဢွၵ်ႇပိုၼ်ႈၽႄႈတီႈဢွၼ်ႊလၢႆႊတႄႉဝႃႈ ၵူၼ်းပဵၼ်ၶူဝ်ႊဝိတ်ႉသေလူင်းႁူင်းယႃပွၵ်ႈႁိူၼ်းၶိုၼ်းၼၼ်ႉ တေဢမ်ႇလႆႈမိူဝ်းႁဵတ်းၵၢၼ်ၼၵ်း၊တေဢမ်ႇလႆႈၵႂႃႇမႃးၶဝ်ႈႁႃပိူၼ်ႈၵမ်းလဵဝ် ၊ ပေႃးႁိူဝ်ႉႁႅင်း လိူတ်ႈတေၵၢမ်ႈၼႂ်းလွတ်ႇလိူတ်ႈသေ ၸၢင်ႈတၢႆ – ၵွပ်ႈၼႆ လူင်းႁူင်းယႃယဝ်ႉထုၵ်ႇလီ လိုဝ်ႈႁိူဝ်ႉတီႈႁိူၼ်း တီႈၵေႇသုတ်း 15 ဝၼ်း ဝႃႈၼႆ။

ၼႂ်းၸႄႈဝဵင်းၵျွၵ်ႉမႄးၼႆႉ ပေႃးၼပ်ႉၽတ်ႉၽဵင်ႇ ၸိုင် ၼိုင်ႈဝၼ်း ၵူၼ်းလူႉတၢႆ ယွၼ်ႉတၢင်းပဵၼ်ၶူဝ်ႊဝိတ်ႉ 19   တေ မီးမွၵ်ႈ 7 ၵေႃႉ။  

ၵူၼ်းမိူင်းၸိူဝ်းၸပ်းတၢင်းပဵၼ်ၶူဝ်ႊဝိတ်ႉ ဢမ်ႇယွမ်းၵႂႃႇယူတ်းယႃတူဝ်တီႈႁူင်းယႃ ၊ တီႈႁူင်းယႃၵေႃႈ ပႃးၸဵမ်မေႃယႃလႄႈၶိူင်ႈမႆႉၶိူင်ႈမိုဝ်းဢမ်ႇတဵမ်ထူၼ်ႈ ၊ ၵွပ်ႈၼႆ ၵူၼ်းပဵၼ်ၶူဝ်ႊဝိတ်ႉ ၸင်ႇလႆႈလူႉတၢႆ ၵူႈဝၼ်း။ ဢၼ်ပဵၼ်ၵေႃႈမီးၼမ်မႃးၵူႈဝၼ်း။

တေႃႇထိုင်ဝၼ်းတီႈ 11/8/2021 ၼႆႉ ၵူၼ်းမိူင်းတႆးပတ်းပိုၼ်ႉ ဢၼ်ၸပ်းတၢင်းပဵၼ်ၶူဝ်ႊဝိတ်ႉ မီး 22000 ပၢႆ တၢႆယွၼ်ႉၶူဝ်ႊဝိတ်ႉမီး 680 ပၢႆ ၊ ၾၢႆႇၽွင်းငမ်းၸႄႈမိူင်းတႆးပိုၼ်ၽၢဝ်ႇဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း