ပၢင်လိူၵ်ႈတင်ႈပတ်းပိုၼ်ႉမိူင်း ဢၼ်ၸတ်းၵႂႃႇမိူဝ်ႈဝၼ်းတီႈ 8 /11/2020 ၼႆႉၼၼ်ႉ တီႈၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ၵေႃႈ ပႃႇတီႇႁူဝ်သိူဝ် SNLD လႆႈၶႅပ်းမႄးၼမ်သုတ်းဢွင်ႇပေႉဝႆႉ 2 တီႈၼင်ႈ လႄႈ သၽႃးၸိူဝ်ႉၸၢတ်ႈၵေႃႈ ၶႅပ်းသဵင်ပႃႇတီႇ ႁူဝ်သိူဝ် လႆႈၼမ် ၼမ်းဝႆႉ တိုၵ်ႉပႂ်ႉထွမ်ႇၶႅပ်းသဵင်ႁူမ်ႈၵၼ်ဝႆႉယူႇ။
ဢၼ်လႆႈတီႈၼင်ႈသၽႃးၵႂႃႇတီႈၼမ်ႉတူႈၼႆႉတႄႉၽူႈတႅၼ်းသၽႃးၵူၼ်းမိူင်း ပဵၼ် ၼၢင်းၶမ်းဢေး၊ ၽူႈတႅၼ်းသၽႃးၸႄႈမိူင်း ၶဵတ်ႇ လိူၵ်ႈမၢႆ (2) ပဵၼ် ၸၢႆးၵျေႃႇၺုၼ်ႉ၊ ၽူႈတႅၼ်းသၽႃးၸႄႈမိူင်း ၶဵတ်ႇ လိူၵ်ႈမၢႆ (1) ပဵၼ်ပႃႇတီႇၼူၵ်ႉယုင်း NLD ၼေႃႇၽူႈတႅၼ်းပဵၼ် ဢူးဝိၼ်းလၢႆႇ။ သၽႃးၸိူဝ်ႉၸၢတ်ႈတႄႉ ၸၢႆးမျထုၼ်းသွႆႈႁႅင်း SNLD လႆႈၶႅပ်းမႄး လႅၼ်ႈၼႃႈ ၼမ်လိူဝ်ပိူၼ်ႈဝႆႉယူႇ။
တီႈၸႄႈဝဵင်းၼမ်ႉတူႈၼႆႉၼၢင်းၶမ်းဢေး လႆႈပဵၼ်ၽူႈတႅၼ်းသၽႃး ဝႆႉ 3 သိုပ်ႇ 3 ပၢၼ်ပႃးၼႆႉ။
ၵဵဝ်ႇၵပ်းလွင်ႈၼႆႉ UEC တႄႉပႆႇလႆႈပိုၼ်ၽၢဝ်ႇပဵၼ်တၢင်းၵၢၼ်။
