ၵူၼ်းမိူင်းတႆး 3 ပွတ်းတွၼ်ႈ တိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တင်းမူတ်းမီးၵႂႃႇ 174 ၵေႃႉယဝ်ႉ ဝႃႈၼႆ။
တႄႇဢဝ် ဝၼ်းတီႈ 30/3/2020 မႃးတေႃႇထိုင်ဝၼ်းတီႈ 5/11/2020 ၼႆႉ ၵူၼ်းမိူင်းတႆး ပွတ်းႁွင်ႇ၊ ပွတ်းၸၢၼ်းလႄႈ ပွတ်းဢွၵ်ႇၶူင်း ၵူၼ်းမိူင်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ဢၼ်ၵူတ်ႇထတ်းထူပ်းႁၼ်မီး 128 ၵေႃႉ။ ဢၼ်ၵူတ်ႇထတ်းႁၼ်တင်းၶိူင်ႈၵူတ်ႇထတ်း RDT Test သမ်ႉ မီး 46 ၵေႃႉ ႁူမ်ႈၵၼ် တင်းမူတ်းမီး 174 ၵေႃႉ ယူႇတီႈ ႁွင်ႈၵၢၼ်ပၢႆးယူႇလီမိူင်းတႆး ပိုၼ်ၽၢဝ်ႇဢွၵ်ႇဝႆႉၼင်ႇၼႆ။
ၼႂ်းၸႄႈမိူင်းတႆး ၵူၼ်းတိတ်းၸပ်းတၢင်းပဵၼ်ၸိူဝ်ႉမႅင်းၶူဝ်ႊဝိတ်ႉ 19 ပွတ်းၸၢၼ်းၼမ်တီႈသုတ်း လိူဝ်ၼၼ်ႉ ပွတ်းႁွင်ႇ လႄႈ ပွတ်းဢွၵ်ႇၶူင်း ၼႆယဝ်ႉ။
ယၢမ်းလဵဝ် ၼႂ်းမိူင်းႁူမ်ႈတုမ် တိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တင်းမူတ်းမီးၵႂႃႇ 57,935 ၵေႃႉ၊ ယူတ်းယႃ 14,405 ၵေႃႉ၊ ယႃၶႅၼ်း 42,178 ၵေႃႉလႄႈ လူႉတၢႆ 1,352 ၵေႃႉ ယူႇတီႈႁွင်ႈၵၢၼ်ပၢႆးယူႇလီ မိူင်းႁူမ်ႈတုမ်ပိုၼ်ၽၢဝ်ႇဢွၵ်ႇ ဝႆႉၼင်ႇၼႆ။
