ၼႂ်းမိူင်းတႆး ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 တင်းမူတ်းမီးၵႂႃႇ 142 ၵေႃႉ ၼႂ်းၼၼ်ႉ ပွတ်းၸၢၼ်းပဵၼ်ၼမ်လိူဝ် ပွတ်းႁွင်ႇ တင်းမိူင်းတႆးပွတ်းဢွၵ်ႇ။
ဝၼ်းတီ 29/10/2020 မိူဝ်ႈၼႆႉ ၵူၼ်းမိူင်းတႆး တိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တင်းမူတ်းမီး 106 ၵေႃႉ၊ ဢၼ် ဢဝ်ၶိူင်ႈ Test Kit သေထတ်း ႁူႉႁၼ် ၸိူဝ်ႉမႅင်းမီး 36 ၵေႃႉ ။ ႁူမ်ႈတင်းမူတ်း 142 ၵေႃႉ။ ဢၼ်တိုၵ်ႉယူတ်းယႃတူဝ်ဝႆႉ 74 ၵေႃႉ၊ လူႉတၢႆ 1 ၵေႃႉ၊ လႆႈၶႂၢင်ႉလူင်းႁူင်းယႃ 67 ၵေႃႉ။
ဝၼ်းတီႈ 28/10/2020 ၵူၼ်းမိူင်းတႆး မီးၵူၼ်းၸပ်းတၢင်းပဵၼ်ထႅင်ႈ 7 ၵေႃႉ – ဝဵင်းဢုမ်ႇပဝ်း(ဢွင်ႇပၢၼ်း) 1 ၵေႃႉ၊ ယႂႃႇငၢၼ်ႇ 1 ၵေႃႉ၊ သီႇသႅင်ႇ 1 ၵေႃႉ၊ လွၵ်းၸွၵ်ႇ 1 ၵေႃႉ လႄႈ ဢေးသႃႇယႃႇ 1 ၵေႃႉၼႆ ႁွင်ႈၵၢၼ်ပၢႆးယူႇလီ မိူင်းတႆး ပိုၼ်ၽၢဝ်ႇဢွၵ်ႇဝႆႉၼင်ႇၼႆသေတႃႉ ထႅင်ႈၵေႃႉၼိုင်ႈတႄႉ ပဵၼ်ၵူၼ်းတီႈလႂ်ၼႆဢမ်ႇတူၵ်ႇပႃး။
ယၢမ်းလဵဝ် ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ၼႂ်းမိူင်းႁူမ်ႈတုမ်ပတ်းပိုၼ်ႉ တင်းမူတ်းမီး 49,072 ၵေႃႉ၊ ယူတ်းယႃ 19,264 ၵေႃႉ၊ ယႃၶႅၼ်း 2,8636 ၵေႃႉလႄႈ လူႉတၢႆ 1,172 ၵေႃႉ ႁွင်ႈၵၢၼ်ပၢႆး ယူႇလီလႄႈ ၾၢႆႇလဵၼ်ႈႁႅင်း မိူင်းႁူမ်ႈတုမ် ပိုၼ်ၽၢဝ်ႇဝႆႉ။
