သိုၵ်းမၢၼ်ႈလႄႈ တပ်ႉသိုၵ်းၵႅတ်ႇၶႄၸိူဝ်ႉၸၢတ်ႈယၢင်းလႅင် KNDF ပိုတ်းယိုဝ်းတိုၵ်းတေႃးၵၼ် တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း သိုၵ်းမၢၼ်ႈ ၸႂ်ႉၵွင်ႈလူင်ပိုတ်းယိုဝ်း ႁၢဝ်ႈႁႅင်း ၵူႈဝၼ်း ။ ယၢမ်းလဵဝ် ၵူၼ်းပၢႆႈၽေးဢၼ်ယူႇသဝ်းဝႆႉႁိမ်းႁွမ်း ဝဵင်းမိူင်းပၢႆး လူဝ်ႇတၢင်းၸွႆႈထႅမ် ၽႃႈယင်(မူဝ်းၵႃႇ) ဝႃႈၼႆ ။ တွၼ်ႈတႃႇ သိုၵ်းမၢၼ်ႈ တေၵုမ်းၵမ်လႆႈၶိုၼ်း ဝဵင်းၾၢႆၶုၼ်၊ ဝဵင်းမိူင်းပၢႆး၊ ဝဵင်းလွႆၶေႃ ၼၼ်ႉ ...

တႄႇဢဝ်ႁူဝ်လိူၼ်မေႊၼႆႉမႃး ၸွမ်းဝၢၼ်ႈၼမ်ႉဢုၼ်ႇ၊ ဝၢၼ်ႈလွႆလူင် ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်းၼႆႉ သိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း PNO ႁူမ်ႈၵၼ်သေ သိုပ်ႇ ပဵၼ်ပၢင်တိုၵ်းၵၼ်တင်း ၸုမ်းလုၵ်ႉၽိုၼ်ႉၶဝ်ဢမ်ႇထၢတ်ႇလႄႈ ႁဵတ်းႁႂ်ႈၵူၼ်းပၢႆႈၽေး ပႆႇၸၢင်ႈပွၵ်ႈၶိုၼ်းႁိူၼ်းယေး ၼႆယဝ်ႉ။ ၵူၼ်းပိုၼ်ႉတီႈ ၸႄႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ - “မၢၵ်ႇလူင်ၸိူဝ်းၼႆႉ ၵႆႉတူၵ်းၼႃႇၶႃႈ။ ၼႂ်းဝူင်ႈၼႆႉၵူၺ်း တူၵ်း 2 လုၵ်ႈ...

မိူဝ်ႈဝႃး ဝၼ်းတီႈ 07/05/2025 ၸုမ်းၵူၼ်းၼုမ်ႇတႆး ဝဵင်းယွင်ႁူၺ်ႈ၊ ၸုမ်းၵုၼ်ႁဵင်ၽွင်ႇတေးသျိၼ်း လႆႈဢွၼ်ၸုမ်းၶႅၵ်ႇလီပၢင်ၸႃႉတႆး မိူင်းမၢဝ်း ဢၼ်လုၵ်ႉတၢင်းလႅၼ်လိၼ်တႆး - ၶႄႇ မႃးၼၼ်ႉ ၵႂႃႇ ႁူပ်ႉထူပ်းဢုပ်ႇဢူဝ်းပၼ်ႁႅင်းၸႂ် ၵူၼ်းပၢႆႈၽေးသိုၵ်း တီႈဝၢၼ်ႈမွၵ်ႇပီ ထုင်ႉၼွင်ႁၢႆးယႃႈ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း လႆႈၵမ်ႉထႅမ်ပၼ်ပႃး တႃႇပူၵ်းသုမ်ႉယူႇသဝ်း ၽွင်းပၢႆႈၽေးသိုၵ်း - ဝႃႈၼႆ။ ၸုမ်းၵူၼ်းၼုမ်ႇတႆး...

တႄႇႁၢင်လိူၼ် မတ်ႉၶျ် ၼႆႉမႃးသိုၵ်းမၢၼ်ႈတဵၵ်း  ၸႂ်ႉၵူၼ်းမိူင်းဝဵင်းလွႆၶေႃ ပၢႆႈၽေးသိုၵ်း ၵႂႃႇယူႇဝႆႉ ၼႂ်းၸႄႈဝဵင်းယွင်ႁူၺ်ႈၸိူဝ်းၼၼ်ႉ ပွၵ်ႈၶိုၼ်ႈႁိူၼ်းၽႂ်မၼ်း၊ တီႈၼႂ်းဝၢၼ်ႈၼႂ်းဢိူင်ႇသမ်ႉ သိုၵ်းမၢၼ်ႈ ၶဝ်ႈတဝ်ၵူတ်ႇထတ်းၵူၼ်းဝၢၼ်ႈသေတီႉၺွပ်းၵႂႃႇပႃးထႅင်ႈ ။ ၵူၼ်းပၢႆႈၽေးသိုၵ်း ၸိူဝ်းပွၵ်ႈယူႇၶိုၼ်းႁိူၼ်းယေးၸိူဝ်းၼၼ်ႉ သိုၵ်းမၢၼ်ႈ ၵူတ်ႇထတ်း မၢႆၾၢင်သေ ထဵတ်ႈထၢမ်ႁၢဝ်ႈႁႅင်း။ ပေႃးပဵၼ်ၶႃႈႁၢပ်ႇၵၢၼ်ၶုၼ်ၸိူဝ်းႁဵတ်း CDM ဝႆႉၼႆတီႉၺွပ်းၵႂႃႇပႃးမီးမွၵ်ႈ 10 ၵေႃႉယဝ်ႉ  ဝႃႈၼႆ ။ ၵူၼ်းမိူင်းဝဵင်းလွႆၶေႃ...

ယၢမ်းလဵဝ် သိုၵ်းၵဝ်ႈၵၢင်ႉ ၶတ်းၸႂ်ႁဵတ်းသၢင်ႈၶိုၼ်း ၵၢၼ်ႁုၼ်ႈမုၼ်းၶိုၼ်ႈယႂ်ႇ တီႈဝဵင်းလူင်မိူင်းတႆး ပွတ်း ႁွင်ႇ ဝဵင်းလႃႈသဵဝ်ႈၼၼ်ႉ ႁႂ်ႈပဵၼ်မိူၼ်ၵဝ်ႇ ၵိုၼ်းၶွၼ်ႈမႃးၶိုၼ်းၼႆယူႇ။ ၾၢႆႇၼိုင်ႈတၢင်းၼိုင်ႈၵေႃႈ ယွၼ်ႉ မီးၶၢဝ်ႇႁူင်လိုဝ်း ဝႆႉဝႃႈ သိုၵ်းၵဝ်ႈၵၢင်ႉ တေလႆႈထွႆဢွၵ်ႇပၼ်ၶိုၼ်း ၼႂ်းဝဵင်းလႃႈသဵဝ်ႈ ၵွၼ်ႇပႆထိုင် လိူၼ်ၵျုၼ်ႊ ပီ 2025 ၼႆႉၼႆလႄႈ ၸွင်ႇသိုၵ်းၵဝ်ႈၵၢင်ႉသမ်ႉ မီးၽႅၼ်ၵၢၼ်တႃႇထွႆၶိုၼ်းႁိုဝ်...

ၵူၼ်းပၢႆႈၽေးသိုၵ်း မိူင်းယၢင်းလႅင် ဢၼ်ပၢႆႈမႃးသွၼ်ႈဝႆႉ တီႈဝဵင်းယွင်ႁူၺ်ႈ ႁူဝ်ၵူၼ်းၼပ်ႉႁဵင်ၼၼ်ႉ သိုၵ်းမၢၼ်ႈ ၸႂ်ႉပွၵ်ႈၶိုၼ်းႁိူၼ်းယေး ႁဵတ်းႁႂ်ႈမီးလွင်ႈယၢပ်ႇၽိုတ်ႇႁႅင်း။ ယၢမ်းလဵဝ် ၾၢႆႇၽွင်းငမ်း ဢၼ်ယူႇတႂ်ႈသိုၵ်းမၢၼ်ႈ ၵုမ်းၵမ် ပၼ်ႁႅင်းဢီး ႁႂ်ႈၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉ ၸွမ်းဝတ်ႉဝႃးၽႃသိူဝ်ႇ ၼႂ်းဝဵင်းယွင်ႁူၺ်ႈ ၸိုင်ႈတႆးပွတ်း ၸၢၼ်းၼႆႉ ႁႂ်ႈဢွၼ်ၵၼ် ပွၵ်ႈ ၶိုၼ်းႁိူၼ်းယေးၽႂ်းမၼ်း တင်းမူတ်း တေႃႇထိုင်လိူၼ်ၼႆႉသဵင်ႈ ဝႃႈၼႆ။ ၵဵဝ်ႇလူၺ်ႈ...

ၼၢင်းယိင်းၵူၼ်းပၢႆႈၽေးသိုၵ်း ဢၼ်မႃးသွၼ်ႈယူႇဝႆႉတီႈဝၢၼ်ႈလွႆၵဵင်ႈ ၸႄႈဝဵင်းပၢင်လွင်း ၸိုင်ႈတႆး ပွတ်းၸၢၼ်း ထုၵ်ႇယိုဝ်းတၢႆ ဝႃႈၼႆ ။ ၼၢင်းယိင်းထုၵ်ႇၺႃးယိုဝ်းတၢႆၼၼ်ႉ ၸိုဝ်ႈႁွင်ႉ ၼၢင်းဝႃႇ ဢႃယု 45 ပီ ။ ၼႂ်ဝၼ်းတီႈ 28/2/2025 ၼၼ်ႉ ၶႃၽူဝ်မေး လုၵ်ႉဝၢၼ်ႈလွႆၵဵင်ႈ ၶီႇရူတ်ႉၶိူင်ႈၵႂႃႇ  ဝၢၼ်ႈၼမ်ႉၽႃမူ။  ၽွင်းပွၵ်ႈမႃးၶိုၼ်းတီႈ ႁွင်ႈႁိူၼ်းၶဝ် လိုဝ်ႈသဝ်းၼၼ်ႉ...

ၵူၼ်းပၢႆႈၽေးသိုၵ်း ဢၼ်မႃးမီးတီႈ ဝဵင်းယႂႃႇငၢၼ်ႇ  ၸိုင်ႈတႆးပွတ်းၸၢၼ်း ဢွၼ်ၵၼ်ပဵၼ်ၶူမ်းၵၢႆး ၸဵပ်း ယဵၼ်း လူဝ်ႇတၢင်းၸွႆႈထႅမ်ယႃႈယႃ ။ ယၢမ်းလဵဝ် တီႈဝဵင်းယႂႃႇငၢၼ်ႇၼႆႉ မီးၵူၼ်းပၢႆႈၽေးသိုၵ်း  500 ပၢႆ ၊ ၵူၼ်းဢၼ်ၸပ်းတၢင်းပဵၼ် ၶူမ်းၵၢႆးၼႆႉ ၵမ်ႈၼမ်ပဵၼ်လုၵ်ႈဢွၼ်ႇ ဢႃယု 10 ၶူပ်ႇလူင်းတႂ်ႈလႄႈ မႄႈပုမ်လူင် ၸိူဝ်းၼႆႉ ဝႃႈၼႆ ။ ၼၢင်းယိင်းၵူၼ်းၸွႆႈထႅမ်...

ၵူၼ်းမိူင်းဝဵင်းၼမ်ႉလၼ်ႈ ၸိုင်ႈတႆးပွတ်းႁွင်ႇ ဢၼ်ပၢႆႈၽေးသိုၵ်းမႃးယူႇဝႆႉ တီႈဝဵင်းမိူင်းၼၢႆး ၸိုင်ႈတႆးပွတ်းၸၢၼ်းၼၼ်ႉ ယၢမ်းလဵဝ်တွပ်ႇလိၵ်ႈယဝ်ႉလီငၢမ်း ၊ တၢင်းဝၢၼ်ႈၵိူတ်ႇ မိူင်းၼွၼ်းၵေႃႈ ငဝ်းလၢႆးပၢင်တိုၵ်းယဵၼ်ဝႆႉလႄႈ ဢွၼ်ၵၼ်ပွၵ်ႈၶိုၼ်း ႁိူၼ်းယေးၽႂ်မၼ်း။ ဢိင်ၼိူဝ်ပၢင်တိုၵ်း ၽႅၼ်ယၼ်ႇသိုၵ်း 1027 သေ ႁၢင်ပီ ပီၵၢႆ 2024 ၼႆႉ ပၢင်တိုၵ်းၼႂ်းၵႄႈ သိုၵ်းၶႄႇၵဝ်ႈၵၢင်ႉ MNDAA လႄႈ သိုၵ်းမၢၼ်ႈ...

 ဝၼ်းတီႈ 18/2/2025 ၵၢင်ႉၵႄႇ ၼႂ်းပွၵ်ႉ ဝဵင်းတူၼ်ႈတီး လၢတ်ႈတီႈၵူၼ်းမိူင်းဝႃႈ - သိုၵ်းမၢၼ်ႈ တေပၼ်ငိုၼ်း ၼိုင်ႈႁိူၼ်း 2 မိုၼ်ႇပျႃး ႁႂ်ႈမႃးဢဝ်တီႈ ႁူင်းႁေႃးၵၢင်ဝဵင်းဝႃႈၼႆသေတႃႉ ဢမ်ႇပႆႇမီးၽႂ်လႆႈငိုၼ်း ဝႃႈၼႆ။ ၼၢင်းယိင်းပၢႆႈၽေးသိုၵ်းၵေႃႉၼိုင်ႈဢၼ်ႁွတ်ႈထိုင်ဝႆႉတီႈဝဵင်းတူၼ်ႈတီး လၢတ်ႈၽူႈတွႆႇႁွၵ်ႈဝႃႈ-“မိူဝ်ႈၶဝ်မႃးၵဵပ်းသဵၼ်ႈၸိုဝ်ႈတႄႉလၢတ်ႈဝႃႈ တေပၼ် ၼိုင်ႈၵေႃႉ 2 မိုၼ်ႇၼႆ ၊ တီႈတႄႉ ၶဝ်ပၼ်...

ၵူၼ်းပၢႆႈၽေးသိုၵ်း ၸႄႈဝဵင်းယွင်ႁူၺ်ႈ  300 ပၢႆ လူဝ်ႇတင်းၸွႆႈထႅမ် ၶဝ်ႈၼမ်ႉ တင်းၵိၼ်   ။ ၽႅၼ်ယၼ်ႇသိုၵ်း 1111  မိူဝ်ႈပီ 2023 ၼၼ်ႉ သိုၵ်းမၢၼ်ႈတင်း ၸုမ်းလုၵ်ႉၽိုၼ်ႉ ယိုဝ်းတိုၵ်းၵၼ် တီႈဝဵင်းလွႆၶေႃ ႁၢဝ်ႈႁႅင်း  ၵူၼ်းမိူင်း လႆႈဢွၼ်ၵၼ်ငိူင်ႉပၢႆႈၽေးသိုၵ်း ၵႂႃႇသွၼ်ႈယူႇ ၼႂ်းၸႄႈဝဵင်း ယွင်ႁူၺ်ႈ  ။ ယၢမ်းလဵဝ် ႁူဝ်ၼပ်ႉၵူၼ်းပၢႆႈၽေးသိုၵ်း...

ၵူၼ်းပၢႆႈၽေးသိုၵ်း ၼႂ်းမိူင်းတႆးပွတ်းၸၢၼ်း၊ တိူင်းၸႄႈၵႅင်း၊ တိူင်းပႃႇၵိူဝ် ပွတ်းဢွၵ်ႇ၊ မိူင်းယၢင်းလႅင်၊ မိူင်းၶျၢင်းလႄႈ မိူင်းရၶႅင်ႇ ၸိူဝ်းၼႆႉ ဢွၼ်ၵၼ်ၸပ်းတၢင်းပဵၼ်ၽိဝ်ၼင်ၶူမ်းၵၢႆး ယၢမ်းလဵဝ် ယၢပ်ႇၽိုတ်ႇတႃႇယူတ်းယႃ။ ၽူႈၸွႆႈထႅမ်ၵူၼ်းပၢႆႈၽေးသိုၵ်း လၢတ်ႈဝႃႈ - ၵူၼ်းပၢႆႈၽေးၶဝ် ဢမ်ႇမီးၶိူင်ႈၸႂ်ႉၶူဝ်းတိုဝ်း တႃႇႁဵတ်းလွင်ႈမူတ်းသႂ်၊ ၼမ်ႉၵိၼ်ၼမ်ႉၸႂ်ႉယၢပ်ႇၵိၼ်း၊ သိူဝ်ႈၶူဝ်းတႃႇပုတ်ႈလၢႆႈ ဢမ်ႇၵုမ်ႇထူၼ်ႈလႄႈ ဢွၼ်ၵၼ်ၸပ်း တၢင်းပဵၼ်ၽိဝ်ၼင်ၶူမ်း ၵၢႆး။ ယႃႈယႃ...

ပၢင်တိုၵ်း သိုၵ်းမၢၼ်ႈတင်း သိုၵ်းၶၢင် KIA ပိုတ်းယိုဝ်းၵၼ် ႁၢဝ်ႈႁႅင်း ၼႂ်းၸႄႈဝဵင်းမၢၼ်ႈမေႃႇ မိူင်းၶၢင်သေ ႁဵတ်း ႁႂ်ႈၵူၼ်းမိူင်းပၢႆႈၽေးသိုၵ်းတင်းၼမ် မၢင်ၸိူဝ်းပၢႆႈႁွတ်ႈထိုင်ဝဵင်းၼမ်ႉၶမ်း ၸိူဝ်းၼႆႉ။   ပူၼ်ႉမႃး ဝၼ်းတီႈ 29/12/2024 ယၢမ်းဝၢႆးဝၼ်း 4 မူင်း ၵူၼ်းဝၢၼ်ႈတေႇဝႃႈ၊ ဝၢၼ်ႈၵုင်းမၢၵ်ႇႁၢတ်ႇလႄႈ ဝၢၼ်ႈသိုင်ႇလၢင်ႊ ၼႂ်းၸႄႈဝဵင်းမၢၼ်ႈမေႃႇ ၸႄႈမိူင်းၶၢင် ဢွၼ်ၵၼ်ပၢႆႈၽေးသိုၵ်း...

တႄႇႁူဝ် လိူၼ်တီႊသႅမ်ႊပိူဝ်ႊၼႆႉမႃး သိုၵ်းမၢၼ်ႈၸႂ်ႉၵူၼ်းမိူင်းဝဵင်းလွႆၶေႃ ဢၼ်ပၢႆႈၽေးသိုၵ်းယူႇသဝ်းဝႆႉၸွမ်းၶႅပ်ႇဝဵင်း ၼႂ်းထိူၼ်ႇၼႂ်းႁူၺ်ႈၸိူဝ်းၼၼ်ႉပွၵ်ႈၶိုၼ်းႁိူၼ်း၊ ၵူၼ်းမိူင်းပွၵ်ႈမိူဝ်းယဵပ်ႇၺႃးမၢၵ်ႇ မၢတ်ႇၸဵပ်းလူႉတၢႆ    ။ မိူဝ်ႈဝၼ်းတီႈ 12/12/2024  ထဝ်ႈၸၢႆးၵေႃႉၼိုင်ႈ ဢၼ်ယူႇပွၵ့်တေႃးဢူ့ၶူႇ (ဒေါဥခူ )  ဝဵင်းလွႆၶေႃ ၊လုၵ်ႉတီႈၼႂ်းထိူၼ်ႇ ဢၼ်ပၢႆႈသွၼ်ႈၽေးသိုၵ်းဝႆႉၼၼ်ႉသေ ပွၵ်ႈၶိုၼ်းႁိူၼ်း ၊ မိူဝ်းယဵပ်ႇၺႃးမၢၵ်ႇ ၶႃပုတ်း လိူတ်ႈဢွၵ်ႇၼမ်ပူၼ်ႉတီႈ ထိုင်တီႈလူႉတၢႆ။ ၼၢင်းယိင်းၵူၼ်းမိူင်း ဝဵင်းလွႆၶေႃ လၢတ်ႈၽူႈတွႆႇႁွၵ်ႈဝႃႈ...

ၵူၼ်းပၢႆႈၽေးသိုၵ်း ဢၼ်ပၢႆႈမႃးမီးတီႈဝဵင်းယွင်ႁူၺ်ႈၼႆႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ၵမ်ႈၽွင်ႈ တီႈဝဵင်းပၢင်လွင်း ယွၼ်ႉမႆႈၸႂ်ၶူဝ်းသူၼ်ႁႆႈၼႃးသေ ပွၵ်ႈမိူဝ်းၶိုၼ်း တိုၵ်ႉလႆႈမႆႈၸႂ်ဝႆႉ လွင်ႈႁူမ်ႇလူမ်ႈ ဝႃႈၼႆ။ ယၢမ်းလဵဝ် ၵူၼ်းပၢႆႈၽေးသိုၵ်း ၸိူဝ်းပၢႆႈႁွတ်ႈထိုင်ဝႆႉတီႈဝဵင်းယွင်ႁူၺ်ႈ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ယွၼ်ႉမႆႈၸႂ်မၢၵ်ႇၶဝ်ႈတဝ်ႈၼမ်ႉ ၶူဝ်းၼႂ်းသူၼ်ႁႆႈၼႃးၵၼ်သေ ဢွၼ်ၵၼ်မိူဝ်ႈၶိုၼ်းႁိူၼ်း ၼပ်ႉႁူဝ်ပၢၵ်ႇ ၼႆယဝ်ႉ။ ၵူၼ်းပၢႆႈၽေးသိုၵ်းဝဵင်းပၢင်လွင်း ဢၼ်ပၢႆႈမႃးသွၼ်ႈဝႆႉတီႈယွင်ႁူၺ်ႈ လၢတ်ႈၽူႈတွႆႇႁွၵ်ႈဝႃႈ - “မိူဝ်ႈလဵဝ်ၼႆႉ ၵူၼ်း...