“မႄႈၼမ်ႉၵူၵ်း ပဵၼ်သၢႆၸႂ်၊ မႄႈၼမ်ႉၵူၵ်း ၺႃးငူၼ်ႉၵွင်ႉ၊ မႄႈၼမ်ႉတၢႆ ၵေႃႈ သၢႆၸႂ်ႁၢႆ၊ ၵၢင်ၸႂ်ႁဝ်းၵူၼ်းမိူင်းၶႂ်ႈတုၵ်း ယွၼ်း ၶေႃႈလဵဝ်  ပိၵ်ႉဢိုတ်းၶူင်းၵၢၼ်ၶုတ်းႁႄႈ၊ ၶုတ်းၶမ်း ၼႂ်းမိူင်းတႆးတင်းသဵင်ႈၶႃႈ”ၼႆသေ ၼၢင်းယိင်းတႆး ဢႃႇယု 40 ပၢႆ ၵေႃႉလႆႈ ယၢၼ်ပၢႆႈၽေးပၢင်တိုၵ်းၼႂ်းမိူင်းတႆးသေ မႃးပိုင်ႈႁူမ်ႈၽူၺ်းယူႇ ၼႂ်းဝဵင်းတႃႈတွၼ်း ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႂ်ႇ ၸိုင်ႈထႆးပွတ်းႁွင်ႇ...

ဝၢႆးလင် ႁၢင်ႈလၢဝ်ထဵမ်းဢွၵ်ႇမႃး ပိုၼ်ႉတီႈသိုၵ်းဝႃႉလႄႈ သိုၵ်းမၢၼ်ႈ ႁူမ်ႈၵၼ်ၶုတ်းႁိၼ်ႁႄႈ ၼႂ်းမိူင်းတႆး ပွတ်းဢွၵ်ႇ ႁိမ်းလႅၼ်လိၼ်ထႆးၼၼ်ႉသေ ၵူၼ်းမိူင်းထႆးပွတ်းၼိူဝ် ပဵၼ်ဢၼ်တူၵ်းၸႂ်မႆႈၸႂ်တႃႇမိူဝ်းၼႃႈ လႄႈ ၼႅတ်ႈသူင်ႇလိၵ်ႈၸူး လုမ်းတၢင်မိူင်းၶႄႇလႄႈ မိူင်းမၢၼ်ႈ ႁႂ်ႈႁၢမ်ႈပၼ်လွင်ႈၼႆႉဝႆးဝႆး ဝႃႈၼႆ။ ဝၼ်းတီႈ 19/05/2025 ၸုမ်းၾၢႆႇတူင်ႇဝူင်းၵူၼ်း၊ ၾၢႆႇႁၵ်ႉသႃသိင်ႇဝႅတ်ႉလွမ်ႉ၊ ၸဝ်ႈပၢႆးမၢၵ်ႈမီး ၼႂ်းၸႄႈ တွၼ်ႈၵဵင်းႁၢႆး မိူင်းထႆး တွၼ်ႈၼိူဝ်...

SHRF ပိုၼ်ၽၢဝ်ႇဢွၵ်ႇမႃး ၶႅပ်းႁၢင်ႈလၢဝ်ပွမ် ပိူင်းၼႄၵၢၼ်ၶုတ်းႁႄႈ ၼႂ်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း ဢၼ်ႁၢင်ႇၵႆလႅၼ်လိၼ်ထႆး 25 ၵီႊလူဝ်ႊမႄႊတိူဝ်ႊၼၼ်ႉ ဝႃႈၼႆ။ ဝၼ်းတီႈ 15/05/2025 ပူၼ်ႉမႃးၼႆႉ ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်းတႆး SHRF ဢွၵ်ႇၽိုၼ်တၢမ်းငဝ်းလၢႆး ၵဵဝ်ႇလူၺ်ႈၶႅပ်းႁၢင်ႈလၢဝ်ပွမ် ပိူင်းၼႄဝႃႈ လႅပ်ႈမီးၵၢၼ်ၶုတ်းႁႄႈ ႁႃယၢပ်ႇ (Rare Earth) သွင် ပိုၼ်ႉတီႈ...

ၾၢႆႇတင်းလူင်ပွင်ၸိုင်ႈထႆး ပိုၼ်ၽၢဝ်ႇဝႃႈ ယွၼ်ႉၶုတ်းၶမ်း တီႈၼႂ်းၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇလႄႈ ၼမ်ႉၵူၵ်းပဵၼ်ၵွင်ႉငူၼ်ႉသေ ပႃပဵၼ်ၸဵပ်းယဵၼ်း ဝႃႈၼႆ။ ၼမ်ႉၵူၵ်း ဢၼ်မီးၾၢႆႇၼိူဝ် ၼႂ်းၸႄႈဝဵင်းမိူင်းသၢတ်ႇၼၼ်ႉ လတ်းလူင်းၸွမ်းလႅၼ်လိၼ်တႆး - ထႆး လႆၶဝ်ႈၼႂ်းၸႄႈဝဵင်းၵဵင်းႁၢႆး ဢၼ်မီးၼႂ်းၸိုင်ႈထႆး။ ၼႂ်းလိူၼ်သွင်လိူၼ်ၼႆႉမႃး ၵူၼ်းမိူင်းထႆး ၸိူဝ်းၵႂႃႇႁႃ ၵိၼ်ပႃၸိူဝ်းၼၼ်ႉထူပ်းႁၼ်ပႃ ပဵၼ်ၸဵပ်းယဵၼ်းၸွမ်းတူဝ်။ မီးတုမ်ႇၼမ်ႉသႂ်မိူၼ်ပွင်းၶိုၼ်ႈမႃးသေ တႅၵ်ႇပဵၼ်ၸဵပ်းလွၵ်ႈလၢၼ်ႉၵႂႃႇ။ ၾၢႆႇႁၵ်ႉသႃသိင်ႇဝႅတ်ႉလွမ်ႉၶဝ်ဢဝ်ပႃၼၼ်ႉ ၵႂႃႇၽႄထၢတ်ႈတူၺ်း...

မေႃႇၶမ်းၼႂ်းၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၼၼ်ႉ လၢႆႇၼမ်ႉၶုတ်းၶမ်း ဢၼ်ပႃးထၢတ်ႈ ၶႅမ်ႊမီႊၶိူဝ်ႊၼၼ်ႉ ပွႆႇလူင်းၼႂ်းၵႄးၼမ်ႉၵူၵ်းလႄႈ ႁဵတ်းႁႂ်ႈၼမ်ႉၵူၵ်းဝူၺ်ႇႁင်ႈ မီးၵွင်ႉငူၼ်ႉ၊ ၸၢင်ႈပဵၼ်ၽေး တေႃႇၵူၼ်းမိူင်းတႆးလႄႈ မိူင်းထႆး ၸိူဝ်းယူႇၸွမ်းၾင်ႇၼမ်ႉ ၼပ်ႉႁူဝ်သႅၼ်ၵေႃႉ ၽူႈလူင်ႉလႅၼ်ႇတင်း ၾင်ႇမိူင်းထႆးၵူတ်ႇထတ်းယဝ်ႉ ပိုၼ်ၽၢဝ်ႇဝႆႉၼင်ႇ ၼႆ။ ၼမ်ႉၵူၵ်းၼႆႉ ယၢဝ်း 285 ၵီႊလူဝ်ႊမီႊတႃႊ ၵူၼ်းမိူင်း ဢၼ်ယူႇၸွမ်းသၢႆၼမ်ႉၵူၵ်းသေ ပိုင်ႈဢိင်လွင်ႈၵိၼ် လွင်ႈၸႂ်ႉသမ်ႉ...