တႄႇဢဝ် ႁူဝ်လိူၼ်ၵျူႊလၢႆႊၼႆႉမႃး ပၢင်တိုၵ်းသိုပ်ႇပဵၼ်ၼႂ်းၸိုင်ႈတႆးပွတ်းႁွင်ႇလၢႆတီႈ မိူၼ်ၼင်ႇ မိူင်း မိတ်ႈ ၊ ၼွင်ၶဵဝ် ၊ လႃႈသဵဝ်ႈ ၊ မိူင်းယႆ ၸိူဝ်းၼႆႉ ၵူၼ်းမိူင်းသၢမ်ပၢၼ်ၸဵတ်းသႅၼ်း လႆႈပၢႆႈၽေးသိုၵ်း။ ၸိူဝ်းတိုၵ်ႉၼုမ်ႇတိုၵ်ႉၵမ် မီးဢဵၼ်မီးႁႅင်းတႄႉ ပၢႆႈလႆႈလၼ်းၵၼ်းသေတႃႉ ၸိူဝ်းဢႃယုသုင်၊ ၵူၼ်း မီးတၢင်းပဵၼ် ၸိူဝ်းၼႆႉသမ်ႉ တေယူႇၵေႃႈၵူဝ်တၢႆ တေပၢႆႈၵေႃႈသမ်ႉၵိၼ်းၸႂ်။...

တႆးႁွတ်ႈၵဵင်းမႂ်ႇ - လမ်းပုၼ်း ႁူမ်ႈၵၼ် ႁႃငိုၼ်းၵွင်ၵၢင် တႃႇၸွႆႈထႅမ် ၵူၼ်းပၢႆႈၽေးသိုၵ်း ၼႂ်းၸိုင်ႈတႆး ပွတ်းႁွင်ႇ တင်းမူတ်းလႆႈငိုၼ်းထႆး 244,480 ဝၢတ်ႇ ၼႆယဝ်ႉ။ ဝၼ်းတီႈ 19-20/07/2024 ၽွင်းၶဝ်ႈဝႃႇသႃၼႆႉ ယူႇတီႈ တႆးႁွတ်ႈၵဵင်းမႂ်ႇ - လမ်းပုၼ်း ႁူမ်ႈၵၼ်သေ လူင်းပိုၼ်ႉတီႈ ႁႃငိုၼ်းၵွင်ၵၢင် တီႈဝတ်ႉမွၼ်ႉ ၽယၼၵ်ႉၶရၢတ်ႉ၊...

ဢိင်ၼိူဝ်သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းသေ ၵူၼ်းမိူင်းၸိူဝ်းဢမ်ႇႁပ်ႉလႆႈၸဝ်ဢႃႇၼႃႇသိုၵ်းၽွင်းငမ်းဝၢၼ်ႈမိူင်းၼၼ်ႉ ဢွၼ်ၵၼ်ယိပ်းၶိူင်ႈၵွင်ႈၵၢင်ႇလုၵ်ႉမႃးပိုတ်းယိုဝ်းတေႃႇသူႈသိုၵ်းမၢၼ်ႈလႄႈ ပၢင်တိုၵ်းသိုၵ်းသိူဝ်လိူင်ႇၼမ်ႁႅင်းၼႂ်း ဝၼ်းမိူဝ်ႈၼႆႉၶႂ်ႈဝႃႈပတ်းပိုၼ်ႉၸွတ်ႇတူဝ်ႈၸိုင်ႈမိူင်း။ ပၢင်တိုၵ်းပဵၼ်တီႈလႂ်ၵေႃႈဢၼ်တုမ်ႉတိူဝ်ႉၵမ်းသိုဝ်ႈပဵၼ် ၵူၼ်းဝၢၼ်ႈၵူၼ်းမိူင်း။ တုမ်ႉတိူဝ်ႉလုၵ်ႈဢွၼ်ႇၵူၼ်းၼုမ်ႇဢၼ်ပဵၼ် မိူဝ်းၼႃႈဝၢၼ်ႈမိူင်း ။ လုမ်းတၢင်ဢိင်းၵလဵတ်ႈဝဵင်းလူင်တႃႈၵုင်ႈ ပိုၼ်ၽၢဝ်ႇတုၵ်းယွၼ်းထိုင်သိုၵ်းမၢၼ်ႈလႄႈၸုမ်းယိပ်းၵွင်ႈၵၢင်ႇတင်းမူတ်း ၽွင်းပိုတ်းယိုဝ်းတိုၵ်းတေႃးၵၼ်ၼၼ်ႉ ႁႂ်ႈဝႄႈႁူင်းႁေႃၵူၼ်းမိူင်း ႁူင်းႁဵၼ်း ဝတ်ႉဝႃးၽႃသိူဝ်ႇ ဢွင်ႈတီႈသႃႇသၼႃႇ ၸိူဝ်းၼႆႉသေ သႂ်ႇၸႂ်ပၼ်လွင်ႈႁူမ်ႇလူမ်ႈၵူၼ်းမိူင်းၽွင်ႈဝႃႈၼႆ။ ဝၼ်းတိတ်ႉဝၼ်းတီႈ 21 ပူၼ်ႉမႃးၼႆႉ လုမ်းတၢင်ဢိင်းၵလဵတ်ႈပိုၼ်ၽၢဝ်ႇဢွၵ်ႇမႃးဝႃႈ -...

ဝၼ်းတီႈ 21/07/2024 မၢၵ်ႇလူင် တူၵ်းသႂ်ႇ တီႈဝတ်ႉၼႃးမူၼ်း ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၸၢၵ်ႇမၢၵ်ႇတိူဝ်ႉသႂ်ႉ ၸဝ်ႈၸၢင်း လူႉလွၼ်ႇတူၼ်ၼိုင်ႈ ယွၼ်ႉပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ပိုတ်းယိုဝ်းၵၼ် ႁၢဝ်ႈႁႅင်း ၼႆယဝ်ႉ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်မၢၵ်ႇလူင် (ရှော့တိုက်တုံး)...

ၶႃႈႁၢပ်ႇၵၼ်ၶုၼ် CDM ဢၼ်သိုၵ်းမၢၼ်ႈပိုၼ်ၽၢဝ်ႇ ႁွင်ႉမႃးႁၢပ်ႇၵၢၼ်ပုၼ်ႈၽွၼ်းၶိုၼ်းၼၼ်ႉ ၸိူဝ်းယုမ်ႇသေ ၶဝ်ႈ ႁၢပ်ႇၵၢၼ်ၶိုၼ်း ၵမ်ႈၽွင်ႈ ၺႃးတီႉၺွပ်း ၵူတ်ႇထတ်းထဵတ်ႈထၢမ် ဝႃႈၼႆ။ သိုၵ်းမၢၼ်ႈ ပိုၼ်ၽၢဝ်ႇ မိူဝ်ႈဝၼ်းတီႈ 12 လိူၼ်ၵျူႊလၢႆႊဝႃႈ ၶႃႈႁၢပ်ႇၵၢၼ်ၶုၼ် ၸိူဝ်းႁဵတ်း CDM ဝႆႉၸိူဝ်းၼၼ်ႉ သင်ဝႃႈ မႃးႁၢပ်ႇၵၢၼ်ၶုၼ်ၶိုၼ်းၼႆ တေမွတ်ႇပၼ်ၸိုဝ်ႈ ၼႂ်းသဵၼ်ႈၸိုဝ်ႈ Black...

သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA တိုၵ်ႉသိုပ်ႇပဵၼ်ပၢင်တိုၵ်းၵၼ် ႁၢဝ်ႈႁႅင်း တီႈဝဵင်းၵျွၵ်ႉမႄး ႁဵတ်းႁႂ်ႈတုမ်ႉတိူဝ်ႉၵူၼ်းမိူင်း မၢတ်ႇၸဵပ်းလူႉတၢႆ ၸွမ်းၼႂ်းၵႄႈပၢင်တိုၵ်းထႅင်ႈ ၼႂ်းၼၼ်ႉ ပႃးလုၵ်ႈဢွၼ်ႇ ဢႃယု 4 ၶူပ်ႇ ၵေႃႉ ၼိုင်ႈ။ ဝၼ်းတီႈ 21/07/2024 ယၢမ်းၵၢင်ဝၼ်း မၢၵ်ႇလူင်တူၵ်းတႅၵ်ႇ ၼႂ်းဝၢၼ်ႈႁူးတွင်း ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၸၢၵ်ႇမၢၵ်ႇတိူဝ်ႉၺႃး...

သိုၵ်းမၢၼ်ႈတင်း ၸုမ်း PDF ယိုဝ်းၵၼ် တီႈဢိူင်ႇၸၢမ်ၵႃး ႁၢဝ်ႈႁႅင်း ႁဵတ်းႁႂ်ႈၵူၼ်းမိူင်းၼပ်ႉႁဵင် လႆႈပၢႆႈၽေးသိုၵ်း ယွၼ်ႉၵူဝ်သိုၵ်းမၢၼ်ႈ မႃးပွႆႇမၢၵ်ႇသႂ်ႇၼႂ်းဝၢၼ်ႈ ဝႃႈၼႆ။ တႄႇဢဝ် ဝၼ်းတီႈ 18/07/2024 ၼႆႉမႃး သိုၵ်းမၢၼ်ႈ ယိုတ်းမိူင်းတင်း ၸုမ်းၵႅတ်ႇၶႄၵူၼ်းမိူင်း PDF ပဵၼ်ပၢင်တိုၵ်း ၵၼ်ႁၢဝ်ႈႁႅင်း တီႈဢိူင်ႇၸၢမ်ၵႃး ၸႄႈဝဵင်းယွင်ႁူၺ်ႈ ၸႄႈတွၼ်ႈတူၼ်ႈတီး ၸိုင်ႈတႆး...

ၸုမ်းပၢႆးမွၼ်းတႆးတင်း ၸုမ်းတူင်ႇဝူင်းတႆး တႃႈၶီႈလဵၵ်း - မႄႈသၢႆ လႅၼ်လိၼ်တႆး - ထႆး ႁူမ်ႈၵၼ်ႁႃ ငိုၼ်းၵွင်ၵၢင် တႃႇ ၸွႆႈထႅမ်ၵူၼ်းပၢႆႈၽေးသိုၵ်း ၼႂ်းၸိုင်ႈတႆးပွတ်းႁွင်ႇ မွၵ်ႈငိုၼ်းထႆး 2 သႅၼ်ဝၢတ်ႇ။ တႄႇဢဝ် ဝၼ်းတီႈ 19-21/07/2024 ၶၢဝ်းတၢင်း 3 ဝၼ်းမႃးၼႆႉ ယူႇတီႈ ၸုမ်းပၢႆးမွၼ်းတႆး Tai...

ၼႂ်းလိူၼ်ၵျူႊလၢႆႊၼႆႉ သိုၵ်းၵဝ်ႈၵၢင်ႉ ပိုၼ်ၽၢဝ်ႇ ၵိုတ်းယိုဝ်း 2 ၵမ်း တႄႇဢဝ်ဝၼ်းတီႈ 14 ထိုင် 18 ၵမ်းၼိုင်ႈ ထိုင်မႃး ဝၼ်းတီႈ 19 ၶိုၼ်းပိုၼ်ၽၢဝ်ႇ ၵိုတ်းတိုၵ်း ၸူဝ်ႈၶၢဝ်း တေႃႇထိုင်လိူၼ်ၵျူႊလၢႆႊ သဵင်ႈထႅင်ႈ ၵမ်းၼိုင်ႈ။ ၵူၺ်းၵႃႈ သိုၵ်းမၢၼ်ႈ သမ်ႉလႃႈလီႈ လၢမ်းလိမ်းယိုဝ်းၵွင်ႈလူင်...

သိုၵ်းမၢၼ်ႈ ယိုတ်းမိူင်း တင်ႈၸႂ် ၸႂ်ႉၶိူင်ႈမိၼ် မႃးပွႆႇမၢၵ်ႇသႂ်ႇ တီႈဝဵင်းသႅၼ်ဝီ ၸၢၵ်ႇမၢၵ်ႇတိူဝ်ႉသႂ်ႇ ၵူၼ်း မိူင်းလူႉတၢႆ 10 ပၢႆ မၢတ်ႇၸဵပ်း 20 ပၢႆ ယဝ်ႉၵေႃႈ တိူဝ်ႉၺႃးႁၢၼ်ႉၶၢႆၵုၼ်ႇ ႁိူၼ်းယေး လူႉၵွႆထႅင်ႈတင်းၼမ်။ ဝၼ်းတီႈ 18/07/2024 ယၢမ်းဝၢႆးဝၼ်း 4 မူင်းပၢႆ ၶိူင်ႈမိၼ်သိုၵ်းမၢၼ်ႈ ၸႅၵ်ႊၾၢႆႊတိူဝ်ႊ...

သိုၵ်းမၢၼ်ႈ သင်ႇၵူၼ်းမိူင်း ၼႂ်းၸႄႈဝဵင်းႁႃးၶႃးလႄႈ ၾလမ်း - ႁၢမ်ႈၵူၼ်းၸၢႆး2 ၵေႃႉ ၶီႇရူတ်ႉၶိူင်ႈ ၸွမ်းၵၼ်၊ ႁၢမ်ႈ ၵူၼ်းၸၢႆးသွၼ်ႉ ၶီႇရူတ်ႉၶိူင်ႈၸွမ်းလင် ၼၢင်းယိင်းႁေႃႈ ဝႃႈၼႆဝႆႉ။ ဝၼ်းတီႈ 11 လိူၼ်ၵျူႊလၢႆႊၼႆႉ ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ ဝဵင်းႁႃးၶႃး ပိုၼ်ၽၢဝ်ႇဝႃႈ - တီႈဝဵင်းႁႃးၶႃးၼႆႉ ၵူၼ်းဝၢၼ်ႈၵူၼ်းမိူင်း ပႃးၸဵမ် ၵူၼ်းႁဵတ်းၵၢၼ်ႁၢပ်ႇၵၢၼ်ၶုၼ်၊...

ပႃႇတီႇၼူၵ်ႉယုင်း NLD ပိုၼ်ၽၢဝ်ႇဝႃႈ ၶၢဝ်းတၢင်းသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃး 3 ပီၼႆႉ လုၵ်ႈ ၸုမ်း NLD ဢၼ်ၺႃးသိုၵ်းမၢၼ်ႈ တီႉၺွပ်း မီး 1,539 ၵေႃႉယဝ်ႉ ဝႃႈၼႆ။ ၵူၼ်းတူၵ်းၶွၵ်ႈ ၵၢၼ်မိူင်းၸိူဝ်းၼႆႉ ၺႃးပေႃႉထုပ်ႉ ၵူတ်ႇထတ်းႁၢဝ်ႈႁႅင်း ၊ ယူႇတီႈ မူႇၸုမ်းၵူၼ်းႁိူၼ်းသေ တုၵ်းယွၼ်းပၼ် တႃႇလႆႈလွင်ႈၽဵင်ႇပဵင်းယူႇၵေႃႈ...

သိုၵ်းမၢၼ်ႈ တီႉၺွပ်းလုၵ်ႈၸုမ်း သိုၵ်းမုတ်း Dark Shadow ဝဵင်းတႃႈၵုင်ႈ ၼႄးဝႃႈ ပွင်ႁၢႆႉဢၢၼ်းၶႃႈႁႅမ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇၼႆသေ ဢဝ်လၢႆးႁၢႆႉၵူတ်ႇထတ်းထဵတ်ႈထၢမ် ပူၼ်ႉတိၼ်ပူၼ်ႉမိုဝ်းသေ တၢႆပႅတ်ႈ 2 ၵေႃႉ။ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၶဝ်ႈႁူမ်ႈပၢင်ပိုတ်ႇၶူဝ်မႂ်ႇ တၢၼ်ႇလျိၼ်ႇ မၢႆ 3 မိူဝ်ႈဝၼ်းတီႈ 8 လိူၼ်ၵျုၼ်ႊ ၼၼ်ႉသေ...

ထဝ်ႈယိင်း ဢႃယု 70 ပၢႆ ဢၼ်ပၢႆႈၽေးသိုၵ်း မႃးသွၼ်ႈဝႆႉတီႈဝဵင်းၼမ်ႉလၼ်ႈၼႆႉ လူႉသဵင်ႈၵႂႃႇ လူၺ်ႈတၢင်းပဵၼ် ၵူၼ်းထဝ်ႈ ၵေႃႉၼိုင်ႈ ဝႃႈၼႆ။   ဝၼ်းတီႈ 16/7/2024 ယၢမ်းၵၢင်ၶမ်ႈ မႄႈထဝ်ႈသႂ်ႁွင် ဢႃယု 70 ပၢႆ ၵူၼ်းဝဵင်းလႃႈသဵဝ်ႈ ဢၼ်ပၢႆႈၽေးသိုၵ်း ႁွတ်ႈထိုင်မႃး တီႈပွၵ်ႉၵွင်းလၢင်း ဝဵင်းၼမ်ႉလၼ်ႈ ၸႄႈဝဵင်းသီႇပေႃႉ...

ၸူဝ်ႈသိုၵ်းမၢၼ်ႈ ပိုၼ်ၽၢဝ်ႇဢဝ်လိူင်ႈ ယေးငိုၼ်းၼႂ်းမိူင်း ၸိူဝ်းဢမ်ႇႁဵတ်းၸွမ်းမၢႆမီႈ ဢၼ်ၶဝ်ႁဵတ်းဢွၵ်ႇ ၼၼ်ႉၼႆ ၵူၼ်းမိူင်းယၢပ်ႇၽိုတ်ႇ တႃႇထုၵ်ႈထွၼ်ငိုၼ်းတွင်း တီႈယေးငိုၼ်း။ ၼႂ်းဝူင်ႈထီႉသွင် လိူၼ်ၵျူႊလၢႆႊၼႆႉသမ်ႉ သိုၵ်းမၢၼ်ႈၶိုၼ်းပိုၼ်ၽၢဝ်ႇ ႁၢမ်ႈႁႅတ်ႉ တင်းၼမ်ငိုၼ်းတွင်း ဢၼ်ၵူၼ်းမိူင်းၶႂ်ႈထွၼ်ထႅင်ႈလႄႈ ယၢမ်းလဵဝ် ပေႃးတေထွၼ်ငိုၼ်း တီႈယေးငိုၼ်းၼႆ ပဵၼ် ဢၼ်ယၢပ်ႇၽိုတ်ႇၵိၼ်းၸႂ် ပေႃးလူဝ်ႇ ၸႂ်ႉႁိပ်ႈၼႅတ်ႈမႃးၸိုင် လႆႈၵႂႃႇပၼ်ၵႃႈပိူဝ်းသႅၼ်ႊ တီႈႁၢၼ်ႉ ၶၢႆၶူဝ်းယႂ်ႇ၊...