မိူဝ်ႈၼႆႉ ဝၼ်းတီႈ 19 လိူၼ်ဢေႃးၵၢတ်ႉသ် ပီ 2026 ယၢမ်းၵၢင်ၼႂ် မိၼ်းဢွင်ႇလၢႆႇ ၸွမ်ၸိုင်ႈယိုတ်းမိူင်း မိူင်းႁူမ်ႈတုမ် (မိူင်းမၢၼ်ႈ) ၵေႃႉႁွတ်ႈထိုင်ဝႆႉ မိူင်းရတ်ႉသျႃႊ ၼၼ်ႉ လႆႈႁပ်ႉ ၸုမ်ႈၶူး ပႃႇမွၵ်ႉၶၶိုၵ်ႉတွၼ်း တီႈၸၼ်ႉၸွမ်ပၢႆးမၢၵ်ႈမီးမိူင်းရတ်ႉသျႃႊ Plekhanov Russian University of Economics ဝႃႈၼႆ။
မိၼ်းဢွင်ႇလၢႆႇၼႆႉ လုၵ်ႉၼေႇပျီႇတေႃႇ ဢွၵ်ႇၶၢဝ်းတၢင်းၵႂႃႇ မိူင်းရတ်ႉသျႃး မိူဝ်ႈဝႃး ဝၼ်းတီႈ 18/8/2026 ၼၼ်ႉသေ လႆႈႁူပ်ႉဢုပ်ႇဢူဝ်းၸွမ်း ဝရႃႇတီႊမီႊယႃႊပူႇတိၼ်ႊ ၸွမ်ၸိုင်ႈ မိူင်းရတ်ႉသျႃးသေ တင်းၸိုင်ႈမိူင်း လူင်းလၢႆးမိုဝ်းႁဵတ်းလိၵ်ႈၵိၼ်ၵႅၼ်ႇဝႃႈ မိူင်းမၢၼ်ႈ တေၸွႆႈထႅမ် ႁႂ်ႈမိူင်းရတ်ႉသျႃႊ လႆႈႁူမ်ႈႁဵတ်းၵၢၼ်ၸွမ်း ၸိုင်ႈမိူင်းၸိူဝ်းပဵၼ်လုၵ်ႈၸုမ်းဢႃႊသီႊယၼ်ႊၼၼ်ႉၵႂႃႇ ဝႃႈၼႆ။
ၼႂ်းၶၢဝ်းတၢင်း မိၼ်းဢွင်ႇလၢႆႇ ၵႂႃႇထိုင်ၼႂ်းမိူင်းရတ်ႉသျႃႊယူႇၼႆႉ ပူႇတိၼ်ႊၸွမ်ၸိုင်ႈမိူင်းရတ်ႉသျႃႊ မွၵ်ႇလၢတ်ႈၵႂႃႇ- လွင်ႈဝႃႈ ယုမ်ယမ်ဝႃႈ မိူင်းမၢၼ်ႈ တင်း မိူင်းရတ်ႉသျႃႊ တေသိုပ်ႇ ႁူမ်ႈၵၼ်ႁဵတ်းသၢင်ႈၵႂႃႇၸွမ်းၵၼ်လႆႈ ၵၢၼ်ပၢႆးမၢၵ်ႈမီး၊ ၵၢၼ်ႁူမ်ႇလူမ်ႈ လႄႈ ၵၢၼ်တၢင်ႇၸိူဝ်ႉတၢင်ႇလွင်ႈၸိူဝ်းၼႆႉယူႇ – ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ