“ၶမႃ၊ ၸႃၵရိယုတ်ႉတႃၼမ်၊ သမ်ဝိၽႃၵေႃးတယိၵ်ႉၶၼႃ”

(1)  ၶမႃ – လွင်ႈယိူၼ်ႉၵၼ်ႈတဵမ်ထူၼ်ႈ။

လွင်ႈလီလွင်ႈႁၢႆႉ ပေႃးမႃးတုမ်ႉတိူဝ်ႉ ၺႃးမႅၼ်ႈၸိုင် ႁၢႆႉၵေႃႈဢမ်ႇၶီ လီၵေႃႈဢမ်ႇၵိုင်ႉ ၵၢင်ႉၸူမ်း၊ မၢၵ်ႇႁူဝ်ၸႂ် မၼ်ႈၼိမ်ၵႅၼ်ႇၶႅင်၊ မိူၼ်ၼင်ႇသဝ်ႁိၼ် သဝ်လဵၵ်း။ ၶမၢၵုင်ႇဢၢင်ႇ ၵႃႇ ၽူႈဢွၼ်ႁူဝ်ဢၼ်ၼိုင်ႈယဝ်ႉ။

(2) ၸႃၵရိယ – တႃၼွၼ်းလဵၵ်ႉဢေႇ လွင်ႈမိူၼ်ႇမိုင်ငဝ်ၵိူဝ်ႉဢမ်ႇမီး။

လၵ်းလႅတ်းဢဝ်ၶၢဝ်ႇၽႂ်းၽၢႆ၊ ၶိုတ်းယၢမ်း၊ ပွင်ႇၸႂ်ၵပ်းတၢမ်း ၶၼ်ဝႆးလႄႈ ၸႃၵရိယ – ၵုင်ႇၽူႈဢွၼ်ႁူဝ်ဢၼ်ၼိုင်ႈယဝ်ႉ။

(3) ဢုတ်ႉထႃၼမ် – ၼႃႈၵၢၼ်ဢၼ်လူဝ်ႇလႆႈႁဵတ်းသၢင်ႈၶိုင်ပွင်ၼၼ်ႉ လဵၵ်ႉယႂ်ႇၸမ်ၵႆဢမ်ႇ ဝႃႈ ၶတ်းၸႂ်ႁဵတ်းသၢင်ႈႁတ်းႁၢၼ်ၽႂ်းၽၢႆ ၸဵဝ်းယဝ်ႉတူဝ်ႈထိုင်တီႈ။ ဢုတ်ႉထႃၼမ် – ၵုင်ႇၽူႈ ဢွၼ်ႁူဝ်ဢၼ်ၼိုင်ႈယဝ်ႉ။

(4) သမ်ဝိၽႃၵ – ဢၼ်ထုၵ်ႇလႆႈယိုၼ်ႈမႅင်ႇ ၸႅၵ်ႇၽႄဝၢင်းပၼ်ၼၼ်ႉ ဢမ်ႇလိူၵ်ႈၼႃႈလဵၵ်ႉ ၼႃႈယႂ်ႇ၊ ႁၢင်ႈလီႁၢင်ႈၸႃႉၽၢၼ်မီး၊ ယိုၼ်ႈဝၢင်းၸႅၵ်ႇမႅင်ႇပၼ် ၽဵင်ႇပဵင်းလုၵ်ႈၼွင်ႉတပႄး လႄႈ၊ သမ်ဝိၽႃၵ – ၵုင်ႇၽူႈဢွၼ်ႁူဝ်ဢၼ်ၼိုင်ႈယဝ်ႉ။

(5) တယႃ – လုၵ်ႈၼွင်ႉတပႄး ၸၢႆးယိင်းလဵၵ်ႉယႂ်ႇထဝ်ႈၼုမ်ႇ တင်းသဵင်ႈၼၼ်ႉ တမ်းၸႂ်ဝႆႉမိူၼ် လုၵ်ႈဢွၼ်ႇ လုၵ်ႈၶိၼ်ႈၼိူဝ်ႉလိူတ်ႈမၢၵ်ႇႁူဝ်ၸႂ်၊ ႁၵ်ႉႁွမ်ၽဵင်ႇပဵင်းလႄႈ၊ တယႃ – ၵုင်ႇၽူႈဢွၼ် ႁူဝ်ဢၼ်ၼိုင်ႈယဝ်ႉ။

(6)ဢိၵ်ႉၶၼႃႇ – ၵၢၼ်ငၢၼ်းၵူႈသမ်ႇၵူႈပိူင် မီးမႃးၼၼ်ႉ ဢဝ်ၺၢၼ်ႇပၢႆးဝူၼ်ႉၸဝ်ႈၵဝ်ႇ ထတ်း သၢင်ႁႂ်ႈပေႃးႁူႉႁၼ် ၽွၼ်းလီၽွၼ်းၸႃႉသေယဝ်ႉ ပေႃးၺၢၼ်ႇတၢင်းႁူႉၸဝ်ႈၵဝ်ႇဢမ်ႇပေႉ ဢမ်ႇတႅပ်းတတ်းလႆႈၸမ်ႉ ဢမ်ႇၼပ်ႉတေႃႈ လီႈလႃႈလၢမ်းသႃႁဵတ်းႁၢတ်း။ ႁွင်ႉဢုပ်ႇပၢင်ၵုမ် ဢဝ်တၢင်းႁၼ်ထိုင်ပိူၼ်ႈသေ ပေႃးဝႃႈႁၼ်လီထုၵ်ႇမႅၼ်ႈၼင်ႇၵၼ်ယဝ်ႉ ၸင်ႇႁဵတ်း။ ဢိၵ်ႉၶ ၼႃ ၵုင်ႇၽူႈဢွၼ်ႁူဝ်ဢၼ်ၼိုင်ႈယဝ်ႉ။

ၽူႈဢွၼ်ႁူဝ်ဢၼ်ဝႃႈၼၼ်ႉ တင်ႈတႄႇဢဝ် 10 ၵေႃႉတေႃႇသႅၼ် တေႃႇလၢၼ်ႉ။ တင်ႈတႄႇ 10 ႁိူၼ်းတေႃႇသႅၼ် တေႃႇလၢၼ်ႉယဝ်ႉ။

    8.1.94

(ၶႂၢၼ်ဝရေႃး)

မၢႆ 116 ဝၼ်းဢင်းၵၢၼ်း

လိူၼ်သီႇမႂ်ႇ 4 ၶမ်ႈ၊ ပီတႆး 2088