ၼႂ်းပီ 2025 ၼႆႉသိုၵ်းမၢၼ်ႈယိုတ်းမိူင်း တီႉၺွပ်းပေႃႉထုပ်ႉ ၶႃႈႁ်မ် ယိုဝ်းၵူၼ်းမိူင်းတၢႆၵႂႃႇယဝ်ႉဢမ်ႇယွမ်း 2500 ၵေႃႉၼႆ ၸုမ်း Spring Revolution Database – SRD ဢၼ်လုၵ်ႉၽိုၼ်ႉ သၢၼ်ၶတ်းသိုၵ်းမၢၼ်ႈသေ ပၵ်းတႃပႂ်ႉတူၺ်းလွင်ႈ သိုၵ်းမၢၼ်ႈပူၼ်ႉပႅၼ်သုၼ်ႇလႆႈ ၵူၼ်းၼၼ်ႉ ပိုၼ်ၽၢဝ်ႇဝႆႉၼင်ႇၼႆ။
ႁူဝ်ၼပ်ႉဢၼ်ၼႆႉ ၼပ်ႉသွၼ်ႇတင်ႈတႄႇဝၼ်းတီႈ 1/1/2025 တေႃႇထိုင် ဝၼ်းတီႈ 31/12/2025 ။ တႅမ်ႈမၢႆဝႆႉဝႃႈ ၸုမ်းသိုၵ်းမၢၼ်ႈလႄႈ ၸုမ်းယိပ်းၵွင်ႈၵၢင်ႇတႂ်ႈသိုၵ်းမၢၼ်ႈ ၸုမ်းပျီႇတူႉၸိတ်ႉ ၸိူဝ်းၼႆႉပူၼ်ႉပႅၼ်သုၼ်ႇလႆႈ ပူၼ်ႉပႅၼ်ပိူင်တိုဝ်းၵမ်သိုၵ်း 3500 ၵမ်း။ ယွၼ်ႉပိူဝ်ႈသိုၵ်းမၢၼ်ႈ ဢဝ်ၶိူင်ႈမိၼ်သိုၵ်းပိုတ်းယိုဝ်းသေ ႁဵတ်းႁႂ်ႈၵူၼ်းမိူင်းတၢႆ 2076 ၵေႃႉ ၼႆယဝ်ႉ။
ဢၼ်ဢဝ်ၶိူင်ႈၵွင်ႈလူင်ပိုတ်းယိုဝ်းသေၵူၼ်းမိူင်းလူႉတၢႆ 354 ၵေႃႉ။ ဢၼ်ၶႃႈႁႅမ်သေ ဢဝ်တူဝ် တၢႆ ၵႂႃႇၾင်ပႅတ်ႈတၢင်ႇတီႈသမ်ႉမီး 19 ၵေႃႉ ။ ဢၼ်သိုၵ်းမၢၼ်ႈတီႉၺွပ်း ဢဝ်ၵႂႃႇ ၸႂ်ႉၼႂ်းၵၢၼ် သိုၵ်းသမ်ႉ 84 ၵမ်း။ ၵူၼ်းမိူင်းၺႃးတီႉဝၢႆးလင်သိုၵ်းမၢၼ်ႈပိုၼ်ၽၢဝ်ႇပိူင်ႁၢပ်ႇၵၢၼ်သိုၵ်းသမ်ႉမီး 6440 ၵေႃႉ- ဝႃႈၼႆ။
ၼႂ်းၵူၼ်းမိူင်းၸိူဝ်းၺႃးသိုၵ်းမၢၼ်ႈတီႉၺွပ်းၶႃႈႁႅမ်တၢႆၼႆႉ ယူႇတီႈၸုမ်း ၸွႆႈထႅမ် ၵူၼ်းတူၵ်းၶွၵ်ႈၵၢၼ်မိူင်း AAPP ၵေႃႈပိုၼ်ၽၢဝ်ႇဝႆႉဝႃႈၼႂ်းၶၢဝ်းတၢင်း သိုၵ်းမၢၼ်ႈယိုတ်း ဢႃႇၼႃႇ ၸိုင်ႈမိူင်းမႃး 5 ပီၼႆႉ ၵူၼ်းတူင်ႉၼိုင်လွင်ႈသုၼ်ႇလႆႈၽဵင်ႇပဵင်းလႄႈ ၵၢၼ် တီႊမူဝ်ႊၶရေႊသီႊ ၺႃးသိုၵ်းမၢၼ်ႈၶႃႈႁႅမ်တၢႆမီးယူႇ 7685 ၵေႃႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ