တႄႇဢဝ် ဝၼ်းတီႈ 01/08/2025 လိူၼ်ၼႃႈၼႆႉၵႂႃႇ မိူင်းဢမေႊရိၵၼ်ႊ တေတိူဝ်းၵဵပ်းၶွၼ်ႇၶူဝ်းၵုၼ်ႇ တီႈမိူင်းမၢၼ်ႈ တႃႇ 40 % ဢၼ်တေႃႉသူင်ႇၶၢႆၶဝ်ႈ ၼႂ်းမိူင်းဢမေႊရိၵၼ်ႊ ဝႃႈၼႆ။
လွင်ႈၸွမ်ၸိုင်ႈ ၻူဝ်ႊၼေႃႊ ထရမ်ႉ တေတိူဝ်းၵဵပ်းၶွၼ်ႇၼိူဝ်ၶူဝ်းၵုၼ်ႇၼႆႉ ယူႇတီႈ မိူင်းဢမေႊရိၵၼ်ႊ လႆႈသူင်ႇၽိုၼ်လိၵ်ႈမႃးတီႈ ႁူဝ်ၼႃႈသိုၵ်းမၢၼ်ႈ ယိုတ်းမိူင်း ၼႂ်းဝၼ်းတီႈ 07/07/2025 ၼႆႉ ဝႃႈၼႆ။
ၸိုင်ႈမိူင်း ဢၼ်ဢမေႊရိၵၼ်ႊ တေတိူဝ်းၵဵပ်းၶွၼ်ႇၵႂႃႇၼၼ်ႉ မီး 12 မိူင်း။ ၼႂ်းၼၼ်ႉ တေတိူဝ်းၵဵပ်းၶွၼ်ႇ ၶူဝ်းၵုၼ်ႇ မိူင်းမၢၼ်ႈလႄႈ မိူင်းလၢဝ်း တႃႇ 40% ၊ ၶူဝ်းၶွင်မိူင်းထႆး 36% ၊ ၶူဝ်းၵုၼ်ႇမိူင်းမလေးသျႃး၊ ၵျပၼ်ႊလႄႈ ၵူဝ်ႊရီႊယိူဝ်ႊ ၸိူဝ်းၼႆႉသမ်ႉ တေၵဵပ်းၶွၼ်ႇ 25% – ပိုၼ်ၽၢဝ်ႇဝႆႉၼင်ႇၼႆ။
မိူင်းမၢၼ်ႈတင်း မိူင်းဢမေႊရိၵၼ်ႊၼႆႉ တေႃႉသူင်ႇၶူဝ်းၵုၼ်ႇၶၢႆၸူးၵၼ် ဢိတ်းဢွတ်းၵူၺ်း။ ၶူဝ်းၵုၼ်ႇ ဢၼ်မိူင်းမၢၼ်ႈ တေႃႉသူင်ႇၶၢႆၸူး မိူင်းဢမေႊရိၵၼ်ႊၼႆႉ ပိူင်လူင်မၼ်းပဵၼ် ၶူဝ်းၵုၼ်ႇၵိၼ်ယမ်ႉ ၵမ်ႈၽွင်ႈလႄႈ ၶူဝ်းၵုၼ်ႇ ၸိူဝ်းဢွၵ်ႇၼႂ်းၼမ်ႉၵမ်ႈၽွင်ႈ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ