တီႈလႅၼ်လိၼ် မၢၼ်ႈ-ၶႄႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ ၵူၼ်းတၢႆၶၢင်ႈတၢင်း လိူင်ႇၼမ်မႃး ၼႂ်းၶၢဝ်းတၢင်းၼိုင်ႈလိူၼ် မီးထိုင် 5 ၵေႃႉ ဝႃႈၼႆ ။
တီႈဝဵင်းမူႇၸေႊၼႆႉ ဝၢႆးလင်သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ ၵၢၼ်တေႃႇလွင်းၵေႃႈလိူင်ႇၼမ် ၵၢၼ်ၵႃႉယႃႈမဝ်းၵမ်ၵေႃႈလိူင်ႇၼမ်။ ၽူႈလၵ်ႉၵူၼ်းၸူမ်ၵေႃႈလိူင်ႇၼမ်။ ၵၢၼ်ၵေႃႇၵၢၼ်ႁၢႆႉ ၽိတ်းမေႃးၶႃႈႁႅမ်ၵၼ်ၵေႃႈမီး၊ ၺႃးၶႃႈႁႅမ်တၢႆလူၺ်ႈဢမ်ႇႁူႉလွင်ႈတၢင်းၵေႃႉၼမ်။
ၽူႈၸၢႆးၵူၼ်းမိူင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ-“ တီႈဝဵင်းမူႇၸေႊၼႆ့ ၵူၼ်းတၢႆဢမ်ႇႁူႉၸိုဝ်ႈ မီးၼမ်မႃး ၵူႈလိူၼ် ၊ ၽူႈလၵ့်ၵူၼ်းၸူၼ်ၵေႃႈ လိူင်ႇၼမ် ၊ ၵၢၼ်ၵႃႉယႃႈမဝ်းၵမ်ၵေႃႈ ၼမ် ၊ ၵၢၼ်တေႃႇလွင်း ၵေႃႈၼမ်။မိူဝ်ႈဝၼ်းတီႈ 29/10/2024 ၼႆႉ ၵူၼ်းပိုၼ်ႉတီႈႁၼ်တူဝ်တၢႆ ဢမ်ႇႁူႉၸိုဝ်ႈ 2 ၵေႃႉ တီႈၼႂ်း ၼမ်ႉမၢဝ်း ႁိမ်းၵၢၼ်ၶုတ်းသၢႆး။ၸုမ်းၸွႆႈထႅမ်တူင်ႇဝူင်းၵူၼ်း တီႈဝဵင်းမူႇၸေႊ လႆႈဢဝ်တူဝ်တၢႆၼၼ်ႉ သူင်ႇဝႆႉတီႈ ႁူင်းယႃႇယဝ်ႉ၊ဢမ်ႇႁူႉၸၵ်းဝႃႈပဵၼ်ၽႂ် ။ တီႈတူဝ်တၢႆၼၼ်ႉမီးႁွႆးမၢတ်ႇၸဵပ်းဝႆႉၼမ်။ ႁၼ်တီႈႁိမ်းပိူၼ်ႈၶုတ်းသၢႆးၼၼ်ႉဢမ်ႇႁူႉၸၵ်းဝႃႈပဵၼ်ၽႂ် ။ တီႈတူဝ်တၢႆၼၼ်ႉမီးႁွႆးမၢတ်ႇၸဵပ်းဝႆႉၼမ်။ ႁၼ်တီႈႁိမ်းပိူၼ်ႈၶုတ်းသၢႆးၼၼ်ႉ ”- ဝႃႈၼႆ ။
မိူဝ်ႈဝၼ်းတီႈ 1/11/2024 ၼႆႉၵေႃႈတီႈ မၢၼ်ႈမႂ်ႇ ၼႂ်းၸႄႈဝဵင်းမူႇၸေႊ လႆႈငိၼ်းသဵင်ၵွင်ႈလႄႈ ၵူၼ်းပိုၼ့်တီႈမႆႈၸႂ် လႆႈၾၢင့်ယူႇၾၢင့်ၵိၼ်ဝႆ့ ဝႃႈၼႆ ။
ဝဵင်းမူႇၸေႊၼႆႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ဢမ်ႇပႆႇ ယိုတ်းလႆႈသေတႃႉငဝ်းလၢႆးဢမ်ႇၼိမ်လႄႈ ၵၢၼ် ႁႃ ၵိၼ်လဵင်ႉတွင်ႉၵေႃႈယၢပ်ႇ။ လႆႈသိုဝ်ႉၸၢႆႇၵိၼ်ၵႃႈယႂ်ႇၵႃႈပႅင်း။ ၼမ်ႉမၼ်းၸၢၵ်ႈႁႃသိုဝ်ႉယၢပ်ႇ လႆႈၶဝ်ႈ ထႅဝ်ပႂ်ႉသိုဝ်ႉ ၊ ၸဝ်ႈႁၢၼ်ႉၶၢႆပၼ်ၵေႃႉဢိတ်းၵူၺ်းလႄႈ ၸဝ်ႈရူတ်ႉ ပဵၼ်ဢၼ်ယၢပ်ႇၽိုတ်ႇ ဝႃႈၼႆ။
တႄႇဢဝ် ႁၢင်လိူၼ်ဢွၵ်ႊထူဝ်ႊပိူဝ်ႊ 2024 ၼႆႉမႃး ၼမ်ႉမၼ်းၸၢၵ်ႈၶႂ်ႈၶၢတ်ႇပဵၼ်ၵမ်းလႄႈ ပၢမ်ႉၼမ်ႉမၼ်းမၢင်တီႈ ၼႂ်းဝဵင်းမူႇၸေႊ လႆႈဢိုတ်းဝႆႉ၊ ဢမ်ႇဢဝ်ဢွၵ်ႇၶၢႆပၼ် ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ