ၽူႈမီးပုၼ်ႈၽွၼ်း ၾၢႆႇပၢႆးယူႇလီ ဢၼ်ပၵ်းသဝ်းတီႈၵႃႊသႃႊ(Gaza) ပိုၼ်ၽၢဝ်ႇ ၼႂ်းဝၼ်းတီႈ 15/10/2024 ၼႆႉဝႃႈ ယွၼ်ႉဢိတ်ႉသ်ရေႊ(Israel) ၶဝ်ႈတိုၵ်းတီႈ ထုင်ႉၵႃႊသႃႊသေ ၵူၼ်းမိူင်းပႃႊလႅတ်ႊသတၢႆႊ(Palestinian) လူႉတၢႆ 42,344 ၵေႃႉ – ဝႃႈၼႆ။
ၼႂ်းၶၢဝ်းတၢင်း 24 ၸူဝ်ႈမူင်းၼႆႉသမ်ႉ ၵူၼ်းမိူင်းၸိူဝ်းလူႉတၢႆ ယွၼ်ႉတပ်ႉသိုၵ်းဢိတ်ႉသ်ရေႊ မီး 55 ၵေႃႉ၊ မၢတ်ႇၸဵပ်း 329 ၵေႃႉ။ ၵွပ်ႈၼၼ်လႄႈ တႄႇဢဝ် ပၼ်ႁႃၼႂ်းၵႄႈၵၢင် ပႃႊလႅတ်ႊသတၢႆႊ – တႄႇပဵၼ်မႃး ႁူဝ်လိူၼ်ဢွၵ်ႊထူဝ်ႊပိူဝ်ႊ ပီ 2023 တေႃႇထိုင်ယၢမ်းလဵဝ် ၵူၼ်းမိူင်း ပႃႊလႅတ်ႊသတၢႆႊ မၢတ်ႇၸဵပ်း တင်းမူတ်း မီးထိုင် 99,013 ၵေႃႉယဝ်ႉ – ဝႃႈၼႆ။
ၸုမ်းၾၢႆႇၵႅတ်ႇၶႄ ဢိတ်ႉသ်ရေႊ (IDF) ပိုၼ်ၽၢဝ်ႇ ၼႂ်းဝၼ်းတီႈ 14 ပူၼ်ႉမႃးၼႆႉဝႃႈ ၼႂ်းပၢင်တိုၵ်းၼႆႉ ၾၢႆႇသဵၼ်ႈတၢင်းၵၢင်ႁၢဝ် တီႈထုင်ႉၵႃႊသႃႊၼၼ်ႉ လႆႈၶႃႈႁႅမ် ၸုမ်းၵေႃႇၵၢၼ်ႁၢႆႉၶဝ် – ၼႆယဝ်ႉ။
ၼႂ်းၽႅၼ်ၵၢၼ်တိုၵ်း တီႈပၢင်သဝ်းၵူၼ်းပၢႆႈၽေး ပႃႊလႅတ်ႊသတၢႆႊ ဢၼ်မီးၾၢႆႇတူၵ်း ဝဵင်းၵျၼိၼ်ႊ (Jenin) ၼၼ်ႉ သိုၵ်းဢိတ်ႉသ်ရေႊ ၶႃႈႁႅမ် ၵူၼ်းမိူင်းပႃႊလႅတ်ႊသတၢႆႊ လူႉတၢႆ 2 ၵေႃႉ ၸုမ်းၾၢႆႇပၢႆးယူႇလီ ပႃႊလႅတ်ႊသတၢႆႊ လၢတ်ႈ ၼင်ႇၼႆ။
ဢၢင်ႈဢိင် – DVB
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ