ပူၼ်ႉမႃး မိူဝ်ႈဝၼ်းတီႈ 14/10/2024 ၼႆႉ ၽွင်းလူင်ၾၢႆႇၼွၵ်ႈမိူင်း မိူင်းဢေႃႊသတြေးလျႃး(Australia) ပိုၼ်ၽၢဝ်ႇ ဢွၵ်ႇပဵၼ်တၢင်းၵၢၼ်ဝႃႈ တေၵမ်ႉၸွႆႈၵူၼ်းမိူင်းမၢၼ်ႈ တႃႇငိုၼ်းတေႃႊလႃႊ 9 လၢၼ်ႉ ဝႃႈၼႆ။
ဢိင်ၼိူဝ် ငဝ်းလၢႆးၼႂ်းမိူင်းမၢၼ်ႈပႆႇၼိမ်သဝ်း လွင်ႈၵၢၼ်မိူင်း ၵၢၼ်ႁူမ်ႇလူမ်ႈလႄႈ လွင်ႈၵူၼ်းၼင်ႇၵၼ် တူၺ်းထိုင်ၵၼ် ၸိူဝ်းၼႆႉ ယူႇတီႈမိူင်းဢေႃးသတြေးလျႃး မႆႈၸႂ်ၸွမ်းလႄႈ ၸင်ႇပိုၼ်ၽၢဝ်ႇပႃးဝႆႉ ၼင်ႇၼႆ။
ငိုၼ်းၵမ်ႉၸွႆႈ တီႈမိူင်းဢေႃးသတြေးလျႃးၼႆႉ တေဢမ်ႇၵႂႃႇတီႈ သိုၵ်းမၢၼ်ႈ ၵမ်းသိုဝ်ႈ၊ လူင်ပွင်ၸိုင်ႈ သိုၵ်းမၢၼ်ႈ ယၢမ်းလဵဝ်ၼႆႉ ယူႇတီႈ မိူင်းဢေႃးသတြေးလျႃးၵေႃႈ ဢမ်ႇမၵ်းမၢႆ ပဵၼ်လူင်ပွင်ၸိုင်ႈတၢင်းၵၢၼ် ယွၼ်ႉၼၼ် ငိုၼ်းၵမ်ႉ ၸွႆႈ ၸိူဝ်းၼႆႉ တေထိုင်ၼႂ်းမိူင်းၵူၼ်းမိူင်း ၸိူဝ်းလူဝ်ႇတၢင်းၵမ်ႉၸွႆႈတႄႉတႄႉယူႇ ဝႃႈၼႆ။
တီႈမိူင်းမၢၼ်ႈၼႆႉ ၵူၼ်းၶၢႆႉလၢႆႈဢွင်ႈတီႈယူႇသဝ်း မီးဝႆႉ 3 လၢၼ်ႉပၢႆ လိူဝ်ၼၼ်ႉ ႁူဝ်ၵူၼ်း 18 လၢၼ်ႉပၢႆ လူဝ်ႇတၢင်း ၸွႆႈထႅမ်ဝႆႉ လွင်ႈတူၺ်းလူၵၼ် – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
 ပိုၼ်ၽၢဝ်ႇ ဢွၵ်ႇပဵၼ်တၢင်းၵၢၼ်ဝႃႈ တေၵမ်ႉၸွႆႈၵူၼ်းမိူင်းမၢၼ်ႈ တႃႇငိုၼ်းတေႃႊလႃႊ 9 လၢၼ်ႉ ဝႃႈၼႆ။){kind=link}