သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ တူဝ်သိုၵ်းမၢၼ်ႈ ပူၼ်ႉပႅၼ်ၶႃႈႁႅမ်ၵူၼ်းမိူင်း ပဵၼ်မူႇ ပဵၼ်ၵွင် (5 ၵေႃႉ ၶိုၼ်ႈၼိူဝ်) ၼႆႉ မီး 247 ၵမ်း ႁူဝ်ၵူၼ်းတင်းမူတ်း မီးၵႂႃႇ 2,704 ၵေႃႉယဝ်ႉၼႆ – ၶၢဝ်ႇ DVB ပိုၼ်ၽၢဝ်ႇဝႆႉၼင်ႇၼႆ။
ၼႂ်းၼၼ်ႉ ဢၼ်တၢႆပဵၼ်မူႇပဵၼ်ၾုင် ဢၼ်ႁူဝ်ၵူၼ်းၼမ်သုတ်း ပဵၼ်တီႈဝၢၼ်ႈပသီႇၵျီး ၸႄႈဝဵင်းၵၢၼ်ႉပလူႇ ၽွင်း ၼၼ်ႉ ပဵၼ်ႁူဝ်ၵူၼ်း 157 ၵေႃႉ။ ဢၼ်ၼမ်ထီႉသွင် ပဵၼ်တီႈဝၢၼ်ႈဢၼၢၼ်ႉပႃႇ ဝဵင်းၽႃၵၢၼ်ႉ တီႈၼၼ်ႉ ၵူၼ်းတၢႆ 80 ပၢႆ။ ၼမ်ထီႉသၢမ် ပဵၼ်တီႈဝၢၼ်ႈပျႅင်းၽိဝ်ႇ ဝဵင်းၸိတ်ႉတူၺ်ႇ မိူင်းရၶႅင်ႇ တီႈၼၼ်ႉၵူၼ်းတၢႆ 51 ၵေႃႉ။ တီႈဝၢၼ်ႈမတေႃး ၸႄႈဝဵင်းမိၼ်းၵိၼ်း တိူင်းၸႄႈ ၵႅင်း ၼၼ်ႉသမ်ႉၵူၼ်းတၢႆယွၼ်ႉသိုၵ်းမၢၼ်ႈယိုဝ်း 34 ၵေႃႉ တီႈလဵဝ်ၵၼ် – ပဵၼ်ဢၼ်တၢႆပဵၼ်ၵေႃႇ ပဵၼ်ၵွင်ႁူဝ်ၼပ်ႉၼမ်။
ၼႂ်းဢၼ်တၢႆပဵၼ်ၵေႃႇပဵၼ်ၵွင်ၼႆႉ ပႃးၵူၼ်းၸၢႆး 1,599 ၵေႃႉ ၊ ၼၢင်းယိင်း 415 ၵေႃႉ။ ဢၼ်ႁၢင်ႈ ၾၢင်ယွၵ်းယွႆ ထိုင်တီႈဢမ်ႇၸၢင်ႈၸႅၵ်ႇယိင်းၸၢႆး မီး 690 ၵေႃႉ။ ၼႂ်းၼၼ်ႉ ပႃးလုၵ်ႈဢွၼ်ႇ ဢႃယု 18 လူင်းတႂ်ႈမီး 258 ၵေႃႉ။
ဢၼ်တၢႆပဵၼ်မူႇပဵၼ်ၵွင်ၼႆႉ ပဵၼ်ယွၼ်ႉၼမ်ႉမိုဝ်းသိုၵ်းမၢၼ်ႈ ယိုဝ်းၵွင်ႈလူင်သႂ်ႇ၊ ဢဝ်ၶိူင်ႈမိၼ်ယိုဝ်း၊ မတ်ႉတိၼ်မတ်ႉမိုဝ်းသေယိုဝ်း၊ တီႉၵႂႃႇပဵၼ်ႁူဝ်ႉႁႄႉသေယိုဝ်း၊ မတ်ႉသေၽဝ်လိပ်း ၸိူဝ်းၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ