ဝၼ်းတီႈ 28/07/2024 တူၵ်းမႅၼ်ႈဝၼ်းၵိူတ်ႇ ၸဝ်ႈမုၼ်ယႂ်ႇၶုၼ်ႁေႃၶမ်းၸိုင်ႈထႆး တူၼ်ထူၼ်ႈ 10 ၶွပ်ႈတဵမ် 72 ပီ။
ၶွင်ႇသီႇဢဝ်ၶိုၼ်းၸိုင်ႈတႆးတပ်ႉသိုၵ်းၸိုင်ႈတႆး RCSS/SSA ၼႃႈလိၼ်သိုၵ်းမၢႆၼိုင်ႈ ၵဵင်းတုင် ၸဝ်ႈသိုၵ်းလူင် ၶမ်းၵွၼ်းၸိုၼ်ႈ ဢွၼ်ႁူဝ်လုၵ်ႈတပ်ႉလုၵ်ႈၸုမ်း ၸတ်းပၢင်ႁဵတ်းတၢင်းလီၵုသူဝ်ႇ ပၼ်။
ယၢမ်းၵၢင်ၼႂ်ၸဝ်ႉ 5 မူင်းၶိုင်ႈ လူႇတၢၼ်းသွမ်းတေႃႇလူင် 72 ၵမ်း ယိူင်းၸူးထိုင်ၸဝ်ႈမုၼ်ယႂ်ႇၶုၼ်ႁေႃၶမ်း။ ဝၢႆးၼၼ်ႉလူႇတၢၼ်း သွမ်းသင်ႇၶၸဝ်ႈသေ ႁူမ်ႈၵၼ်ၵႂႃႇၽုၵ်ႇတူၼ်ႈမႆႉ ယွၼ်းသူးပၼ်ၸဝ်ႈမုၼ်ယႂ်ႇၶုၼ်ႁေႃၶမ်းထႆး ႁႂ်ႈယူႇလီၵတ်းယဵၼ်ဢႃယုယိုၼ်းယၢဝ်း။
တွၼ်ႈၵၢၼ်ဝၢႆးဝၼ်းသမ်ႉၶၢဝ်းယၢမ်း 6 မူင်း ၵူၼ်းသိုၵ်းၵူၼ်းမိူင်း ႁူမ်ႈၵၼ်။ ဝၢႆးၼၼ်ႉ ၸဝ်ႈသိုၵ်းလူင်ၶမ်းၵွၼ်းၸိုၼ်ႈ ၽူႈၵွၼ်းၼႃႈလိၼ်သိုၵ်းမၢႆ 1 ဢွၼ်ႁူဝ် ၽူႈၼမ်းလၢႆလၢႆၸဝ်ႈ သိုပ်ႇသၢၵ်ႈဢုပ်းငိုၼ်းဢုပ်းၶမ်းတေႃႇၼႃႈ ၶႅပ်းႁၢင်ႈၸဝ်ႈမုၼ်ယႂ်ႇၶုၼ်ႁေႃၶမ်း။
ဝၢႆးၼၼ်ႉ တူဝ်ၸဝ်ႈသိုၵ်းလူင် ၶမ်းၵွၼ်းၸိုၼ်ႈ ၸပ်းတဵၼ်းၼႃႈႁၢင်ႈၸဝ်ႈမုၼ်ယႂ်ႇၶုၼ်ႁေႃၶမ်း။ ဝၢႆးၼၼ်ႉသိုပ်ႇၸပ်းတဵၼ်းပၼ် ၽူႈၼမ်းၽူႈပွင်ၵၢၼ် ၽူႈမီးၸၼ်ႉလႄႈၵေႃႉသိုၵ်းၵေႃႉႁၢၼ်ၶဝ်သေ ႁူမ်ႈၵၼ် တႆးၾႆးတဵၼ်း ယွၼ်းသူး ။ဝၢႆးၼၼ်ႉမီးလွင်ႈမီးလွင်ႈၵႃႈဝႅၼ်မူၼ်ႈၸႂ်။
မိူၼ်ၼႆၼင်ႇၵဝ်ႇ ၸဝ်ႈသိုၵ်းလႅင်းၸိုၼ်ႈ ၵႅမ်ၽူႈၵွၼ်းၼႃႈလိၼ်သိုၵ်းမၢႆၼိုင်ႈၵေႃႈ ၵေႃႈဢွၼ်ၼမ်းၵေႃႉသိုၵ်းၵေႃႉႁၢၼ် လူႇတၢၼ်းသွမ်းတေႃႇ၊ ႁဵတ်းတၢင်းလီၵုသူဝ်ႇလွင်းသွမ်းသၢၼ်သင်ၶၸဝ်ႈတီႈ တပ်ႉပၢင်သဝ်း လွႆၵေႃႇမိူင်း ။ တီႈလွႆၵေႃႇမိူင်းၼၼ်ႉ ၵေႃႉသိုၵ်းၵေႃႉႁၢၼ်လႄႈၵူၼ်းမိူင်း ႁူမ်ႈၵၼ်ၵေႃႇထၢတ်ႈၵွင်းမူး ဢွင်ႇပေႉဢွင်ႇမၢၼ်။ ၽုၵ်ႇတူၼ်ႈမႆႉၼႂ်းဝတ်ႉဝႃးၽႃသိူဝ်ႇလႄႈၸွမ်းႁိမ်းၶၢင်ႈတၢင်း – တႃႇႁႂ်ႈပဵၼ်တၢင်းလီၵုသူဝ်ႇၸဝ်ႈမုၼ်ယႂ်ႇၶုၼ်ႁေႃၶမ်းထႆး လႄႈတႃႇႁႂ်ႈၵူၼ်းမိူင်းလႆႈၵတ်းယဵၼ်ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ