ၸုမ်းတူင်ႉၼိုင် တူင်ႇဝူင်းတႆး ၼႂ်းဝဵင်းတႃႈၶီႈလဵၵ်း ဢုပ်ႇဢူဝ်းၵၼ်သေ ပိုတ်ႇႁပ်ႉတွၼ်ႈ ၸွႆႈလိူဝ်ၵူၼ်းပၢႆႈၽေးသိုၵ်း ၼႂ်းၸိုင်ႈတႆးပွတ်းႁွင်ႇ ဝႃႈၼႆ။
တႄႇဢဝ် ဝၼ်းတီႈ 25/07/2024 ၼႆႉၵႂႃႇ ယူႇတီႈ ၵေႃလိၵ်ႈလၢႆးလႄႈ ၾိင်ႈငႄႈတႆး ဢွၼ်ႁူဝ်သေ ႁူမ်ႈလူၺ်ႈ ၸုမ်း ၵူၼ်းၼုမ်ႇတႆး TYO လႄႈ New Power သေ ပႂ်ႉႁပ်ႉတွၼ်ႈ ၸွႆႈလိူဝ်ၵူၼ်းပၢႆႈၽေးသိုၵ်း ပွတ်းႁွင်ႇ တႃႇၵူၼ်း 200 ၵေႃႉ တီႈႁူင်းႁေႃး ၵေႃလိၵ်ႈလၢႆး ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ လႅၼ်လိၼ်တႆး – ထႆး ၼႆယဝ်ႉ။
ၵူၼ်းၼုမ်ႇ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈဝႃး ဝၼ်းတီႈ 25 ၼႆႉ ႁဝ်းၶႃႈ ဢုပ်ႇဢူဝ်းၵၼ်သေ ပိုတ်ႇႁပ်ႉၸွႆႈလိူဝ် ၵူၼ်းပၢႆႈၽေးသိုၵ်းႁဝ်းၶႃႈ တၢင်းပွတ်းႁွင်ႇ တႃႇၵူၼ်း 200 ၵေႃႉသေ တေဢဝ်လိုဝ်ႈဝႆႉ တီႈႁူင်းႁေႃး ၵေႃလိၵ်ႈလၢႆး တႃႈၶီႈလဵၵ်း။ သင်ဝႃႈ ႁူဝ်ၵူၼ်း ၼမ်လိူဝ်မႃးၸိုင် ႁဝ်းၶႃႈ တေဢုပ်ႇၵၼ်သေ ၶပ်းၶိုင်ပၼ်ထႅင်ႈ တေ ဢဝ်လိုဝ်ႈဝႆႉတီႈလႂ် ၼႆၸိူဝ်းၼႆႉၶႃႈ”- ဝႃႈၼႆ။
သင်ဝႃႈ ၵူၼ်းပၢႆႈၽေးသိုၵ်း ပွတ်းႁွင်ႇ ပၢႆႈႁွတ်ႈထိုင်မႃး တီႈဝဵင်းတႃႈၶီႈလဵၵ်းၼႆၸိုင် ၵပ်းသိုပ်ႇလႆႈတီႈ မၢႆၾူၼ်း ၼၢင်းမွၼ်းၸိင်ႇ 09678086283 (မၢႆၾူၼ်းမၢၼ်ႈ) လုင်းၸၢႆးမၢႆ – 095241814 (မၢႆၾူၼ်းမၢၼ်ႈ) ၼႆယဝ်ႉ။
လိူဝ်ၼၼ်ႉ တီႈဝဵင်းၵဵင်းတုင်ၵေႃႈ မိူၼ်ၵၼ် မိူဝ်ႈဝၼ်းတီႈ 18 ၼၼ်ႉ ယူႇတီႈ သင်ၶၸဝ်ႈလႄႈ ၵူၼ်းမိူင်း ပိုၼ်ႉတီႈ ပိုၼ်ၽၢဝ်ႇ ပိုတ်ႇႁပ်ႉၵူၼ်းပၢႆႈၽေးသိုၵ်း ပွတ်းႁွင်ႇ တႃႇႁူဝ်ၵူၼ်း 500 ၵေႃႉ။
သင်ဝႃႈ ႁွတ်ႈထိုင် မႃးတီႈၵဵင်းတုင်ၸိုင် ၵပ်းၸူးမၢႆၾူၼ်း တီႈၽူႈမီးပုၼ်ႈၽွၼ်း မိူၼ်ၼင်ႇ – ၸဝ်ႈၶူး ၸေႃးတိၵ ဝတ်ႉယၢင်းပူး မၢႆၾူၼ်း 09261302918 ၊ ၸဝ်ႈၶူးဢၵ်ၵသေၼ ဝတ်ႉဝၢၼ်ႈငႅၼ်း 09683381996 ၊ ၸဝ်ႈၶူးသုၸႃႇတ ဝတ်ႉလူင်သီရိၼေႃႇ 09252507993 ၊ ၸဝ်ႈၶူးသေႃးၽၼ ဝတ်ႉတူယႃး 09262989205 ၊ သြႃႇထုၼ်းဢွင်ႇ (ၸုမ်းၸွႆႈထႅမ်သႃသၼႃ) 09445838525 ၊ ၸၢႆးလူင်ယ (ၵေႃလိၵ်ႈလၢႆး) 09883391345 ၊ ၸၢႆးဝုၼ်းၵႅဝ်ႈ (TYO) 095252786 လႄႈ ၸဝ်ႈၶူးဝိၸႃႇရ ဝတ်ႉၵၢတ်ႇတဝ်ႇ 09258985590 ၸိူဝ်းၼႆႉ။
ဢွင်ႈတီႈ လိုဝ်ႈသဝ်းသမ်ႉ တေပဵၼ်တီႈဝတ်ႉမိူင်းလီပဵင်းၸႂ်၊ ဝတ်ႉထၢတ်ႈၸွမ်သီရီ၊ ဝတ်ႉထမ်မေႃးတယ၊ ဝတ်ႉဝၢၼ်ႈပၢင်ႇ၊ ဝတ်ႉၸၢင်ႉၽိူၵ်ႇၼွင်ၽႃ၊ ဝတ်ႉပႃႇလႅင်၊ ဝတ်ႉဝၢၼ်ႈတဝ်း၊ ထၢတ်ႈၺၢၼ်ႇဢွင်ႇ၊ ဝတ်ႉမ ႁႃၽေႃးထိလႄႈ ဝတ်ႉယၢင်းပူး ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ