Tuesday, May 21, 2024

ၵႅမ်ၽွင်းလူင် ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းၵျပၢၼ်ႊ ႁူပ်ႉထူပ်းၽူႈၼမ်းၸုမ်းယိပ်းၵွင်ႈ ၵၢင်ႇၸၢဝ်းၶိူဝ်း ၼႂ်းမိူင်းႁူမ်ႈတုမ်

Must read

ၵႅမ်ၽွင်းလူင် ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းၵျပၢၼ်ႊ မႃႊသႃႊႁီႊရူဝ်ႊ ၶူဝ်ႊမူႊရႃႊ ႁူပ်ႉထူပ်းၵၼ်တင်း ၽူႈ ၼမ်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၼႂ်းမိူင်းႁူမ်ႈတုမ်။

ဝၼ်းတီႈ 14/05/2024 ႁူပ်ႉၵၼ်တင်း ႁူဝ်ပဝ်ႈႁူမ်ႈတုမ်ယၢင်းၽိူၵ်ႇ KNU ၽတူဝ်ႊၸေႃႊၵွႆႇထူးဝိၼ်း၊ ႁူဝ်ပဝ်ႈ ပႃႇတီႇ ႁုၼ်ႈမုၼ်းၸိူဝ်ႉၸၢတ်ႈယၢင်းလႅင် KNPP ၶူးဢူးရႄႊ ၸိူဝ်းၼႆႉ။

- Subscription -

ၵႅမ်ၽွင်းလူင် ၾၢႆႇၼွၵ်ႈမိူင်း မိူင်းၵျပၢၼ်ႊ လၢတ်ႈဝႃႈ – “တေႁူပ်ႉထူပ်းၵၼ်တင်း ၽူႈၵဵဝ်ႇၶွင်ႈ တင်းသဵင်ႈသေ ယူႇတီႈမိူင်းၵျပၢၼ်ႊ တေဢုပ်ႇၵုမ်ၵၼ် ႁႃတၢင်းၵႄႈလိတ်ႈၸွႆႈ ၵၢၼ်မိူင်း မိူင်းမၢၼ်ႈ – ႁႂ်ႈၸၢင်ႈတူၵ်းလူင်းၵၼ် ႁႃၶေႃႈၵႄႈလိတ်ႈလႆႈ” – ဝႃႈၼႆ။

လွင်ႈၼႆႉ ယူႇတီႈ KNU  တင်း KNPP တႄႉ ဢွၵ်ႇၶေႃႈပိုၼ်ၽၢဝ်ႇမႃး ဢၼ်ၼိုင်ႈဝႃႈ – ၶွပ်ႈၸႂ်ထိုင် မိူင်းၵျပၢၼ်ႊ ဢၼ်ၸွႆႈထႅမ် လွင်ႈၵၢၼ်မိူင်း မိူင်းမၢၼ်ႈမႃးတႃႇသေႇ။ ယူႇတီႈ ၸုမ်းၸၢဝ်းၶိူဝ်းသေ လႆႈဢုပ်ႇလၢတ်ႈၼႄ လွင်ႈမုင်ႈမွင်းဝႆႉ တီႈမိူင်းၵျပၢၼ်ႊ ဢီႈသင်လၢႆလၢႆၼႆၸိူဝ်းၼႆႉ၊ လိူဝ်ၼၼ်ႉ တူၵ်းလူင်းၵၼ်ဝႃႈ တေႁူမ်ႈမိုဝ်းၵၼ်တင်း လူင်ပွင်ၸိုင်ႈမိူင်းၵျပၢၼ်ႊသေ ၵႄႈလိတ်ႈပၼ်ႁႃၵၢၼ်မိူင်းၵႂႃႇ – ဝႃႈၼႆ။

ၸုမ်းယၢင်းၽိူၵ်ႇ KNU လႄႈ ယၢင်းလႅင် KNPP ၼႆႉ ပူၼ်ႉမႃးၼႂ်းလိူၼ်မၢတ်ႊၶျ်ၼၼ်ႉၵေႃႈ လႆႈႁူပ်ႉထူပ်းၵၼ်တင်း ၻႄႊရိတ်ႉ ၶျေႃႊလႅတ်ႉ ၽူႈၵိူဝ်းၵုမ်ၾၢႆႇၼွၵ်ႈမိူင်း မိူင်းဢမေႊရိၵၼ်ႊ၊ ၼႂ်း လိူၼ်ဢေႊပရိူဝ်ႊသမ်ႉ ႁူပ်ႉၵၼ်တင်း ၸွမ်ၽွင်းလူင်ၵဝ်ႇမိူင်းထႆး ထၵ်းသိၼ် သျိၼ်ႊၼႃႊဝတ်ႉ ဝႆႉ။

ဢၢင်ႈဢိင် – RFA

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း