Sunday, April 14, 2024

NUG ဝႃႈ ဢမ်ႇလူဝ်ႇႁဵတ်းၸွမ်း လွင်ႈသိုၵ်းမၢၼ်ႈ တမ်းပိူင်ၵဵပ်းသိုၵ်းမႂ်ႇ

Must read

NUG ပိုၼ်ၽၢဝ်ႇဝႃႈ ဢမ်ႇလူဝ်ႇၸွမ်းပိူင် ဢၼ်ယူႇတီႈ သိုၵ်းမၢၼ်ႈ ယိုတ်းမိူင်း ၶွတ်ႇၽွတ်ႈ တမ်းဝၢင်းဝႆႉ လွင်ႈတေၵဵပ်း ၵူၼ်းမိူင်းႁဵတ်းသိုၵ်းၼၼ်ႉ ဝႃႈၼႆ။

ဝၼ်းတီႈ 13/2/2024 ၼႆႉ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ဢွၵ်ႇလိၵ်ႈပိုၼ်ၽၢဝ်ႇသၢၼ်ၶတ်း လွင်ႈသိုၵ်း မၢၼ်ႈ ယိုတ်းမိူင်း တဵၵ်းၸႂ်ႉၵူၼ်းမိူင်း ႁၢပ်ႇၵၢၼ်သိုၵ်းလႄႈ လွင်ႈၶွတ်ႇၽွတ်ႈငဝ်ႈငုၼ်းသိုၵ်းၵူၼ်းမိူင်း (ပြည်သူ့စစ်မှု ထမ်း ဗဟိုအဖွဲ့) ၸိူဝ်းၼႆႉ။

- Subscription -
လိၵ်ႈပိုၼ်ၽၢဝ်ႇ NUG
Photo by – NUG/ လိၵ်ႈပိုၼ်ၽၢဝ်ႇ NUG သၢၼ်ၶတ်း ပိူင်သိုၵ်းမၢၼ်ႈ တေၵဵပ်းသိုၵ်း

ၼႂ်းလိၵ်ႈပိုၼ်ၽၢဝ်ႇ NUG ၼၼ်ႉ ပႃးဝႆႉဝႃႈ – “ၸဝ်ႈဢႃႇၼႃႇ သိုၵ်းယိုတ်းမိူင်းၶဝ်ၼႆႉ ယိုတ်းမိူင်းလူၺ်ႈ ဢမ်ႇၶဝ်ႈၶႂၢင်ႇ တြႃး ဢၼ်ဢမ်ႇပဵၼ်တၢင်းၵၢၼ်။ ယွၼ်ႉၼၼ် ၵူၼ်းမိူင်းဢမ်ႇလူဝ်ႇၸွမ်းပိူင်ၶဝ်တမ်းဝၢင်း။ လွင်ႈဢၼ်ၶဝ် ပိုၼ်ၽၢဝ်ႇ တေၵဵပ်းသိုၵ်းၼၼ်ႉၵေႃႈ ၵူၼ်းမိူင်းဢမ်ႇလူဝ်ႇၸွမ်း။ ၼင်ႇႁိုဝ် ၵူၼ်းမိူင်းတေမီးလွင်ႈႁူမ်ႇလူမ်ႈၼၼ်ႉ ၸုမ်းလူင်ပွင် ၸိုင်ႈ NUG ႁဝ်း တေႁူမ်ႈၵၼ်တင်း ၸုမ်းဢူၺ်းလီလၢႆၸုမ်းသေ ၸွႆႈထႅမ်ၵူၼ်းမိူင်းၵႂႃႇယူႇ” – ဝႃႈၼႆ။

ၼႂ်းၶၢဝ်းတၢင်း ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းလၢႆၸုမ်း လေႃႇတိုၵ်းသိုၵ်းမၢၼ်ႈမႃးၼႆႉ ဢဵၼ်ႁႅင်းသိုၵ်းမၢၼ်ႈ လူႉႁၢႆတၢႆ ၼမ် မၢင်ၸိူဝ်း ထွၼ်တူဝ်ဢွၵ်ႇၼႂ်းတပ်ႉသေ ဝၢင်းၶိူင်ႈၸူး ၸုမ်းၸၢဝ်းၶိူဝ်းၵေႃႈမီးၼမ်။

“ယွၼ်ႉသိုၵ်းမၢၼ်ႈ ယိုတ်းမိူင်း ၵၢၼ်ႉသုမ်း ဢဵၼ်ႁႅင်းယွမ်းလူင်းၼမ်လႄႈ ယၢမ်းလဵဝ် ၶႂ်ႈဢဝ်ၵူၼ်းမိူင်းပဵၼ်ႁူဝ်ႉၵင်ႈပၼ် ၶဝ်။ ၵူဝ်ၵူၼ်းမိူင်းဢမ်ႇယွမ်းႁဵတ်းၸွမ်းပိူင်ၶဝ်လႄႈ တိုၼ်းတင်ႈၸႂ်လွၵ်ႇငိုတ်ႈ ႁႂ်ႈၵူၼ်းမိူင်းမႆႈၸႂ် လွင်ႈယူႇလွင်ႈၵိၼ်။ ပေႃးမီးၽူႈလႂ်ၽႂ် ႁၼ်လီၵမ်ႉၸွႆႈ ပၼ်သိုၵ်းမၢၼ်ႈ ယိုတ်းမိူင်းၸိုင် တၵ်းတေဢဝ်လိူင်ႈႁႂ်ႈထိုင်တီႈ” – UNG ပိုၼ်ၽၢဝ်ႇ ဝႆႉထႅင်ႈၼင်ႇၼႆ။

လိၵ်ႈပိုၼ်ၽၢဝ်ႇ NUG
Photo by – NUG/ လိၵ်ႈပိုၼ်ၽၢဝ်ႇ NUG သၢၼ်ၶတ်း ပိူင်သိုၵ်းမၢၼ်ႈ တေၵဵပ်းသိုၵ်း

ၶွင်ႇသီႇသိုၵ်းမၢၼ်ႈ ယိုတ်းမိူင်း ၶွတ်ႇၽွတ်ႈၸုမ်းငဝ်ႈငုၼ်းသိုၵ်းၵူၼ်းမိူင်းဝႆႉသေ တေႁူၺ်းၵူၼ်းမိူင်း ၶဝ်ႈႁဵတ်းသိုၵ်း ယၢမ်းလဵဝ် သဵၼ်ႈမၢႆၵူၼ်းမိူင်း တႃႇသိုၵ်းမၢၼ်ႈ တေဢဝ်ႁဵတ်းသိုၵ်း မီး 14 လၢၼ်ႉ ဝႃႈၼႆ။

ၵူၼ်းၼုမ်ႇတႆး ပွတ်းၸၢၼ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းမိူင်းႁဝ်းတႄႉ မႆႈၸႂ်ႈၵၼ်ဢေႃႈ။ ပေႃးမႆႈၸႂ် ၵေႃႈ တေဢွၼ်ၵၼ်ပၢႆႈဢွၵ်ႇ ၵူႈႁူးၵူႈတၢင်းယဝ်ႉ။ တေႁဵတ်းႁႂ်ႈၵူၼ်းၼုမ်ႇႁဝ်း ပၢႆႈဢွၵ်ႇမိူင်းတိၵ်းတိၵ်းယဝ်ႉ ႁိုင်မႃး ၼေႃႇတႅၼ်းၶိူဝ်းႁဝ်း တေဢမ်ႇမီးယဝ်ႉ”- ဝႃႈၼႆ။

ပၵ်းပိူင် ဢၼ်ၵူၼ်းမိူင်း တေလႆႈၶဝ်ႈႁၢပ်ႇၵၢၼ်သိုၵ်းၼႆႉ ယၢမ်ႈမီးမႃး မိူဝ်ႈပီ 2010 ပၢၼ်ၸွမ်ၸိၵ်းသိုၵ်းမၢၼ်ႈ တၢၼ်း သူၺ်ႇၼၼ်ႉ ထိုင်မႃးပီ 2024 ၼႆႉ ၸွမ်ၸိၵ်းသိုၵ်းမၢၼ်ႈ ယိုတ်းမိူင်း မိၼ်းဢွင်ႇလၢႆႇ ၸင်ႇၶိုင်ၽေႃႇၼမ်ႉၼႄတူဝ် ဢွၵ်ႇမႃး။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း