ၸုမ်းၼၢင်းယိင်းမိူင်းမၢၼ်ႈ BWU ပိုၼ်ၽၢဝ်ႇ ဝႃႈ – ဝၢႆးလင်သိုၵ်းမၢၼ်ႈယိုတ်းမိူင်း ႁိုင်မႃးၶၢဝ်းတၢင်းၸမ် 3 ပီ ၼၢင်းယိင်း ၼႂ်းမိူင်းႁူမ်ႈတုမ် ၺႃးတီႉၺွပ်းဢဝ်လိူင်ႈပၼ်တူတ်ႈတၢမ်ႇတၢႆလႄႈတၢမ်ႇၶွၵ်ႈၶၢဝ်းႁိုင် မီး 398 ၵေႃ့ ဝႃႈၼႆ။
ၵမ်ႈၼမ် ၺႃးပၼ်တၢမ်ႇၶွၵ်ႈ လူၺ်ႈၵၢၼ်ၽိတ်းပၵ်းပိူင်ၾိင်ႈမိူင်းလႄႈ မတ့်တႃ 505 ၵ ၸိူဝ်းၼႆ့ၼႆ ၽူႈၶဝ်ႈၸုမ်း BWU တွပ်ႇဝႆ့တီႈသိုဝ်ႇ RFA ၼင်ႇၼႆ။
ဝၢႆးလင်သိုၵ်းမၢၼ်ႈယိုတ်းမိူင်း တႄႇလိူၼ် ၾႅပ်ႉပိဝ်ႊရီႊပီ 2021 မႃးၼႆ့ သိုၵ်းမၢၼ်ႈ ၽိူမ့်ထႅမ်မတ့်တႃ 2 ဢၼ် တႃႇတေဢဝ်လိူင်ႈ ၽူႈသၢၼ်ၶတ်းၶဝ်ဝႃႈၼႆ။
ၸွမ်းၼင်ႇသဵၼ်ႈမၢႆ BWU ၵဵပ်းမၢႆဝႆ့ၸိုင် ဝၢႆးလင်သိုၵ်းမၢၼ်ႈယိုတ်းမိူင်း ၼၢင်းယိင်း ၺႃးပၼ်တၢမ်ႇၶွၵ်ႈတေႃႇၸူဝ်ႈ မီး 39 ၵေႃ့ ၊ ၺႃးပၼ်တၢမ်ႇတၢႆ မီး 16 ၵေႃ့ ၊ ၸိူဝ်းၺႃးတၢမ်ႇၶွၵ်ႈ 30 ပီ ၼႂ်းၵႄႈ 65 ပီၼႆ့ ႁူမ်ႈသဵၼ်ႈမီးယူႇ 9 ၵေႃ့ ၊ ၼႂ်းၵႄႈ 20 ပီတင်း 30 ပီ မီး 24 ၵေႃ့ ၊ ၼႂ်းၵႄႈ 10 ပီတင်း 20 ပီသမ့် မီး 105 ၵေႃ့လႄႈ ၼႂ်းၵႄႈ 5 ပီတင်း 10 ပီၼႆ့သမ့် မီးဝႆ့ထိုင် 205 ၵေႃ့ ဝႃႈၼႆ။
ပူၼ့်မႃးမိူဝ်ႈႁူဝ်လိူၼ် ဝၼ်းတီႈ 10 ၼႆ့ ယူႇတီႈလုမ်းတြႃးသိုၵ်းမၢၼ်ႈ ၼႂ်းၶွၵ်ႈဢိၼ်းသဵင်ႇ ပၼ်တၢမ်ႇၶွၵ်ႈတေႃႇၸူဝ်ႈ တီႈ သျိၼ်ႇတေႇဝီႇ ၽူႈၸတ်းငဝ်းတူင့် ၊ ပဵၼ်တၢမ်ႇၶွၵ်ႈသုင်သုတ်းယဝ့် ဝႃႈၼႆ။
ဢိင်ၼိူဝ်လွင်ႈၼႆ့သေ ၽူႈၶၢၼ်ပၢၵ်ႇသိုၵ်းမၢၼ်ႈ ၸွမ်သိုၵ်းသေႃႇမိၼ်းထုၼ်း ယၢမ်ႈလၢတ်ႈဝႆ့ ၼႂ်းပီ 2022 ၼၼ့်ဝႃႈ – ၽူႈလႂ်ၽႂ်သေဢမ်ႇဝႃႈ သင်လှူႇတၢၼ်းၵမ့်ၸွႆႈပၼ် ၸုမ်းသိုၵ်း PDF/NUG/CRPH ၼႆၸိုင် တိုၼ်းၵဵဝ်ႇၵွင့်တင်းပၵ်းပိူင်ၾိင်ႈမိူင်းၾၢႆႇၵၢၼ်တိုၵ်းႁႄ့ၸုမ်းႁုၵ့်ႁၢႆ့ၶဝ်ႈယဝ့် ဝႃႈၼႆ။
ၸုမ်းၵမ့်ၸွႆႈၵူၼ်းတူၵ်းၶွၵ်ႈၵၢၼ်မိူင်း AAPP ပိုၼ်ၽၢဝ်ႇ မိူဝ်ႈဝၼ်းတီႈ 26 လိူၼ် Jan ၼႆ့ဝႃႈ – ဝၢႆးလင်သိုၵ်းမၢၼ်ႈယိုတ်းမိူင်း ၵူၼ်းမိူင်းႁူမ်ႈတုမ်ႇပတ့်ပိုၼ့် ထုၵ်ႇသိုၵ်းမၢၼ်ႈတီ့ၺွပ်းမွၵ်ႈ 26000 ၵေႃ့ ၊ ၼႂ်းၼၼ့် ၼၢင်းယိင်းၶဝ်ႈပႃးဝႆ့ 5000 ပၢႆ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ