Tuesday, June 25, 2024

သိုၵ်းၵဝ်ႈၵၢင်ႉ MNDAA ႁွင်ႉပၢင်ၵုမ်ၵၢင်ႉၵႄႇၼႂ်းၸႄႈဝဵင်းသႅၼ်ဝီ ၸီႉသင်ႇ ၶေႃႈလမ်ႇလွင်ႈ 6 ၶေႃႈ

Must read

သိုၵ်းၵဝ်ႈၵၢင်ႉ MNDAA ႁွင်ႉၵူၼ်းဝၢၼ်ႈၼႂ်းၸႄႈဝဵင်းသႅၼ်ဝီ ဢုပ်ႇၵုမ် တႄႇၵၢၼ်ၽွင်းငမ်းတႂ်ႈၶဝ်ၵုမ်းၵမ်။

ဝၼ်းတီႈ 16/12/2023 ယၢမ်းၵၢင်ဝၼ်းတဵင်ႈထိုင် ဝၢႆႇမူင်း သိုၵ်းၵဝ်ႈၵၢင်ႇ MNDAA သင်ႇၶၢၼ်းႁွင်ႉဢဝ် ၵၢင်ႉၵႄႇဝၢၼ်ႈဢိူင်ႇ ၼႂ်းဢိူင်ႇၸေႈဢူလႄႈ ဢိူင်ႇၼမ်ႉၸလၢပ်ႈ ၸႄႈဝဵင်းသႅၼ်ဝီသေ ဢုပ်ႇၵုမ်သပ်းလႅင်းၼေလၢႆလၢႆလွင်ႈ – ပိူင်လူင် ၸိသင်ႇၵႂႃႇဢၼ်လမ်ႇလွင်ႈ 6 ၶေႃႈ။

- Subscription -

ၵူၼ်းမိူင်းသႅၼ်ဝီၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ဢၼ်ၶဝ်ၸီႉသင်ႇဢၼ်လမ်ႇလွင်ႈမီး 6 ၶေႃႈ- 1- ႁႂ်ႈသူင်ႇပၼ်ၶဝ် သဵၼ်ႈၸိုဝ်ႈမေႃယႃလႄႈမေႃသွၼ်၊ 2-သင်ဝႃႈသိုၵ်းၵဝ်ႈၵၢင်ႉၶဝ် ပေႉၵိၼ်လူလၢႆၵူၼ်းမိူင်းၼႆ ႁႂ်ႈတိူင်ႇၶဝ်ၵမ်းလဵဝ် 3-ၶဝ်တေဢွၼ်ႁဵတ်းၵၢၼ်ၵႃႉၶၢႆပၢႆးမၢၵ်ႈမီးႁႂ်ႈၶိုၼ်ႈယႂ်ႇ ၼႆဝႃႇ။ ထႅင်ႈ 4 ၵေႃႈ ၼႂ်းၼႃႈတီႈဢၼ်ၶဝ်ၵုမ်းၵမ်ဝႆႉၼၼ်ႉ သိုၵ်းၸုမ်းလႂ်မႃးယွၼ်းၶွၼ်ႇၵေႃႈတိုၼ်းဝႃႈတေဢမ်ႇလႆႈသႂ်ႇပၼ်လႃးလႃးၼႆဝႃႇ။ 5- သမ်ႉ ၽႂ်တေလႅၼ်ႈလႅင်းၵႃးၵေႃႈႁႂ်ႈသႂ်ႇသဵၼ်ႈၸိုဝ်ႈသဵၼ်ႈမၢႆတီႈၶဝ်။ ပေႃးၶဝ်တီႉလႆႈဢၼ်ဢမ်ႇပၼ်သဵၼ်ႈၸိုဝ်ႈဝႆႉၸိူဝ်းၼၼ်ႉၶဝ်တေၺွပ်းၼႆ။ မၢႆ 6 ၵေႃႈလွင်ႈၵူၼ်းၵႃႉယႃႈ။ ပေႃးၶဝ်တီႉလႆႈၵူၼ်းၵဵဝ်ႇၶွင်ႈယႃႈမဝ်းၵမ်ၼႆႉတႄႉ ၶဝ်တေဢမ်ႇပၼ်ထုတ်ႇၶိုၼ်း တေဢဝ်ႁဵတ်းသိုၵ်းၶဝ်ၵမ်းလဵဝ်ၼႆၶႃႈဢိူဝ်ႈ ”- ဝႃႈၼႆ။

ပၢင်ၵုမ်ၼႆႉ ၸတ်းႁဵတ်းတီႈႁူင်းႁဵၼ်း ဢိူင်ႇၸေႊဢူ။ မီးၵၢင်ႉၵႄႇပူႇထဝ်ႈဝၢၼ်ႈၼႂ်းဢိူင်ႇလႄႈတင်းၾၢႆႇသိုၵ်းၵဝ်ႈၵၢင်ႉၶဝ် ၶဝ်ႈႁူမ်ႈပၢင်ၵုမ် ႁူဝ်ၼပ်ႉၵူၼ်းတင်းမူတ်း 50 ပၢႆ။

တီႈဝဵင်းသႅၼ်ဝီ ၸိုင်ႈတႆးပွတ်းႁွင်ႇၼႆႉၵေႃႈ ၵူၼ်းမိူင်းလႆႈထူပ်းၽေးသိုၵ်း 1027 ။ ၵူၼ်းပိုၼ်ႉတီႈ မွၵ်ႈ ၶိုင်ႈပၢႆဢမ်ႇၸၢင်ႈ ယူႇသဝ်း တီႈဝၢၼ်ႈဢိူင်ႇႁိူၼ်းယေး၊ လႆႈပၢႆႈၽေးသိုၵ်းဝႆႉတေႃႇထိုင်ယၢမ်းလဵဝ်။ ၼႂ်းပိုၼ်ႉတီႈ တိုၵ်ႉမီးလွင်ႈၶဵင်ႈၶႅင်ၵၢၼ်သိုၵ်းၵၼ်ယူႇလႄႈ ၵမ်ႈၽွင်ႈပၢႆႈထိုင်ဝဵင်းလႃႈသဵဝ်ႈ ဝဵင်းလိူဝ်ႇ။ ၵမ်ႈၽွင်ႈပၢႆႈၶဝ်ႈႁဵတ်းၵၢၼ်မိူင်းထႆး ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း