လူင်ပွင်ၸိုင်ႈၽွမ့်ႁူမ်ႈၸိူဝ့်ၸၢတ်ႈ NUG ပိုၼ်ၽၢဝ်ႇ တႄႇၸႂ်ႉၵၢၼ်ၽွင်းငမ်းၵူၼ်းမိူင်း တီႈဝဵင်းၵွင်းလၢင်း (ကောလင်း) တိူင်းၸႄႈၵႅင်း ။

ၸုမ်းၵႅတ်ႇၶႄၵူၼ်းမိူင်း PDF ႁူမ်ႈ ၸုမ်းသိုၵ်းၶၢင် KIA သေ ပိုတ်းယိုဝ်းသိုၵ်းမၢၼ်ႈသေ ယိုတ်းလႆႈ ဝဵင်းၵွင်းလၢင်း ၸဵမ်မိူဝ်ႈဝၼ်းတီႈ 6/11/2023 ၊ ထိုင်မႃးဝၼ်းတီႈ 3/12/2023 ပိုၼ်ၽၢဝ်ႇၵၢၼ်ၽွင်းငမ်းၵူၼ်းမိူင်း ။ ဝဵင်းၵွင်းလၢင်းၼႆႉပဵၼ်ဝဵင်း ၸၼ့်ၸႄႈတွၼ်ႈ ဢၼ်ၸုမ်း NUG ယိုတ်းလႆႈၵမ်းႁႅၵ်ႈ ၼႂ်းၵၢၼ်ပိုတ်းယိုဝ်းတိုၵ်းတေႃးၸဝ်ႈဢႃႇၼႃႇသိုၵ်းမၢၼ်ႈ ၶၢဝ်းတၢင်း 2 ပီပၢႆ။

တီႈဝဵင်းၵွင်းလၢင်း တီႈပဵၼ်ဝဵင်းၵဝ်ႇပီႈၼွင်ႉတႆး ယူႇသဝ်းမႃးၼႆႉ ယၢမ်းလဵဝ် တပ့်မတေႃႇၾၢႆႇၵႅတ်ႇၶႄၵူၼ်းမိူင်း PDF ၊ ၸုမ်းၵႅတ်ႇၶႄၵူၼ်းမိူင်း (ပကဖ) ၊ ၸုမ်းႁူမ်ႇလူမ်ႈ (ပလဖ) ၊ ၸုမ်းပလိၵ်ႈၵူၼ်းမိူင်း ႁူမ်ႈၵၼ်ဢဝ်ႁူမ်ႇလူမ်ႈဝဵင်းဝႆ့သေ တႃႇၵၢၼ်ယူႇလီၵူၼ်းမိူင်းသမ့် မေႃယႃ ၊ မေႃလုမ်းလႃး ၊ ၽူႈၸွႆႈၾၢႆႇပၢႆးယူႇလီ ႁူမ်ႈသဵၼ်ႈ 65 ၵေႃ့ တူၺ်းထိုင်လူလွမ်ဝႆ့ပၼ် ။

မိူၼ်ၼႆ ၼင်ႇၵဝ်ႇၼႂ်းၸိုင်ႈတႆးပွတ်းႁွင်ႇ မိူၼ်ၼင်ႇဝဵင်း ၼမ့်ၽႃႈ ၊ မိူင်းၵူဝ်း ၊ ၵုၼ်လူင် ၊ ပၢင်ႇသၢႆး ၊ ၵွင်းၸၢင်ႉၼႆ့ ၸုမ်းသိုၵ်းၵဝ်ႈၵၢင့် MNDAA ယိုတ်းလႆႈဝႆ့သေ မိူၼ်ၼင်ႇဝဵင်းပၢင်ႇသၢႆး ၊ မိူင်းၵူဝ်းတႄႉ တႄႇၸႂ်ႉၵၢၼ်ၽွင်းငမ်း ၵူၼ်းမိူင်းယူႇယဝ့်ၼႆ လီၵျႃးဝိၼ်း ၽူႈၶၢၼ်ပၢၵ်ႇ MNDAA တွပ်ႇဝႆ့တီႈသိုဝ်ႇၶၢဝ်ႇ RFA ၼင်ႇၼႆ။

လိူဝ်ၼၼ့် ၼႂ်းမိူင်းႁူမ်ႈတုမ် ပတ်းပိုၼ့်ၼႆ့ ၸုမ်းလုၵ့်ၽိုၼ့်သၢၼ်ၶတ်းသိုၵ်းမၢၼ်ႈ ပိုၼ်ၽၢဝ်ႇဝႃႈ ယိုတ်းလႆႈ 19 ၸႄႈဝဵင်းယဝ့် ။ ၼႂ်းမိူင်းၶျၢင်း ၸုမ်းသိုၵ်းၶျၢင်း ယိုတ်းလႆႈ 7 ၸႄႈဝဵင်း ၊ ၼႂ်းတိူင်းၸႄႈၵႅင်းသမ့် ဝဵင်းၵွင်းလၢင်း ၊ ဝဵင်းၶမ်းပၢတ်ႈ (ခါမ်းပါတ်) ဢၼ်မီးၼႂ်းၸႄႈဝဵင်း တမူးလႄႈ ဝဵင်းသူၺ်ႇပျီႇဢေး ၼႂ်းၸႄႈဝဵင်းႁူမ်ႈမၢၵ်ႇလၢင်း ၸိူဝ်းၼႆ့ၵေႃႈ ၸုမ်းသိုၵ်းၵႅတ်ႇၶႄၵူၼ်းမိူင်း ႁူမ်ႈၵၼ် ယိုတ်းလႆႈဝႆ့ယဝ့် ဝႃႈၼႆ။

ငဝ်ႈၶၢဝ်ႇ -RFA