Saturday, June 15, 2024

ပၢင်တိုၵ်းမိူင်းပၢႆး သိုၵ်းမၢၼ်ႈ တၢႆ 20 ၵေႃႉ PDF တၢႆ 4 ၵေႃႉ

Must read

သိုၵ်းမၢၼ်ႈတင်း PDF ပိုတ်းယိုဝ်းၵၼ်တီႈမိူင်းပၢႆး ႁၢဝ်ႈႁႅင်း ၾၢႆႇ PDF တၢႆ 4 ၵေႃႉသေ ၾၢႆႇသိုၵ်းမၢၼ်ႈ လူႉတၢႆ ဢမ်ႇယွမ်း 20 ၵေႃႉ။

Photo : ႁၢင်ႈပၢင်ၸႃႉ လုၵ်ႈသိုၵ်း ပီႊတီႊဢႅပ်ႉၾ်တီႈမိူင်းပၢႆး

မိူဝ်ႈဝႃး ဝၼ်းတီႈ 11/6/2023 ယၢမ်းၵၢင်ၼႂ် 7 မူင်းၼၼ်ႉ သိုၵ်းမၢၼ်ႈတင်း PDF ပဵၼ်ပၢင်တိုၵ်းၵၼ် တီႈမိူင်းပၢႆး ႁၢဝ်ႈႁႅင်း ၾၢႆႇ PDF တၢႆ 4 ၵေႃႉသေ ၾၢႆႇသိုၵ်းမၢၼ်ႈ လူႉတၢႆ ဢမ်ႇယွမ်း 20 ၵေႃႉၼႆယဝ်ႉ။

- Subscription -

MBPDF(ပီႊတီႊဢႅပ်ႉၾ်မိူင်းပၢႆး) ပိုၼ်ၽၢဝ်ႇဝႆႉဝႃႈ ၾၢႆႇသိုၵ်းမၢၼ်ႈ ၸႂ်ႉၵွင်ႈလူင် ပိုတ်းယိုဝ်း ဢမ်ႇယွမ်း 100 ၵမ်း ၾၢႆႇၸုမ်းသိုၵ်း PDF လူႉတၢႆ 4 ၵေႃႉ။ၼႂ်းပၢင်တိုၵ်းၼႆႉ ၾၢႆႇသိုၵ်းမၢၼ်ႈ လူႉတၢႆ 20 ၵေႃႉ ဝႃႈၼႆဝႆႉ။

ၵူၼ်းၼႂ်းပိုၼ်ႉတီႈၸႄႈဝဵင်းမိူင်းပၢႆးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “တေလႆႈဝႃႈ ပၢင်တိုၵ်းၼႆႉ ႁၢဝ်ႈႁႅင်းတေႉ ယဝ်ႉၶႃႈ။ၶဝ်ဢဝ် မၢၵ်ႇလူင်ယိုဝ်းသႂ်ႇၵၼ် လိၼ်မိူင်းပေႃး ၶွၼ်းပေႃးသၼ်ႇ တူင်ႉၵႂႃႇသဵင်ႈဢေႃႈ။ဢမ်ႇသၢင်ႇထုၵ်ႇ ပေႃးပဵၼ်ၵူၼ်း မီးလူမ်းႁူဝ်ၸႂ်ၼႆတႄႉ ၸၢင်ႈလူႉတၢႆယွၼ်ႉမၼ်းဢေႃႈ။သဵင်ၵွင်ႈလူင်ၶဝ်ၼႆႉ မၼ်းတိုၼ်းႁႅင်းဝႃႈႁႅင်းယဝ်ႉ ” – ဝႃႈၼႆ။

ၸုမ်းသိုၵ်း PDF သီႇ ၵေႃႉ ဢၼ်လူႉတၢႆ ၼႂ်းပၢင်တိုၵ်းၼႆႉ ပႃးလုၵ်ႈၸုမ်း PDF မိူင်းပၢႆး 1 ၵေႃႉ ၊ PDF ယၢင်းလႅင် 2 ၵေႃႉ၊ ၾၢႆႇ URF ( မြို့ပြတော်လှန်ရေးတပ်ဉီး) ၵေႃႉၼိုင်ႈ တင်းသဵင်ႈလူႉတၢႆၼႂ်းပၢင်တိုၵ်း 4 ၵေႃႉ။

MBPDF ပၼ်ၾၢင်ႉဝႆႉဝႃႈ – “ ယွၼ်ႉငဝ်းလၢႆး ပၢင်တိုၵ်း တိုၵ်ႉၶဵင်ႈၶႅင်ၵၼ်ဝႆႉလႄႈ ႁၢမ်ႈၵူၼ်းမိူင်း ၵႂႃႇမႃး ၸွမ်းႁိမ်းႁွမ်း ဢွင်ႈတီႈၵႆႉပဵၼ်ပၢင်တိုၵ်း လိူဝ်ၼၼ်ႉ ႁၢမ်ႈလတ်းၽၢၼ်ႇၵႂႃႇမႃး သဵၼ်ႈတၢင်း မိူင်းပၢႆး  လႄႈဝၢၼ်ႈပီႇၵိၼ်း ” – ဝႃႈၼႆ။

မိူဝ်ႈပူၼ်ႉမႃး ဝၼ်းတီႈ 10/6/2023 ၼၼ်ႉၵေႃႈ ၾၢႆႇသိုၵ်းမၢၼ်ႈ လေႃႇတိုၵ်းဢွၼ်တၢင်းသေ ၸင်ႇပဵၼ်ပၢင်တိုၵ်းၵၼ်တင်း PDF ႁၢဝ်ႈႁႅင်း တီႈဝၢၼ်ႈၶွင်းဢီႉ ၸႄႈဝဵင်းၾၢႆၶုၼ် လုၵ်ႈသိုၵ်းမိုဝ်းသိုဝ်ႈၵေႃႉၼိုင်ႈလႄႈ ၽူႈမီးၸၼ်ႉPDF ၵေႃႉၼိုင်ႈ တိူဝ်ႉမၢၵ်ႇၵွင်ႈလူင်သေ လူႉတၢႆၼႆ ပီႊတီႊဢႅပ်ႉၾ်ႉ မိူင်းပၢႆး တပ်ႉမၢႆ 2 (MOBYE PDF 2) ပိုၼ်ၽၢဝ်ႇဝႆႉ ၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း