Friday, May 31, 2024

PPST ၸုမ်းဢွၼ်ႁူဝ်ၶၵ်ႉၵၢၼ်လွင်ႈငမ်းယဵၼ် ၸတ်းပၢင်ၵုမ် 2 ဝၼ်း တီႈၵဵင်းမႆႇ

Must read

PPST ဢၼ်ၸုမ်းယိပ်းၵွင်ႈၵၢင်ႇၸၢဝ်းၶိူဝ်း(NCA-S-EAO) 7 ၸုမ်းၶဝ်ႈႁူမ်ႈဝႆႉၼၼ်ႉ တေၸတ်း ပၢင်ဢုပ်ႇဢူဝ်း ၵၼ်ၵႂႃႇ ၶၢဝ်းတၢင်း 2 ဝၼ်း။

တႄႇဢဝ်မိူဝ်ႈၼႆႉ ဝၼ်းတီႈ 17 တေႃႇထိုင်ဝၼ်းတီႈ 18/5/2023 သေ PPST ၸုမ်းဢွၼ်ႁူဝ်ၶၵ်ႉၵၢၼ်လွင်ႈငမ်းယဵၼ် တေၸတ်းပၢင်ဢုပ်ႇဢူဝ်းၵၼ် တႃႇၽေႃႇၼမ်ႉၼႄတူဝ် လွင်ႈငမ်းယဵၼ် ဢၼ်လႆႈဢုပ်ႇဢူဝ်းၵၼ်ဝႆႉ တင်း ၸုမ်း NSPNC ၼႂ်းလိူၼ်မၢတ်ႉၶျ်ၼၼ်ႉ ၼႆယဝ်ႉ။

- Subscription -

ၸဝ်ႈသိုၵ်းလူင် ၸေႃးၵျေႃႇၺုၼ်ႉလၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈယဝ်ႉ တေၸတ်းႁဵတ်းတႃႇ 2 ဝၼ်း။လိူၼ်မေႇ ဝၼ်းထိ 17 လႄႈ 18 ၼႆႉဢေႃႈ။ ပိူင်လူင်မၼ်းတႄႉ တေၶိုၼ်းဢုပ်ႇဢူဝ်းၵၼ်ၵႂႃႇ လွင်ႈဢၼ်ၵႂႃႇဢုပ်ႇၵၼ်တင်း ၸုမ်း NSPNC မိူဝ်ႈပူၼ်ႉမႃးၼၼ်ႉၵွႆးၼင်ႇၵဝ်ႇ။ တေၶိုၼ်းဢဝ်မႃး ဢုပ်ႇၵၼ်တူၺ်း ၼႂ်းၸုမ်းႁဝ်းၼင်ႇၵၼ်ၶိုၼ်း ၼၼ်ႉၼႃႇၼေႃ ” – ဝႃႈၼႆ။

ၸုမ်း NCA-S-EAO ( 7 ) ၸုမ်း လႄႈတင်း NSPNC (ၸုမ်းငမ်းယဵၼ် ၶွင်ၶွင်ႇသီႇသိုၵ်းမၢၼ်ႈ) ၼႆႉ ဢုပ်ႇဢူဝ်းၼွၵ်ႈလႅၵ်ႈၵၼ်ဝႆႉ မိူဝ်ႈဝၼ်းတီႈ 28/3/2023 ပွၵ်ႈၼိုင်ႈသေ မိူဝ်ႈလဵဝ်ဢဝ်လွင်ႈတၢင်း ဢုပ်ႇဢူဝ်းၵၼ်ဝႆႉ ၼၼ်ႉ  တေမႃးဢုပ်ႇၵၼ်ၶိုၼ်း ၼႂ်းၸုမ်းၼႆယဝ်ႉ။

ၸဝ်ႈသိုၵ်းလူင် ၸေႃးၵျေႃႇၺုၼ်ႉသိုပ်ႇလၢတ်ႈတီႈၽူႈတွႆႇႁွၵ်ႈဝႃႈ- “ ဢၼ်လႆႈ ဢုပ်ႇဢူဝ်းတူၵ်းလူင်းၵၼ်ဝႆႉ တင်း NSPNC ၼႆႉ မီး 8 ၶေႃႈ ။ တႃႇတေလႆႈ ဢုပ်ႇၵုမ်ၵၼ်ထႅင်ႈၵၼ်တင်းၸုမ်း NSPNC ၵေႃႈ မီးၽႅၼ်မၼ်းဝႆႉယူႇ။ ၵွပ်ႈၼၼ်လႄႈ တေဢဝ်လွင်ႈၸိူဝ်းၼႆႉသေ တႄႇဢုပ်ႇၵၼ်ၵႂႃႇၼႂ်း 2 ဝၼ်းၼႆႉဢေႃႈ” –  ဝႃႈၼႆ။

ၼႂ်း NCA-S-EAO ( 7 ) ၸုမ်း ဢၼ်မႃး ႁူပ်ႉထူပ်းဢုပ်ႇဢူဝ်းၵၼ်တီႈၵဵင်းမႆႉ ပွၵ်ႈၼႆႉ ပဵၼ် ၸုမ်းပႃႇ တီႇမိူင်း မွၼ်းမႂ်ႇ NMSP ၊ ပႃႇတီႇပူတ်းပွႆႇၸိူဝ်ႉၸၢတ်ႈရၶႅင်ႇ (ALP) ၊ တပ်ႉသိုၵ်းယၢင်း ၵမ်ႉထႅမ်ၻီႊမူဝ်ႊၶရေႊၸီႊ(DKBA) ၊ တပ်ႉသိုၵ်းပူတ်းပွႆႇၸိူဝ်ႉၸၢတ်ႈယၢင်း-ၶွင်ႇသီႇ ငမ်းယဵၼ် (KNLA-PC)၊ ၸုမ်းလႃးႁူႇတီႇမူဝ်ႊၶရႅတ်ႉတိၵ်ႉ LDU ၊ ၸုမ်းပူတ်းပွႆႇၸိူဝ်ႉၸၢတ်ႈပဢူဝ်း (PNLO) လႄႈ ၶွင်ႇသီႇ ဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ၸဵမ်ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း