ၸဝ်ႈႁၢၼ့်ၶၢႆၶမ်းတီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၺႃးၸူၼ်ပွၵ်ႈၵမ်းသွင် ပႃးၶမ်းၵႂႃႇ 6 ၸွႆႉပၢႆ။
မိူဝ်ႈဝႃး ဝၼ်းတီႈ 21/2/2023 ယၢမ်းႁူဝ်ၶမ်ႈ 4 မူင်းၶိုင်ႈၼၼ့် ၸဝ်ႈႁၢၼ့်ၶၢႆၶမ်းယီႇသျိၼ်း တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၺႃးၸူၼ်ပဵၼ်ပွၵ်ႈၵမ်းသွင် ပႃးၶမ်းၵႂႃႇ 6 ၸွႆႉပၢႆ။
ၵူၼ်းပိုၼ့်တီႈဝဵင်းသီႇပေႃႉ လၢတ်ႈတီႈ ၽူႈတွႆႇႁွၵ်ႈဝႃႈ “ ၶဝ်သိမ်းသႅင်ႇသေ ပွၵ်ႈမိူဝ်းႁိူၼ်းၼႆဢေႃႈ မိူဝ်ႈၶဝ်မိူဝ်းၵိုတ်းၵႃးၼႂ်းဝၢင်းႁိူၼ်းၶဝ်ယဝ့်ႁေ မေးမၼ်းလူင်းဢွၼ်တၢင်း လုၵ်ႈယိင်းမၼ်းၵေႃႈတိုၵ့်မီးၼိူဝ်ၵႃး ထူင်ဝႃႇ သႃႉဝႃႇ ဢၼ်သႂ်ႇၶမ်းဝႆ့သေ တေႃႉဢဝ်မႃးတီႈသႅင်ႇၼၼ့်ၵေႃႈမီးဝႆ့ၼိူဝ်ၵႃး။ ယၢမ်းၼၼ့်ၵူၺ်း သမ့်မီးၵူၼ်းမႃးတၢင်းၼႃႈႁိူၼ်းၶဝ်လႄႈ ထၢင်ႇဝႃႈ ပဵၼ်ၶႅၵ်ႇၼႆဢေႃႈ။ ၽိူဝ်ႇပိုတ်ႇၽၵ်းတူပၼ် ၵူၼ်းၸိူဝ်းၼၼ့်သမ့် ဢဝ်ၵွင်ႈငႃၵမ်းလဵဝ်ၼႆၼႃႇ။ဢဝ်ၵွင်ႈငႃဝႆ့ ပေႃႈမႄႈၶဝ်ႁေ လုၵ်ႈယိင်းမၼ်းသမ့် တေၵူဝ်ၵႂႃႈ ၸင်ႇပိုတ်ႇၽၵ်းတူႈၵႃးသေ လႅၼ်ႈပၢႆႈၵႂႃႇတၢင်းလင်ႁိူၼ်းၶဝ်ၼႆ။ ၽၵ်းတူၵႃးၵေႃႈ ပိုတ်ႇဝႆ့ယူႇႁဵတ်းၼၼ်လႄႈ ၵူၼ်းၸူၼ်ၸိူဝ်းၼၼ့် ၵေႃႈ သွၵ်ႈဢဝ်ထူင်ၶမ်း သႃ့ၶမ်းၶဝ်လႆႈၵႂႃႇမူတ်းဢေႃႈ။ၵူၼ်းမႃးၸူၼ်ၼႆ့ မီး 4 ၵေႃ့ဢေႃႈ ၶီႇလူတ့်ၶိူင်ႈမႃး သွင်လမ်း” ဝႃႈၼႆ။
ၶၼ်ၶမ်းမိူင်းႁူမ်ႈတုမ်ၼႂ်းဝၼ်းမိူဝ်ႈလဵဝ် လုမ်းၾၢႆႇၵႃ့ၶၢႆၶမ်းတႃႈၵုင်ႈ(YGEA) ဢွၵ်ႇဝႆ့ဝႃႈ ၶမ်းၼိုင်ႈၵျၢပ်ႈလႂ် မီးယူႇ 2,172,400 ပျႃးသေ ၾၢႆႇသိုၵ်းမၢၼ်ႈယိုတ်းမိူင်း မၵ်းမၼ်ႈဢွၵ်ႇဝႆ့ဝႃႈ ၶၼ်ၶမ်း ၼိုင်ႈၵျၢပ်ႈလႂ် မီးယူႇ 2,530,000 ပျႃးၼႆယဝ့်။
ၵူၼ်းဢၼ်ၺႃးၸူၼ်ၼႆ့ ပဵၼ်ၸဝ်ႈၶွင်ႁၢႆ့ၶၢႆၶမ်းယီႇသျိၼ်း ဢၼ်မီးၼႂ်းၵၢတ်ႇၼၼ့်သေဢမ်ႇၵႃး ပဵၼ်ၸဝ်ႈၶွင် ႁူင်းႁႅမ်းသူၺ်ႇဢႄ့တႄႇ ဢၼ်မီးၼႂ်းဝဵင်းသီႇပေႃႉ ၸိုင်ႈတႆးပွတ်းႁွင်ႇ။
ဢိင်ၼိူဝ်လွင်ႈၼႆ့သေ ၵူၼ်းပိုၼ့်တီႈဝဵင်းသီႇပေႃႉသိုပ်ႇလၢတ်ႈဝႃႈ- “ ၶဝ်ၼႆ့ ၸဝ်ႈသႅင်ႇၶမ်းၵေႃႈၸႂ်ႈ ၸဝ်ႈႁေႃႇတႄႇၵေႃႈၸႂ်ႈဢေႃႈၼၼ့် ။ ႁိူၼ်းတီႈၶဝ်ယူႇၼၼ့် မၼ်းတိုၼ်းၸပ်းႁေႃႇတႄႇၶဝ်ဝႆ့ယူႇယဝ့်။ ပဵၼ်တီႈလဵဝ်ၵၼ်ၵွႆးဢေႃႈ။ၶမ်းၶဝ်ပႃးၵႂႃႇ 6 ၸွႆႉပၢႆၼႆ့ဢေႃႈ။ဢၼ်လၢၵ်ႇလၢႆးတႄ့ မိူဝ်ႈပူၼ့်မႃးသွင်ပီၼၼ့်ၵေႃႈ ဝၼ်းၼႆ့ၵူၺ်းၼင်ႇၵဝ်ႇ ၺႃးၸူၼ်ၵႂႃႇၶမ်းမွၵ်ႈ 1 ၸွႆႉၼႆ့ တေလႆႈဝႃႈ ၶွပ်ႈၶူပ်ႇ 2 ပီတဵမ်လီလီယဝ့်” – ဝႃႈၼႆ။
ၵဵဝ်ႇလူၺ်ႈလွင်ႈဢၼ်ၺႃးၸူၼ်ၼႆ့သေ ၸဝ်ႈၶွင်ႁၢႆ့ၶၢႆၶမ်းယီႇသျိၼ်း လႆႈတိူင်ႇလၢတ်ႈဝႆ့ တီႈ တပ့်ၸုမ်း SSPP ၊ TNLA လႄႈ ပလိၵ်ႈ ဢၼ်ယူႇတႂ်ႈသိုၵ်းမၢၼ်ႈယိုတ်းမိူင်းၸိူဝ်းၼၼ့် ႁႂ်ႈတီ့ၺွပ်း ပၼ်တူတ်ႈတၢမ်ႇ ၸူၼ် 4 ၵေႃ့ၼၼ့် ဝႃႈၼႆ။
မိူဝ်ႈဝၼ်းတီႈ 20/1/2023 ၼၼ့်ၵေႃႈ မီးၵူၼ်းၽူႈၸၢႆး 2 ၵေႃႉ သွၼ်ႉရူတ်ႉၶိူင်ႈမႃးၸွမ်းၵၼ်လမ်းၼိုင်ႈ ၶဝ်ႈၸူၼ် ႁၢၼ်ႉၶၢႆၶမ်း “တိတ်ႉသၢၼ်း” တၢင်းႁွင်ႇၵၢတ်ႇလူင် ဝဵင်းၼမ်ႉလၼ်ႈ ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး လႆႈ ၵႂႃႇငိုၼ်းတင်းၶမ်း မွၵ်ႈ 300 သႅၼ်ပျႃး ။
 ဢွၵ်ႇဝႆ့ဝႃႈ ၶမ်းၼိုင်ႈၵျၢပ်ႈလႂ် မီးယူႇ 2,172,400 ပျႃးသေ ၾၢႆႇသိုၵ်းမၢၼ်ႈယိုတ်းမိူင်း မၵ်းမၼ်ႈဢွၵ်ႇဝႆ့ဝႃႈ ၶၼ်ၶမ်း ၼိုင်ႈၵျၢပ်ႈလႂ် မီးယူႇ 2,530,000 ပျႃးၼႆယဝ့်။){kind=link}