Thursday, February 9, 2023

မိူင်းတႆးၵတ်းႁႅင်း ၵူၼ်းၼွၼ်းၶၢင်ႈတၢင်းတီႈဝဵင်းၼမ့်ၸၢင် ဝၼ်းလဵဝ် တၢႆ 2 ၵေႃႉ

Must read

ၼႂ်းဝူင်ႈၼႆႉ ၼႂ်းမိူင်းတႆး ႁႅင်းလူမ်းမႆႈ လူတ်းယွမ်း  ယၢမ်းၵၢင်ၶမ်ႈၶိုၼ်းၵတ်းႁႅင်း တီႈဝဵင်းၼမ်ႉၸၢင် မိူင်းတႆးပွတ်းၸၢၼ်း ၼႂ်းဝၼ်းလဵဝ် ၵူၼ်းၼွၼ်းၶၢင်ႈတၢင်း တၢႆ 2 ၵေႃႉ။

မိူဝ်ႈဝၼ်းတီႈ 16/1/2023 ယၢမ်းၵၢင်ၼႂ် 6 မူင်းမီးၵူၼ်းမိူင်း ထူပ်းႁၼ်တူဝ်တၢႆၽူႈၸၢႆး တၢႆၶႅင်ဝႆႉၶၢင်ႈတၢင်း  2 ၵေႃႉ ။ ၸုမ်းၸွႆႈတူင်ႇဝူင်းၵူၼ်း(မေတ္တာရှင်(အခမဲ့)နာရေးကူညီမှု) လၢတ်ႈတီႈၽူႈတွႆႇႁွၵ်ႈဝႃႈ ပဵၼ်ၵူၼ်းၸပ်းယိၼ်ႉလဝ်ႈတင်း 2 ဝႃႈၼႆ။

Photo : မေတ္တာရှင်(အခမဲ့)နာရေးကူညီမှု – ၵူၼ်းၸပ်းယိၼ့်လဝ်ႈတီႈဝဵင်းၼမ့်ၸၢင် ဝၼ်းလဵဝ် တၢႆ 2 ၵေႃႉ

  “ ၸႂ်ႈဢေႃႈ ၶဝ်ပဵၼ် ၶီႈလဝ်ႈတင်းသွင်ၵေႃႉယဝ့်ၼၼ့်။ၸပ်းယိၼ့်လဝ်ႈသေ ထိုင်တီႈၵူၼ်းႁိူၼ်း ဢမ်ႇပၼ်ယူႇၸွမ်းၼၼ့်ၵႂႃႈ။ၶၢဝ်းၼႆ့ သမ့်ၵတ်းၼႃႇၼေႃ ၸပ်းၵတ်းသေတၢႆၶႃႈဢေႃႈ။ၵေႃႉ ဢၼ်တိုဝ်းမၢၼ်ႇတႃၼၼ့် တၢႆၼႂ်းၵႄႈ ပွၵ့် 3 လႄႈ ပွၵ့် 4 ဢေႃႈၼၼ့်။  ႁိမ်း ၶူဝ်မႅတ့်တႃႇ(မေတ္တာပေါင်းကူး တံတား)ၼၼ့်ဢေႃႈ။ထႅင်ႈၵေႃႉ႞တႄ့ ပဵၼ်ၼိူဝ်သဵၼ်ႈတၢင်းၼႂ်းပွၵ့် 5 ၼၼ့်ဢေႃႈ။ၶဝ်တေၵူၼ်းၼႂ်းဝဵင်းၼမ့်ၸၢင်ၼႆ့ၵူၺ်းၼင်ႇၵဝ်ႇ။ၶဝ်ဢမ်ႇထွမ်ႇၵႂၢမ်းၵူၼ်းတီႈႁိူၼ်းလႄႈ ၵူၼ်းႁိူၼ်းၶဝ် ပွႆႇပိုၼ့်ပွႆႇပႅတ်ႈၸိူင့်ၼႆၼေႈ။ႁဝ်းၵေႃႈၸွႆႈဢဝ်တူဝ်ၵႂႃႇၽဝ်ပၼ်ယူႇ ပီႈၼွင့်ၶဝ်ၵမ်ႈၽွင်ႈၵေႃႈမႃးယူႇဢေႃႈ ၵူၼ်းတၢႆၸိူဝ်းၼႆ့ ၸွင်ႇမီးလုၵ်ႈမီးမေးၼႆတႄ့ ဢမ်ႇႁူႉၸွမ်း၊ၸိူဝ်းဢၼ်ပဵၼ်ပီႈၼွင့်ၶဝ် ဢၼ်ဝႃႈၼၼ့်ၵေႃႉ ဢမ်ႇၸႂ်ႈၵူၼ်းမီးသင်တေ့တေ့ ႁဝ်းၼႆ့ ၵူၺ်းယဝ့် လႆႈၸွႆႈတေႃႇပေႃးယဝ့်တူဝ်ႈ” –  ဝႃႈၼႆ။

ၵူၼ်းဢၼ် ၸပ်းၵတ်းသေလူ့တၢႆၼႆ့ 1.ဢူးတၢၼ်းမျိၼ့် ဢႃယု 61 ပီ 2. ဢူးဢွင်ႇထုၼ်းဢူး ဢႃယု 41 ပီ ယူႇ ပွၵ့် 5 ၸႄႈဝဵင်းၼမ့်ၸၢင် ၸိုင်ႈတႆးပွတ်းၸၢၼ်း။

မိူဝ်ႈလဵဝ် ၸုမ်းၸွႆႈတူင်ႇဝူင်းၵူၼ်း(မေတ္တာရှင်(အခမဲ့)နာရေးကူညီမှု) ၸွႆႈဢဝ်ၶၢပ်ႈတူဝ် ပူၼ့်ယဝ့်တူဝ်ႈလီငၢမ်း မိူဝ်ဝၼ်းတီႈ 17/1/2023 ။

ၵူၼ်းတူင့်ၼိုင်ၼႂ်းၸုမ်းၸွႆႈတူင်ႇဝူင်းၵူၼ်းသိုပ်ႇလၢတ်ႈထႅင်ႈဝႃႈ- “ ၵူၼ်းသူႇသမ်းၵိၼ်ယႃႈၼႆ့ ၼမ်ၼႃႇ တီႈၼမ့်ၸၢင်ၼႆ့ ဢၼ်သွင်ၵေႃႉၼႆ့တႄ့ၵေႃႈ ယွၼ့်ၸပ်းယိၼ့်လဝ်ႈၼၼ့်ၶႃႈယဝ့်။ ဢၼ်ၵႂႃႇမႃးယူႇ ၸိူဝ်းၼႆ့ၵေႃႈ မီးယဝ့်” ဝႃႈၼႆ။

မိူဝ်ႈဝၼ်းတီႈ 17/1/2023 ၽူႈၸၢႆးၵေႃႉၼိုင်ႈ  ပွႆႇပူၺ် တၢႆၶႅင်ဝႆႉၶၢင်ႈတၢင်းၼွၵ်ႈဝဵင်း ဝဵင်းပၢင်ႁူႈ (ပၢင်ႇဢူႈလူင်) ယၢၼ်ၵႆဝဵင်းမွၵ်ႈ 2 လၵ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း