ၵူၼ်းပၢႆႈၽေးသိုၵ်းတီႈဝဵင်းၵျွၵ်ႉမႄး လုၵ်ႉၸဝ်ႉၵႂႃႇၵၢတ်ႇ သိုဝ်ႉၶၢႆၽၵ်းၶဵဝ်ၼႂ်းၵၢတ်ႇၺႃးၵူၼ်းဢမ်ႇႁူႉၾၢႆႇ ပႃးမိတ်ႈပႃးမႆႉပႂ်ႉႁႄႉၸူၼ်ငိုၼ်း၊ ယွၼ်းၵႃႈႁိုဝ် လႆႈပၼ်ၵႃႈၼၼ်ႉ ၵူၼ်းပၢႆႈၽေးသိုၵ်းယၢပ်ႇၽိုတ်ႇၵိၼ်းၸႂ်။
မိူဝ်ႈဝၼ်းတီႈ 21 လိူၼ် Oct ၶၢဝ်းၵၢင်ၼႂ်ၸဝ့် မွၵ်ႈ 2မူင်းပၢႆ တီႈၼႂ်းပွၵ့် 7 (၂မိုင်ကုန်း) ဝဵင်းၵျွၵ့်မႄး မိူင်းတႆးပွတ်းႁွင်ႇၼႆ့ ၸုမ်းဢမ်ႇႁူ့ၾၢႆႇ ယိပ်းမိတ်ႈယိပ်းၶွၼ့် ႁႄ့တၢင်းၸူၼ်ငိုၼ်း ၵူၼ်းတေမႃးၶၢႆၶူဝ်းၼႂ်းၵၢတ်ႇၼႂ်းဝဵင်း။
ၵူၼ်းတေၶၢႆၶူဝ်းၼႂ်းၵၢတ်ႇၼၼ်ႉ ပဵၼ်ၵူၼ်းပၢႆႈၽေးသိုၵ်းဝၢၼ်ႈၼမ့်မင်း ၊ ယူႇတီႈ 11 လၵ်းသေ ဢၢၼ်းမႃးၶၢႆ တီႈ ၵၢတ်ႇပူႇတႃႇ ။ ၸုမ်းၸူၼ်ၼၼ့် ၵမ်ႈၼမ်ပဵၼ်ၵူၼ်းၼုမ်ႇ ဢႃယုမီးမွၵ်ႈ 17-18 ၶူပ်ႇ၊ မီးဢဵၼ်ႁႅင်း မွၵ်ႈ 7-8 ၵေႃ့၊ လိူဝ်ၼၼ့် လွၵ်ႇငိုတ်ႈၵူၼ်းဝၢၼ်ႈဝႃႈၶဝ်ပဵၼ် ပလိၵ်ႈ ယႄး ၼႆထႅင်ႈ -ၵူၼ်းပိုၼ့်တီႈဝဵင်းၵျွၵ့်မႄး ၼႆထႅင်ႈ။
ၵူၼ်းၵူၼ်းပွၵ်ႉ 7 လၢတ်ႈတီႈၽူႈတွႆႇႁွၵ်ႈ ဝႃႈ- “ပဵၼ်ၵႂႃႇမိူဝ်ႈ 2 မူင်းပၢႆပၢႆဢေႃႈ။ ၶၢဝ်းၼၼ့်သမ့် ပဵၼ်ၶၢဝ်း ၵူၼ်းၶၢႆၵၢတ်ႇၶဝ် ၵႂႃႇၶၢႆၵၢတ်ႇၶႃႈၼႃႇ။ လႆႈဝႃႈပဵၼ် ပူႇတႃႇသေးဢေႃႈ။ ၵူၼ်းၶၢႆၵၢတ်ႇတီႈ ပူႇတႃႇသေးၼႆ့ ၵမ်ႈၽွင်ႈ ၵၢင်ၶိုၼ်း 1မူင်းၶိုင်ႈၵေႃႈ သမ့်ပေႃး ၵႂႃႇႁႅၼ်းၵႂႃႇၶၢႆယဝ့်ၼႃႇ။ ၶဝ်ၵႂႃႇၺႃးၼႆ့ ၸုမ်းလုၵ်ႈဢွၼ်ႇ မၢင်ၵေႃ့ သဵင်လွင်ႊလွႆၶႃႈ။ လုၵ်ႈဢွၼ်ႇ မွၵ်ႈ 17 18 ၶူပ်ႇၵူၺ်း၊ ယဝ့်ၵေႃႈ ၵူၼ်းထဝ်ႈၵေႃႈ လႅပ်ႈပႃးယူႇ။ ၵႂႃႇၺႃးသေ ၶဝ်ဢဝ်ၶွၼ့် ဢဝ်မိတ်ႈ ငႃသေ ႁႄ့သႅင်ႇၵႄႇ။ ယဝ့်ၵေႃႈလၢတ်ႈဝႃႈ ၶၢဝ်းၼႆ့ ပဵၼ်ၶၢဝ်း မႃႇသႄႇလေႃး ပိၵ့်ဢမ်ႇႁူ့ႁႃ့ ၼႆဢေႃႈ။ ပဵၼ်ယႄးဢိူဝ်ႈ ၼႆသေ ဝႃႈႁင်းၶဝ်ထႅင်ႈဢေႃႈ”- ဝႃႈၼႆ။
ၸုမ်းၸူၼ်ၼၼ့် ပဵၼ်ၽႂ် ယူႇတီႈလႂ် ၽႂ်ပႆႇယိုၼ်ယၼ်လႆႈ။ ၶၢဝ်းၵၢင်ၼႂ်ၸဝ့် 2-3 မူင်းၼႆ့ ၵူၼ်းဢွၼ်ၵၼ် ၵႂႃႇလုၵ်ႉၵႂႃႇၵၢတ်ႇပူႇတႃႇ ပၢႆးၶၢႆၽၵ်းယိူဝ်ႈၼၢင်းၶဵဝ်။ ၵမ်ႈၽွင်ႈၵႂႃႇပႂ်ႉသိုဝ်ႉသေမႃးၶၢႆယွႆႈၶိုၼ်း။
ဝၼ်းၼၼ့် ၸၢႆး 2 ၊ ယိင်း 2 ၶီႇလူတ့်ၶိူင်ႈ (သၢႆႇၵႄႇ) ဢၢၼ်းမႃးၶၢႆၵၢတ်ႇ မိူၼ်ၵူႈဝၼ်းသေ ထုၵ်ႇၸုမ်းဢမ်ႇႁူ့ၾၢႆႇ ၸူၼ်ငိုၼ်းၼႆ ၵူၼ်းပိုၼ့်တီႈ သိုပ်ႇလၢတ်ႈၼင်ႇၼႆ ။
“ၶဝ် ယွၼ်းငိုၼ်း 1မိုၼ်ႇ။ ၵူၼ်းၼမ့်မင်း လၢတ်ႈဝႃႈ မၢင်ဝၼ်းၵႂႃႇၶၢႆၵၢတ်ႇ ယင်းဢမ်ႇလႆႈ 1မိုၼ်ႇ၊ ဝၢႆးၼၼ့် ၶဝ်ၶိုၼ်းလၢတ်ႈ ႁႂ်ႈပၼ် ၼိုင်ႈၵေႃ့ 4 ႁဵင်။ ၶဝ်ၵေႃႈ ဢမ်ႇမီးငိုၼ်းလႄႈ ပၼ် ၼိုင်ႈၵေႃ့ 2ႁဵင်။ ၸုမ်းၼၼ့်လၢတ်ႈဝႃႈ တၢင်ႇပွၵ်ႈ ယႃႇမႃးထႅင်ႈ။ ပေႃးႁူပ့်ထႅင်ႈ တေၺႃးၼမ်လိူဝ်သေၼႆ့ထႅင်ႈၼႆဢေႃႈ။ တေႃႇမိူဝ်ႈလဵဝ် ၶဝ်ၵေႃႈ ဢမ်ႇႁတ်းၵႂႃႇတၢင်းၼၼ့်ယဝ့်”- ဝႃႈၼႆ။
ၼႂ်းၸႄႈဝဵင်းၵျွၵ့်မႄးၼႆ့ ၵူၼ်းပၢႆႈၽေးသိုၵ်း မီးၼမ့်ႁူဝ်ႁဵင်။ ဢၼ်ၺႃးၵူၼ်းဢမ်ႇႁူႉၾၢႆႇၸူၼ်ၼႆႉပဵၼ်ၵူၼ်းဝၢၼ်ႈၼမ်ႉမင်းဢၼ်မႃးယူႇတီႈ 11 လၵ်း။
သိုၵ်းမၢၼ်ႈ ၸီ့သင်ႇ ႁႂ်ႈၵူၼ်းပၢႆႈၽေးသိုၵ်း ၶိုၼ်းပွၵ်ႈမိူဝ်း ၼႆသေတႃ့ ၼႂ်းပိုၼ့်တီႈ တိုၵ့်မီးၸုမ်းယိပ်းၵွင်ႈၵၢင်ႇ တူင့်ၼိုင်ၵႂႃႇမႃးဝႆ့လႄႈ ဢမ်ႇႁတ်းပွၵ်ႈမိူဝ်းဝၢၼ်ႈ။ သိုပ်ႇယူႇဝႆ့ တီႈသုၼ်ပၢႆႈၽေးသိုၵ်း၊ ဢိၵ်ႇပႃး ႁိူၼ်းပီႈၼွင့်ၸမ်ၸႂ်။ မၢင်ၵေႃ့ ၶၢတ်ႇႁိူၼ်းယူႇဝႆ့ ၼႂ်းဝဵင်းၼွၵ်ႈဝဵင်း။
ဝၢႆးသိုၵ်းမၢၼ်ႈယိုတ်းမိူင်း ၶၼ်ၵုၼ်ႇၶိုၼ်ႈႁႅင်း ၵူၼ်းမိူင်းႁူပ့်တၢင်းယၢပ်ႇတႃႇႁႃၵိၼ်လဵင့်တွင့်။ ၵူၼ်းမိူင်း မုင်ႈမွင်း ႁႂ်ႈဝၢၼ်ႈမိူင်း ၸဵဝ်းၵတ်းယဵၼ် ၸဵဝ်းႁဵတ်းၵၢၼ်မၢၵ်ႈမီးမိူၼ်ၵဝ်ႇလႆႈၶိုၼ်း ၼႆယဝ့်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ