Tuesday, November 29, 2022

လိၼ်လွႆၵူၼ်ႇ သဵၼ်ႈတၢင်းၵႃးလူမ်ႇ ၼႂ်းၵႄႈလွႆလႅမ် တူၼ်ႈတီး

Must read

ၾူၼ်တူၵ်းႁႅင်း လိၼ်လွႆၵူၼ်ႇသႂ်ႇတၢင်းၵႃးၼႂ်းၵႄႈ လွႆလႅမ်- မိူင်းပွၼ် ၊ ၵူၼ်းၵႃႉ ၸဝ်ႈၵႃးၵႂႃႇမႃးယၢပ်ႇၽိုတ်ႇ ၶၢဝ်းတၢင်းၶွင်ႉၶမ်  ၵူၼ်းမိူင်းၶႂ်ႈႁႂ်ႈ ၾၢႆႇၽွင်းငမ်းမိူင်း တူၺ်းလူၸွႆႈထႅမ်ႁႄႉၵင်ႈပၼ်ယႃႇႁႂ်ႈမီးလွင်ႈ   ၵိတ်ႇၶႂၢင်လွင်ႈၵႂႃႇမႃး။

Photo CJ- လိၼ်လွႆၵူၼ်ႇ သဵၼ်ႈတၢင်းၵႃးလူမ်ႇ ၼႂ်းၵႄႈလွႆလႅမ် တူၼ်ႈတီး

ဝၼ်းသဝ်လႄႈဝၼ်းတိတ်ႉ ၾူၼ်တူၵ်းႁႅင်း ၶၢဝ်းတၢင်းသွင်ဝၼ်းသေ ထိုင်မႃးမိူဝ်ႈဝႃး ဝၼ်းတီႈ 10/10/2022 ၵၢင်ၼႂ်ၸဝ်ႉ လိၼ်လွႆၵူၼ်ႇၼႂ်းၵႄႈသဵၼ်ႈတၢင်း တူၼ်ႈတီး-လွႆလႅမ် လွင်ႈၵႂႃႇမႃးၸဝ်ႈၵႃးၶဝ် ၶၢင်ႉၶမ် ပိၵ်ႉတၼ်ၵႂႃႇသေ လႆႈပႂ်ႉ တေႃႇထိုင် တေႃႉၶီႈလိၼ်ပႅတ်ႈမူတ်း။

ၸဝ်ႈၵႃးတၢင်ႇၵူၼ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႇဝႃႈ- “မိူဝ်ႈႁဝ်းထိုင်တီႈၼၼ်ႈ လႆႈပႂ်ႉဝႆႉၵမ်းဢွၼ်ႇၵူၺ်း ၼင်ႇၵဝ်ႇဢေႃႈၵူၼ်းသိူဝ်ႇတၢင်းႁိမ်းႁွမ်းၸိူဝ်းၼၼ်ႉ  ဢဝ်ၵႃးဝူၵ်း မႃးထုၺ်လိၼ် ပႅတ်ႈႁေတႃႇၶၢဝ်းတၢင်း မွၵ်ႈ ၼိုင်ႈၸူဝ်ႈမွင်းၼႆႉၵႂႃႈ ။ လိၼ်ၼႆႉၵူၼ်ႇတီႈလွႆ ယိၼ်ႇၵွႆးတွင်ႇၼၼ်ႉၼေႈ  ။ ၶၢဝ်းၾူၼ်ၼႆႉ ၵႆႉလႆႈၾၢင်ႉဢေႃႈ ၵူဝ်လိၼ်ၵူၼ်ႇလိၼ်ပင်းၸွမ်းတၢင်း။ ထႅဝ်ၼၼ်ႉလိၼ်ၵူၼ်ႇတႃႇသေႇၶႃႈဢေႃႈၼၼ်ႉ ” ဝႃႈၼႆ။

သဵၼ်ႈတၢင်းၼႂ်းၵႄႈ တူၼ်ႈတီး-လွႆလႅမ် ပေႃးၾူၼ်တူၵ်းႁႅင်း ထပ်းၵၼ်လၢႆဝၼ်း လိၼ်လွႆၵႆႉၵူၼ်ႇလႄႈသင် သဵၼ်ႈတၢင်းၵွႆလႄႈသင် မီးၵူႈပီ။ၵူၼ်းမိူင်းလႆႈၾၢင်ႉလွင်ႈၵႂႃႇမႃး။

မိူဝ်ႈႁူဝ်လိူၼ် တီႊသႅမ်ႊပိူဝ်ႊၼၼ်ႉၵေႃႈ သဵၼ်ႈတၢင်းၼႂ်းၵႄႈ တူၼ်ႈတီး-လွႆလႅမ် တီႈလွႆယိၼ်ႇၵွႆးၼၼ်ႉၼင်ႇၵဝ်ႇ လိၼ်တၢင်းၵူၼ်ႇပင်းလႄႈ ၵႃးမၢင်လမ်း မႃးလူမ်ႇၺႃး လႆႈၸွႆႈတိုတ်ႉပၼ်ၵၼ်တၢင်းႁိုင် ၵူၼ်းဢွၵ်ႇတၢင်းၶဝ် လႆႈလူႉသုမ်းၶၢဝ်းယၢမ်းၸွမ်း ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း