Thursday, April 18, 2024

သိုၵ်း – ပလိၵ်ႈမၢၼ်ႈ မိူင်းတူၼ်  တီႉၵူၼ်း CDM  ၼႄးဝႃႈၸွႆႈထႅမ် PDF

Must read

သိုၵ်း – ပလိၵ်ႈမၢၼ်ႈ မိူင်းတူၼ် ၸွမ်းသွၵ်ႈ  ၵူၼ်းၸိူဝ်းႁဵတ်း CDM  ၼႄးဝႃႈႁႃငိုၼ်းၵွင်ၵၢင်တႃႇၵမ်ႉၸွႆႈ PDF ၼႆသေ  တီႉၺွပ်းၵႂႃႇတင်းမူတ်း 7 ၵေႃႉ။

Photo CJ/ ၵူၼ်းၼုမ်ႇၼႄၵၢင်ၸႂ် ၼႂ်းမိူင်းတႆး

ဝၼ်းတီႈ 13/6/2022 ပူၼ်ႉမႃးၼႆႉ သိုၵ်းမၢၼ်ႈတီႉ ၽူႈတႅၼ်းပႃႇတီႇၼူၵ်ႉယုင်း NLD ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း ။ လူၺ်ႈၸႂ်ထၢင်ႇထိူမ်သေ ၶဝ်ႈၵူတ်ႇထတ်းၼႂ်းႁိူၼ်း ၊ ထူပ်းႁၼ်သဵၼ်ႈသၢႆမၢႆၸိုဝ်ႈၵူၼ်း၊ ၼႄးဝႃႈပဵၼ်ၵူၼ်းၸွႆႈထႅမ်ၸုမ်း PDF ၼႆသေ တီႉၵႂႃႇၵေႃႉပဵၼ်ပေႃႈ ၽူႈတႅၼ်းၵဝ်ႇ လႄႈလုၵ်ႈယိင်းဢၼ်ႁဵတ်း CDM ဝႆႉၼၼ်ႉ  ။

- Subscription -

ၵူၼ်းမိူင်းတူၼ် လၢတ်ႈတီႈၽူႈတွႆႇႁွၵ်ႈဝႃႈ – “  ပလိၵ်ႈ/သိုၵ်းၶဝ်ၼႆႉ လူၺ်ႈတၢင်းထၢင်ႇထိူမ်သေ ၶဝ်ႈၵူတ်ႇထတ်းႁိူၼ်းၽူႈ တႅၼ်းၼူၵ်ႉယုင်း။ ၼႂ်းႁိူၼ်း ဢမ်ႇမီးၶူဝ်းၽိတ်းသင်။ ၽိူဝ်ႇမႃးသွၵ်ႈၺႃးၼႂ်းမိုဝ်းထိုဝ်လုၵ်ႈယိၵ်းမၼ်း ႁၼ်သဵၼ်ႈၸိုဝ်ႈလႄႈ ငိုၼ်းဢၼ်လူႇတၢၼ်း။ ၶဝ်ၵေႃႈဝႃႈ  ၸွႆႈထႅမ် PDF ဢိူဝ်ႈၼႆႉၼႆသေ တီႈၶႃပေႃႈလုၵ်ႈၵႂႃႇမိူဝ်ႈဝၼ်းတီႈ 13   ”- ဝႃႈၼႆ။

ထိုင်မႃးထႅင်ႈၼႂ်းဝၼ်းတီႈ 14 ၼႆႉ  ပလိၵ်ႈ –  သိုၵ်းမၢၼ်ႈ ၶိုၼ်းၵႂႃႇၸွမ်းသွၵ်ႈလမ်းတီႉ ၵူၼ်းၸိူဝ်းပႃးၼႂ်းသဵၼ်ႈၸိုဝ်ႈ  ၼႂ်းၾူၼ်း မေႃသွၼ်   CDM ၼၼ်ႉ  လႆႈၵႂႃႇထႅင်ႈ 5 ၵေႃႉ။

“ မၼ်းၼၢင်း ဝႆႉမဝ်မၢင်ဢိူဝ်ႈ ႁဵတ်းသင်လႄႈ မၼ်းဢမ်ႇမွတ်ႇပႅတ်ႈသဵၼ်ႈၸိုဝ်ႈ ဢၼ်ဢူၺ်းၵေႃႉဢူၺ်းသေႈ ဢၼ်မၼ်းသူၼ်း တုမ်ၸွႆႈထႅမ် ၸုမ်း PDF ၸိူဝ်းၼၼ်ႉ ။ မၼ်းတေၵဵပ်းဝႆႉၼႂ်းၾူၼ်းမၼ်းႁဵတ်းသင် ။   ၸိူင်ႉၼႆလီၾၢင်ႉတႄႉဢေႃႈ”- ၵူၼ်းမိူင်းတူၼ် သိုပ်ႇလၢတ်ႈၼႄၼင်ႇၼႆ။

ယၢမ်းလဵဝ် ၵူၼ်းမိူင်း 7 ၵေႃႉ ဢၼ်ထုၵ်ႇတီႉၵႂႃႇၼၼ်ႉ မီးဝႆႉတီႈၼႂ်းၶွၵ်ႈဝဵင်းမိူင်းတူၼ် ။

ၵဵဝ်ႇၵပ်းလွင်ႈၼႆႉ ၵူၼ်းမိူင်းပိုၼ်ႉတီႈ မိူင်းတူၼ် ၵမ်ႈၼမ် ဢွၼ်ၵၼ်တူၵ်းၸႂ် တိုၼ်ႇသၢၼ်ႈၸွမ်း။ ၵူဝ်ပလိၵ်ႈ – သိုၵ်းမၢၼ်ႈ ထၢင်ႇထိူမ်ၽႂ် ၶႂ်ႈၶဝ်ႈ ၵူတ်ႇထတ်းၼႂ်းႁိူၼ်းၵူၼ်းမိူင်း ၸွမ်းၼႂ်းၾူၼ်း မိုဝ်းထိုဝ် ၸိူဝ်းၼႆႉ မႃးၶိူဝ်းယႂ်း ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း