ၸုမ်းသိုၵ်းမုတ်း ၵႅတ်ႇၶႄၵူၼ်းမိူင်း Red Wolves Of Mogok ပိုၼ်ၽၢဝ်ႇမိူဝ်ႈၼႆႉဝၼ်းတီႈ 22/4/2022 ဝႃႈ ၼႂ်းဢမ်ႇႁိုင်ဢမ်ႇၼၢၼ်း တေမီး ပၢင်တိုၵ်း ယိုတ်းဝဵင်းမိူင်းၵုတ်ႈလႄႈ တိုၵ်းသူၼ်းႁႂ်ႈၵူၼ်းမိူင်းႁၢင်ႈႁႅၼ်း ၶုတ်းလုၵ်းပဵမ်ႇ၊ ႁႅၼ်းထူင်တၢင်းၵိၼ်ယမ်ႉလႄႈယႃႈယႃ ဝႆႉႁၢင်းၽႂ်မၼ်းဝႃႈၼႆ။
လိူဝ်ၼၼ်ႉ ဢၼ်ပဵၼ် ဝတ်းဝႂ် မၢႆၾၢင် ဢၼ်လမ်ႇလွင်ႈၸိူဝ်းၼႆႉ ၶူဝ်းၶွင်ဢၼ်မီးၵႃႈၶၼ် ၸိူဝ်းၼႆႉ ႁႂ်ႈႁၢင်ႈႁႅၼ်း ၸပ်းတူဝ်ဝႆႉပႃး လီလီ။ ပေႃးမီးသဵင်ပၢင်တိုၵ်းၵိုင်ႉၵၢင်ႉမႃး ႁႂ်ႈလႆႈဢဝ်ၵႂႃႇပႃးၸွမ်းငၢႆႈငၢႆႈ ဝႃႈၼႆ။
ပိူင်လူင် ပေႃးမီးသဵင်ၵွင်ႈသဵင်ၵၢင်ႇမႃး ယႃႇၵႂႃႇယူႇႁိမ်းၸမ် ၊ ယႃႇၵႂႃႇသွၼ်ႈယူႇၸွမ်း တပ်ႉသိုၵ်း တပ်ႉပလိၵ်ႈ လႄႈ ၵူၼ်းမိူင်းၸိူဝ်းပဵၼ်ၸႂ်သိုၵ်း ၸိူဝ်းၸွႆႈၵၢၼ်သိုၵ်းမၢၼ်ႈၼၼ်ႉလႃးလႃး – ဝႃႈၼႆဝႆႉပႃး။
ဝဵင်းမိူင်းၵုတ်ႈၼႆႉ ပဵၼ်ဝဵင်းဢၼ်တင်ႈဝႆႉၼိူဝ်လွႆ၊ မီးၵူၼ်းမိူင်းၵူႈၸၢဝ်းၶိူဝ်းယူႇႁူမ်ႈၵၼ်။ လိူဝ်ၼၼ်ႉ ၵူၼ်းတီႈၸမ်တီႈၵႆ ၵေႃႈမႃးႁဵတ်းၵၢၼ်ႁႃၵိၼ်လဵင်ႉတွင်ႉ။ သိုၵ်း TNLA ယူႇသဝ်းတူင်ႉၼိုင်။ ၽွင်းဝၢၼ်ႈမိူင်းသုၵ်ႉသၵ်ႉ ၵူၼ်းမိူင်းၼႄၵၢင်ၸႂ်သၢၼ်ၶတ်းသိုၵ်းမၢၼ်ႈၼၼ်ႉ သိုၵ်းမၢၼ်ႈလိုပ်ႈလမ်းပေႃႉထုပ်ႉတီႉၺွပ်းလႄႈ ၵူၼ်းမိူင်းၵုတ်ႈၵေႃႈ တိူဝ်ႉၼမ်ဝႆႉမိူၼ်ၵၼ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ