သိုၵ်းမၢၼ်ႈယိုတ်းမိူင်းမႃးၶၢဝ်းတၢင်း ပီပၢႆၼႆႉ ၵူၼ်းပၢႆႈၽေးသိုၵ်းတင်းမူတ်းမီးၵႂႃႇ 5 သႅၼ်ပၢႆယဝ်ႉၼႆ လုမ်းတူၺ်းလူၸွႆႈထႅမ်ၵူၼ်းတေႃႇၵူၼ်း ၸၢတ်ႈၸိုင်ႈလုမ်ႈၾႃႉ UNODC ဢွၵ်ႇၶေႃႈပိုၼ်ၽၢဝ်ႇမိူဝ်ႈဝၼ်းတီႈ 19/4/2022 မိူဝ်ႈဝႃးဝႆႉၼင်ႇၼႆ။
ၼႂ်းၶေႃႈပိုၼ်ၽၢဝ်ႇၼၼ်ႉပႃးဝႆႉဝႃႈ ယၢမ်းလဵဝ် ၼႂ်းမိူင်းႁူမ်ႈတုမ်တင်းမူတ်း ၵူၼ်းလႆႈပၢႆႈယၢၼ်ပိုၼ်ႉတီႈႁူမ်ႈသဵင်ႈမီးယူႇ 912700 ၵေႃႉ ၊ တင်ႈဢဝ်ဝၼ်းတီႈ 1/2/2021 မႃးတေႃႇထိုင် ဝၼ်းတီႈ 11/4/2022 ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး 1 ပီပၢႆၼႆႉၵူၼ်းပၢႆႈၽေးသိုၵ်းပတ်းပိုၼ်ႉတူဝ်ႈမိူင်းမီး 566100 ၵေႃႉ ဝႃႈၼႆဝႆႉ။
ၼႂ်း5 သႅၼ်ပၢႆၼႆႉ ၵူၼ်းၼႂ်းတိူင်းၸႄႈၵႅင်းၼမ်သုတ်း မီး 230000 ပၢႆ။ ၼႂ်းမိူင်းယၢင်းလႅင်သမ်ႉမီး 90000 ပၢႆလႄႈ ၼႂ်းမိူင်းယၢင်းၽိူၵ်ႇသမ်ႉမီး 74000 ပၢႆ။ လင်ၼၼ်ႉသမ်ႉ မိူင်းတႆးပွတ်းၸၢၼ်းတၢမ်းမႃးသေ ၊ ဢၼ်ၵိုတ်းလိူဝ်တႄႉပဵၼ်ၼႂ်းတိူင်းပႃႇၵိူဝ် ၊ ဝဵင်းလိူဝ်ႇ ၊ တႃႈၵုင်ႈၸိူဝ်းၼႆႉၵေႃႈပႃး။
