Tuesday, March 19, 2024

မိူင်းလႃးထတ်းၶူဝ်ႊဝိတ်ႉပၼ်ၵူႈၵေႃႉယဝ်ႉသေပိုတ်ႇ Lockdown ပၼ်ၶိုၼ်း

Must read

ၸႄႈဝဵင်းမိူင်းလႃး ၼႃႇလိၼ်ၶိုၵ်ႉတွၼ်း မၢႆ 4  ၵူတ်ႇထတ်းတၢင်းပဵၼ်ၶူဝ်ႊဝိတ်ႉ 19 ပၼ်ၵူၼ်းမိူင်းၵူႈၵေႃႉ ယဝ်ႉတူဝ်ႈလီငၢမ်းသေ ပိုတ်ႇပၼ်ၶိုၼ်းဢၼ်  Lockdown  ႁၢမ်ႈၵူၼ်းၶဝ်ႈဢွၵ်ႇဝဵင်းမႃးၶၢဝ်းတၢင်း 10 ဝၼ်း။

Photo: ၵူၼ်း မိူင်းလႃး ၵူတ်ႇထတ်းတၢင်းပဵၼ်ၶူဝ်ႊဝိတ်ႉ

ၼႂ်းဝၼ်းတီႈ 6-7/4/2022 ၼႆႉ  ၸုမ်းၾၢႆႇၵႅတ်ႇၶႄ ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ၸႄႈဝဵင်းမိူင်းလႃး  ၵူတ်ႇထတ်းတၢင်းပဵၼ် ၶူဝ်ႊ ဝိတ်ႉ 19 ပၼ်ၵူၼ်းမိူင်းၼႂ်းဝဵင်းမိူင်းလႃးၵူႈၵေႃႉ  ယဝ်ႉတူဝ်ႈလီငၢမ်းယဝ်ႉလႄႈ ထိုင်မႃး ဝၼ်းတီႈ 7 ၼႆႉ ပိုၼ်ၽၢဝ်ႇပိုၼ်ႇပၼ်ၶိုၼ်းဢၼ် Lockdown ဝႆႉသေ ၶိုၼ်းပၼ်ၵူၼ်းမိူင်းၵႂႃႇမႃး ၶိုၼ်းမိူၼ်ၵဝ်ႇယဝ်ႉ။

- Subscription -

ၼႂ်းလိၵ်ႈၽိုၼ်ၽၢဝ်ႇ ၾၢႆႇၵႅတ်ႇၶႄ ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ဝဵင်းမိူင်းလႃး ဢွၵ်ႇဝႆႉဝႃႈ – “ယူႇတီႈ ၵူၼ်းမိူင်းပိုၼ်ႉတီႈသေ ၵႂႃႇမႃး ႁဵတ်း ၵၢၼ်ပၢႆးမၢၵ်ႈမီးၵၼ် လႆႈၶိုၼ်းယဝ်ႉမိူၼ်ၵဝ်ႇယဝ်ႉ”- ဝႃႈၼႆ။

Photo: ၵူၼ်း မိူင်းလႃး ၵူတ်ႇထတ်းတၢင်းပဵၼ်ၶူဝ်ႊဝိတ်ႉ

ၼႂ်းၸႄႈဝဵင်းမိူင်းလႃးၼႆႉ တွၼ်ႈတႃႇ ၵႅတ်ႇၶႄႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပေႃးတေဢမ်ႇၽႄႈလၢမ်းႁႅင်း ၼၼ်ႉ  Lockdown ဝဵင်းမႃး 2 ၵမ်းပႃးၵမ်းၼႆႉ(တႄႇပိၵ်ႉဝၼ်းတီႈ 25/3/2022  ၶိုၼ်းပိုတ်ႇပၼ် ဝၼ်းတီႈ 7/4/2022)   ယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း