သိုၵ်းၵႅတ်ႇၶႄၵူၼ်းမိူင်း PDF မိူင်းယၢင်း ၵေႃႉၼိုင်ႈ ၶဝ်ႈပၢင်တိုၵ်းယိုဝ်းသိုၵ်းမၢၼ်ႈတၢႆ ၊ ဢဝ်လၢဝ်တီႈႁူဝ်မႃႇသိူဝ်ႈ သိုၵ်းမၢၼ်ႈၸိူဝ်းၼၼ်ႉ မႃးတိတ်းပႃႉဝႆႉတီႈသွၵ်းတိၼ်မၼ်း၊ ၼႄၾၢင်ႁၢင်ႈဢွင်ႇပေႉသိုၵ်းမၢၼ်ႈ၊ ၵူၼ်းၶိူဝ်းမၢၼ်ႈ ၸိူဝ်းယူႇၼွၵ်ႈမိူင်းၸွႆႈၵၼ် ဢဝ်မႃးတမ်းဝၢင်းၶၢႆ ၶဵင်ႇတႃႉၵၼ်သိုဝ်ႉ ယၢမ်းလဵဝ်ၵႃႈၶၼ်သုင်ထိုင် 10000 တေႃႊလႃႊယဝ်ႉ။
သိုၵ်းၵႅတ်ႇၶႄၵူၼ်းမိူင်း PDF ၸဝ်ႈၶွင်သွၵ်းတိၼ်ၵူႈၼႆႉ ၸိုဝ်ႈႁွင်ႉ ၵူဝ်ႇလၢတ်ႉ၊ ပဵၼ်ၵူၼ်းၼုမ်ႇဢၼ်ဢွၵ်ႇၼႄၵၢင်ၸႂ်သၢၼ်ၶတ်းသိုၵ်းမၢၼ်ႈသေ သိုၵ်းမၢၼ်ႈ လိုပ်ႈလမ်း တီႉၺွပ်းလႄႈ ဢမ်ႇၸၢင်ႈယူႇႁိူၼ်း၊ လိုၼ်းသုတ်းထိုင်တီႈပၢႆႈၶဝ်ႈထိူၼ်ႇ ယိပ်းၵွင်ႈ ပိုတ်းယိုဝ်းသိုၵ်းမၢၼ်ႈ တၢင်းမိူင်းယၢင်းၽိူၵ်ႇ။
မၼ်းၸၢႆး ၶဝ်ႈပၢင်တိုၵ်း ယိုဝ်းသိုၵ်းမၢၼ်ႈတၢႆႁၢႆ ၼမ် ။ ၵႂႃႇၶွၵ်းဢဝ် မၢၵ်ႇတုမ်ႇလၢဝ် (ဢၼ်မၢႆထိုင်ၸၼ်ႉတႃၶုၼ်သိုၵ်းမၢၼ်ႈ ) ဢၼ်မီးတီႈႁူဝ်မႃႇသိူဝ်ႈ တူဝ်တၢႆသိုၵ်းမၢၼ်ႈၸိူဝ်းၼၼ်ႉသေ မႃးတိတ်းပႄႉတီႈသွၵ်းတိၼ်မၼ်းၸၢႆးသေသမ်ႉပေႃးလၢႆးၵႂႃႇမူတ်း။
ၽိူဝ်ႇမၼ်းၸၢႆးဢဝ်ႁၢင်ႈသွၵ်းတိၼ်ၼၼ်ႉ တၢင်ႇၼိူဝ်ဢွၼ်ႊလၢႆႊ ၵူၼ်းမိူင်းမၢၼ်ႈၸိူဝ်းယူႇၼွၵ်ႈမိူင်းလႄႈ ၸုမ်းၸိူဝ်းၸွႆႈထႅမ်တီႊမူဝ်ႊၵရေႊသီႊ ၸွႆႈၵၼ်တိုတ်ႉၸၼ်ၵႃႈၶၼ် ၊ ၶေႉၶဵင်ႇၵၼ်သိုဝ်ႉသွၵ်းတိၼ်ဢွၼ်ႇၵူႈၼၼ်ႉ ။
ၵၢၼ်တႄႇၶၢႆပဵၼ်မိူဝ်ႈဝၼ်းတီႈ 21/3/2022 ၶၼ်ဝၢင်းၶၢႆ 500 တေႃႊလႃႊ။ ၼႂ်းၶၢဝ်းတၢင်း 1 ဝၼ်း 1 ၶိုၼ်းၵူၺ်း မီးၵူၼ်းမႃးၶေႉၵၼ်သိုဝ်ႉ 1500၊ 2000၊ 3500၊ 5500 တေႃႊလႃႊၸိူဝ်းၼႆႉသေလိုၼ်းသုတ်းၼႂ်ၼႆႉဝၼ်းတီႈ 22/3/2022 မီးၵူၼ်းၵေႃႉၼိုင်ႈမႃးပၼ်ၵႃႈၶၼ် 10000 တေႃႊလႃႊ။ၵၢၼ်ၶေႉၶဵင်ႇသိုဝ်ႉသွၵ်းတိၼ်တေမီးတေႃႇထိုင် ၵၢင်ၶိုၼ်း 10 မူင်း ဝၼ်းတီႈ 22/3/2022 ။ ၵူၼ်းမိူင်းဢၼ်ၶဝ်ႈပႃးၶေႉၶဵင်ႇသိုဝ်ႉလႄႈဢၼ်ပႂ်ႉပၼ်ႁႅင်း မုင်ႈမွင်းဝႃႈ ၸၢင်ႈမီးၵူၼ်းပၼ်ၵႃႈၶၼ်ထိုင် 25000 တေႃႊလႃႊ ဝႃႈၼႆ။
ဢၼ်ဢွၼ်ႁဵတ်းပၢင်ၶၢႆသွၵ်းတိၼ်ၼဵပ်းမၢၵ်ႇတုမ်ႇလၢဝ်ၼိူဝ်ႁူဝ်မႃႇသိုၵ်းမၢၼ်ႈၼၼ်ႉပဵၼ် – ပၼ်ႊသႄႊလူဝ်ႊ (ပန်ဆယ်လို) ၊ ပဵၼ်ၼၢင်းယိင်းဢွၼ်ႇ ၸၢဝ်းမၢၼ်ႈ ဢၼ်ယူႇၼိူဝ်ဢွၼ်ႊလၢႆႊ သေ ၶဝ်ႈပႃးဢီးသူၼ်း တွၼ်ႈတႃႇၵၢၼ်လုၵ်ႉၽိုၼ်ႉၸဝ်ႈဢႃႇၼႃႇသိုၵ်းမႃးၸဵမ်မိူဝ်ႈ သိုၵ်းမၢၼ်ႈတႄႇယိုတ်းမိူင်းတေႃႇထိုင်ဝၼ်းမိူဝ်ႈၼႆႉ။
တူဝ်မၼ်းၼၢင်းတႄႉဢမ်ႇယူႇလႆႈသေ ပၢႆႈၵႂႃႇယူႇထိုင်မိူင်းဢမေႊရိၵၼ်ႊဝႆႉ။
မၼ်းၼၢင်းၸွႆႈႁႃငိုၼ်းၵွင်ၵၢင် တႃႇသိုဝ်ႉၶိူင်ႈၵွင်ႈလႄႈမၢၵ်ႇမိုဝ်ႉၸိုၼ်းယၢမ်းပၼ်ၸုမ်းသိုၵ်း PDF ။
ငိုၼ်းၵႃႈသွၵ်းတိၼ်မၢၵ်ႇတုမ်ႇလၢဝ်ၼႆႉၼၼ်ႉ တေဢၢၼ်းသူင်ႇပၼ်တႃႇသိုၵ်း PDF သိုဝ်ႉၵွင်ႈ၊ တႃႇယိုဝ်း ၸုမ်းသိုၵ်းမၢၼ်ႈ မၼ်းၼၢင်းပိုၼ်ၽၢဝ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ