Wednesday, May 22, 2024

သိုၵ်းမၢၼ်ႈ တီႉၺွပ်း ၽူႈၸွႆႈထႅမ် CDM တီႈဝဵင်းသီႇပေႃႉ ၵေႃႉၼိုင်ႈ

Must read

သိုၵ်းမၢၼ်ႈ ၶဝ်ႈၵူတ်ႇထတ်း တီႉၺွပ်း ၽူႈၸွႆႈထႅမ် ၸုမ်း CDM ( ၽူႈႁၢပ်ႇၵၢၼ်ၶုၼ်ဢၼ်သၢၼ်ၶတ်းဢႃႇၼႃႇသိုၵ်း) ၵေႃႉၼိုင်ႈ တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ဝႃႈၼႆ။

ၵူၼ်းမိူင်းသီႇပေႃႉ ၼႄၵၢင်ၸႂ်ၵမ်ႉထႅမ် NUG ၽွင်းၼႄၵၢင်ၸႂ်သၢၼ်ၶတ်းသိုၵ်းမၢၼ်ႈ ႁူဝ်ပီ 2021

ပူၼ်ႉမႃး ဝၼ်းတီႈ 23/1/2022 ယၢမ်းၵၢင်ၶိုၼ်း ၶွင်ႇသီႇသိုၵ်းမၢၼ်ႈ ယိုတ်းမိူင်း ၶဝ်ႈၵူတ်ႇထတ်းတီႉၺွပ်း ၼၢင်းယိင်း ဢႃယုမွၵ်ႈ 26 ပီ တီႈ ပွၵ်ႉၸၢင်ႈၶမ်းႁွင်ႇ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ယွၼ်ႉပဵၼ်ၵူၼ်းႁႃငိုၼ်းၵၢင်ၵွင်/ ၶူဝ်းၶွင်ၸွႆႈထႅမ် တႃႇၸုမ်း CDM ဝႃႈၼႆ။

- Subscription -

ၵူၼ်းပိုၼ်ႉတီႈ သီႇပေႃႉ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “မၼ်းၼၢင်း ၶဝ်ႈ CDM သေ ၺႃးၺွပ်းဢမ်ႇၸႂ်ႈ၊ ဢၼ်မၼ်းၼၢင်းၺႃးၺွပ်း ၼႆႉ ယွၼ်ႉမၼ်းၼၢင်းတၢင်ႇဝႆႉ ၼိူဝ်ၽဵတ်ႉပုၵ်ႉ လွင်ႈလူႇၶၢမ်ႇတႃႇၸွႆႈ CDM ၼၼ်ႉလႄႈ ၺႃးၺွပ်းၶႃႈ။ လႆႈငိၼ်းဝႃႈတႄႉ ယၢမ်းလဵဝ် မီးဝႆႉတီႈႁူင်းပလိၵ်ႈၼႆၶႃႈဝႃႈ”- ဝႃႈၼႆ။

ယၢမ်းလဵဝ် ပလိၵ်ႈမၢၼ်ႈ၊ သိုၵ်းမၢၼ်ႈ ၸိူဝ်းၼႆႉ တေသွၵ်ႈၶူၼ်ႉႁႃ ၼိူဝ်ၽဵတ်ႉပုၵ်ႉသေ ၸွမ်းလမ်း တီႉၺွပ်း ၵူၼ်းၼုမ်ႇ၊ ၵူၼ်းမိူင်း ၸိူဝ်းၵဵဝ်ႇၶွင်ႇ ၵပ်းၵၢႆႇ ႁႃငိုၼ်းၵွင်ႈၵၢင်/ ၶူဝ်းၵုၼ်ႇၶွင်ၵိၼ်ယႅမ်ႉ တႃႇၵမ်ႉၸွႆႈၸုမ်း CDM ၸိူဝ်းၼႆႉ မႃးႁၢဝ်ႈႁႅင်း။

“မိူဝ်ႈလဵဝ်ၼႆႉ ပလိၵ်ႈ၊ သိုၵ်းၸိူဝ်းၼႆႉ ၶဝ်တေၵႂႃႇသွၵ်ႈႁႃ ၼိူဝ်ၽဵတ်ႉပုၵ်ႉ ၵူၼ်းၸိူဝ်းပိုၼ်ၽၢဝ်ႇႁပ်ႉတၢင်းလူႇတႃႇၸွႆႈထႅမ် CDM ၸိူဝ်းၼၼ်ႉသေ  ဢႅဝ်ႇႁႃတီႉၺွပ်းၵူၼ်းၸိူဝ်းၵဵဝ်ႇၶွင်ႈၸွမ်းၸုမ်း CDM ။ ၶဝ်ႈ CDM ဢမ်ႇၶဝ်ႈၵေႃႈယဝ်ႉ။ သင်ဝႃႈ ႁႃငိုၼ်းၸွႆႈ/ ၶူဝ်းၶွင်ၸွႆႈၸိူဝ်းၼႆႉ ပလိၵ်ႈသိုၵ်း ၼႆႉ ၶဝ်တေဢႅဝ်ႇႁႃၺွပ်းတိၵ်းတိၵ်းၶႃႈယဝ်ႉ။ ပေႃးၶဝ်တီႉၺွပ်းၵူၼ်းႁဵတ်း CDM တႄႉ ၼႂ်းၶွၵ်ႈသီႇပေႃႉၼႆႉ ဢမ်ႇမီးတီႈယူႇၵွၼ်ႇၶႃႈဢေႃႈ၊ ပဵၼ် ၵႃႈၵူၼ်းႁဵတ်း CDM တင်းၼမ်ၶႃႈလူး တီႈသီႇပေႃႉၼႆႉ”- ၵူၼ်းပိုၼ်ႉတီႈ သီႇပေႃႉလၢတ်ႈၼႄၼင်ႇၼႆ။

 ၼႂ်းဝၼ်းတီႈ 23 ၼႆႉၵူၺ်း ယၢမ်းၵၢင်ၼႂ် မွၵ်ႈ 10 မူင်း မီးမၢၵ်ႇလူင် သႅၼ်း 40 မမ တင်းမူတ်း သီႇလုၵ်ႈ ပိုတ်းယိုဝ်းမႃး တူၵ်း တႅၵ်ႇ တီႈႁိမ်းတူဝ်းၵဵၵ်ႉသီႇပေႃႉ ၼိူဝ်သဵၼ်ႈတၢင်း ၵျွၵ်ႉမႄး – သီႇပေႃႉ။ ၼၼ်ႉတႄႉ ပဵၼ်ၼမ်ႉမိုဝ်းၽႂ် ၸုမ်းလႂ်ယိုဝ်းမႃးဢၼ်ဝႃႈၼၼ်ႉ ပႆႇႁူႉ လွင်ႈတႅၵ်ႇတိူဝ်ႉသႂ်ႇ ၵူၼ်းမိူင်းလႆႈမၢတ်ႇၸဵပ်းလူႉတၢႆ ၸွမ်းတႄႉ ဢမ်ႇမီး ၼႆယဝ်ႉ။

တႄႇဢဝ် ႁူဝ်လိူၼ်ၼႆႉမႃး ယွၼ်ႉၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၼႂ်းမိူင်းတႆးၼင်ႇၵၼ် ပိုတ်းယိုဝ်းၵၼ် ႁၢဝ်ႈႁႅင်း တၢင်းဢိူင်ႇၼမ်ႉသိမ်ႇၼၼ်ႉ သေ ႁဵတ်းႁႂ်ႈၵူၼ်းမိူင်းပိုၼ်ႉတီႈ လႆႈဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉတီႈဝတ်ႉၵၢင်ႉမေႃႇ ၼပ်ႉႁူဝ်ပၢၵ်ႇ ႁၢၼ်ႉတေႃႇထိုင် ယၢမ်းလဵဝ် ပႆႇၸၢင်ႈ ပွၵ်ႈႁိူၼ်းယေးၵၼ် ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း